• USD 378.65
  • EUR 430.07
  • RUB 6
  • CNY 55.1
26 Tamyz, 05:10:56
Qoryqshylardyń materıaldyq-tehnıkalyq bazasy kúsheıtiledi

25 Mamyr, 2019 Aımaqtar

Jambyldyq 328 mektep bitirýshi «Altyn belgiden» úmitti

Bul týraly Jambyl oblysy ákimdigi bilim basqarmasynyń basshysy Rahııa Turmahanbetova aıtyp berdi.

Jambyl oblysynyń mektepterinde 222 myńnan astam oqýshy bıylǵy oqý jylyn támamdady. Olardyń ishinde 8796-sy mektep bitirse, 17700 bala 9-synypty aıaqtady. Osy oqý jyly barysynda 245 oqýshy dúnıejúzilik, halyqaralyq, respýblıkalyq pán olımpıadalaryna, ǵylymı jobalar jarysyna qatysty. Sonyń 51 paıyzy (28 altyn, 32 kúmis, 64 qola medal) jeńimpaz atandy. Sol qatysqandardyń ishinde 124-i jeńimpaz atandy. Halyqaralyq olımpıadalar men ǵylymı jobalardan 28 bala aldyńǵy oryndardan kórinip, top jardy. Bul týraly Jambyl oblysy ákimdigi bilim basqarmasynyń basshysy Rahııa Turmahanbetova aıtyp berdi.

-Elbasy N.Nazarbaev «Qazaqstandyqtardyń ál-aýqatynyń ósýi: tabys pen turmys sapasyn arttyrý»  atty Joldaýynda «Bilim sapasyn baǵalaý júıesi halyqaralyq standarttarǵa negizdelýge tıis. Orta mektepterdiń ózinde balalardy meılinshe suranysqa ıe mamandyqtarǵa beıimdep, kásibı dıagnostıka júrgizý mańyzdy.    Bul oqytýdyń jeke baǵdaryn jasaýǵa jáne oqýshy men muǵalimniń oqý júktemesin azaıtýǵa múmkindik beredi» dep, naqty mindetter júktegeni belgili. Bul baǵytta Jambyl oblysynda naqty nátıjeler bar.

Aǵymdaǵy jylǵy respýblıkalyq olımpıada qorytyndysy boıynsha «Eń úzdik olımpıada mektebi» ataǵyna oblystyq mamandandyrylǵan er balalarǵa arnalǵan «Bilim-ınnovasııa» mektep-ınternaty (10 jyl qatarynan), oblystyq Aısha bıbi atyndaǵy mamandandyrylǵan qyz balalarǵa arnalǵan «Bilim-ınnovasııa» mektep-ınternaty, oblystyq mamandandyrylǵan daryndy balalarǵa arnalǵan «Daryn» mektep-ınternaty, Taraz qalasyndaǵy №40 gımnazııa, №45 gımnazııa jáne №32 orta mektep ıe boldy. 103 oqýshy halyqaralyq, respýblıkalyq shyǵarmashylyq baıqaýlary men sport jarystarynyń jeńimpazdary atandy,-deıdi R.Turmahanbetova.

Jambyldyq oqýshylardyń Ulttyq biryńǵaı testileýge daıyndyǵy da jaqsy.

Qazirgi ýaqytta 9-11-synyptar qorytyndy attestasııaǵa daıyndalýda. Attestat alý úshin tapsyrylatyn bul emtıhan 9-synyptarda 27 mamyr men 6 maýsym, 11-synyptarda 27 mamyr-7 maýsym aralyǵynda ótedi. Bul jyly 328 mektep bitirýshilerimiz «Altyn belgige», 245-i «Úzdik attestatqa» úmitker bolyp otyr.

Al, Ulttyq biryńǵaı testileýge kelsek, bıyl aıtarlyqtaı ózgeshelik joq. Byltyrǵydaı formatta 2 blokta ótetin bolady. Buryn UBT tapsyratyn pýnktke synaq tapsyrýshylardy jergilikti atqarýshy organ jetkizip, tamaqtandyrý jaǵyn uıymdastyratyn. Bıyl ondaı bolmaıdy. QR Bilim jáne ǵylym mınıstrligi engizgen ózgeristerge sáıkes, UBT joǵary oqý oryndaryna túsý úshin tapsyrylady, sondyqtan ata-analar balalaryn ózderi jetkizedi. Bul jóninde ata-analar arasynda túsindirý jumystaryn júrgizip jatyrmyz. Bıyl UBT qańtar aıynan bastap 4 ret ótkizilýde. Sonyń ishinde maýsymdaǵy synaq joǵary oqý ornyna memlekettik grantpen túsý úshin tapsyrylsa, ózgesi aqyly negizde oqý úshin ótkizilmek. Taǵy bir aıta keterlik jaıt – kolledj bitirýshileri keshendi testti bólek tapsyrmaı, synaqtan 11-synyptarmen birge ótedi. Iаǵnı, burynǵydaı keshendi testileý degen bolmaıdy. Mektep, kolledj bitirýshiler de jáne byltyr testileýden óte almaı, bıyl taǵy tapsyrýǵa nıettiler de synaqty birge tapsyrady. Bárine birdeı tapsyrma berilip, birge tapsyrylatyn bul synaq 20 maýsym men 5 shilde aralyǵynda uıymdastyrylady. Bul tek memlekettik granttan úmittilerge arnalǵan,-deıdi basqarma basshysy.

Baqyt Jalǵas

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir