• USD 378.65
  • EUR 430.07
  • RUB 6
  • CNY 55.1
21 Tamyz, 07:24:32
Alpınısterdiń naqty qaı jerde ekeni áli belgisiz

28 Mamyr, 2019 NEWS

Darıǵa Nazarbaeva ákesine "Qurmetti Senator" mártebesin berdi

"Qurmetti Senator" mártebesin berý týraly sheshim Qazaqstan Respýblıkasy Parlamenti Senatynyń Palata otyrysynda qabyldanady.

Darıǵa Nazarbaevanyń tóraǵalyǵymen ótken Parlament Senaty Bıýrosynyń otyrysynda "Qurmetti Senator týraly" Erejesi týraly másele qaraldy, dep habarlaıdy Qamshy.kz aqparat agenttigi Zakon.kz saıtyna silteme jasap.

Qazaqstan Respýblıkasynyń Tuńǵysh Prezıdenti – Elbasyna Qazaqstan memlekettiliginiń negizin qalaýshy retinde, Konstıtýsııany, adam men azamattyń quqyqtary men bostandyqtaryn qorǵaýdy, qoǵamdy toptastyrýdy qamtamasyz etýdegi, el damýynyń strategııalyq baǵytyn aıqyndaǵan tarıhı eńbeginiń moıyndalýynyń kórinisi "Qurmetti Senator" mártebesiniń berilýi bolyp tabylady.

QR demokratııalyq, zaıyrly, quqyqtyq jáne áleýmettik memleket retinde konstıtýsııalyq-quqyqtyq negizderin qalyptastyrýǵa, sondaı-aq otandyq parlamentarızmniń qalyptasýy men damýyna zor úles qosqany úshin Qazaqstan Respýblıkasynyń Tuńǵysh Prezıdenti – Elbasyna "Qurmetti Senator" mártebesi beriledi. Bıýro músheleri Memleket basshysy Q.Toqaevtyń bul bastamasyna biraýyzdan qoldaý bildirdi.

"Elbasynyń basqarýymen táýelsizdik kezindegi Qazaqstannyń jetken jetistikteri Elbasynyń osy bastaǵan jolynyń da, baǵytynyń da durystyǵyn kórsetedi. Elbasy Senat jumysyna ár ýaqytta tereń mán berdi, Senat jumysynyń yńǵaıly bolýyna barlyq múmkindikti jasap otyrdy. Senat ómiri Elbasynyń qoıyp otyrǵan barlyq maqsattarymen tikeleı tyǵyz baılanysty bolyp kele jatyr", - dedi Tóraǵa orynbasary B.Beknazarov.

"Bizdiń qazirgi Konstıtýsııamyz da, sol Konstıtýsııa boıynsha jumys istep jatqan qos Palatanyń qyzmeti de Elbasynyń úlken bastamasynyń, avtorlyǵynyń arqasynda júzege asty. 1995 jylǵy Konstıtýsııamyz postkeńestik elder ishinde birinshi ret qos Palataly Parlament jasaqtaýǵa múmkindik berdi. Sonyń negizinde Senattyń alǵashqy kúninen búginge deıingi jumysy Elbasynyń tikeleı qamqorlyǵymen, basshylyǵymen júzege asyp kele jatyr dep biz nyq senimmen aıta alamyz. Elbasy memleket qalyptastyrýshy, Táýelsiz Qazaqstannyń negizin salýshy tulǵa ǵana emes, qos Palataly parlamentarızmniń de negizin salǵan qaıratker. Sondyqtan Qasym-Jomart Kemelulynyń bul usynysyn biz qoldaımyz jáne ábden oryndy dep esepteımiz", - dedi M.Qul-Muhammed.

Senator B.Áıtimova Elbasynyń Senat otyrystarynda sóz sóılep, kez-kelgen taqyryptar boıynsha usynystar aıtý, elimizdiń barlyq azamattary men memlekettik ınstıtýttardyń tynys-tirshiligi týraly óz oılaryn ortaǵa salý múmkindikteriniń mańyzdy ekenin atap ótti.

"Men bul máseleni tolyq qoldaımyn, óıtkeni ol Elbasynyń memleketimizdiń qalyptasýy men damýyna qosqan zor úlesiniń myzǵymastyǵy bekitilgen Qazaqstan Respýblıkasynyń Konstıtýsııasyna sáıkes keledi", - dedi senator G. Kım.

"Qurmetti Senator" mártebesin berý týraly sheshim Qazaqstan Respýblıkasy Parlamenti Senatynyń Palata otyrysynda qabyldanady.

Bıýroda 30 mamyrda ótetin Palata otyrysynyń kún tártibi belgilendi. Senatorlar halyqaralyq eki qujatty: Bir taraptan Eýrazııalyq ekonomıkalyq odaq pen oǵan múshe memleketter jáne ekinshi taraptan Qytaı Halyq Respýblıkasy arasyndaǵy saýda-ekonomıkalyq yntymaqtastyq týraly kelisimdi; Qazaqstan Respýblıkasy men Lıtva Respýblıkasy arasyndaǵy bas bostandyǵynan aıyrýǵa sottalǵan adamdardy jáne medısınalyq sıpattaǵy májbúrleý sharalary qoldanylǵan adamdardy berý týraly shartty qaraıtyn bolady.

Senatorlar bıýroda sondaı-aq Qazaqstan Respýblıkasy Parlamenti Senatynyń 2019 jylǵa arnalǵan Negizgi is-sharalar josparyna ózgerister men tolyqtyrýlar engizý týraly máseleni qarady.

Usynǵan: Bek Baıtas

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir