• USD 378.65
  • EUR 430.07
  • RUB 6
  • CNY 55.1
21 Tamyz, 09:31:24
Alpınısterdiń naqty qaı jerde ekeni áli belgisiz

25 Mamyr, 2019 Aımaqtar

Jambyldyq oqýshylar jazda qaıda demalady?

Biz osy suraqtardy Jambyl oblysy ákimdigini bilim basqarmasynyń basshysy Rahııa Turmahanbetovaǵa qoıdyq.

Búgin elimizdegi barlyq mektepterde «Sońǵy qońyraý» soǵylyp, kezekti oqý jyly óz máresine jetti. Alda jazǵy kanıkýl. Osy oraıda jambyldyq oqýshylarǵa qandaı jaǵdaılar jasalýda? Saýyqtyrý sharalary josparlanǵan ba? Bul maqsatqa qansha qarjy jumsalmaq? Biz osy suraqtardy Jambyl oblysy ákimdigini bilim basqarmasynyń basshysy Rahııa Turmahanbetovaǵa qoıdyq.  

Bıylǵy jyly jalpy 1-10-synyptardyń oqýshylaryn jazǵy demalysty tıimdi paıdalaný jáne saýyqtyrý lagerlerimen qamtýdy josparlap otyrmyz. Birinshi baǵyt – mektep ishindegi jáne qala syrtyndaǵy lagerlerge 95,1 paıyz oqýshylar barady. Ekinshi baǵyt – qosymsha úıirmelerde uıymdastyrý sharalaryna 76,4 paıyz bala tartylady. Bunyń ishinde týrıstik saıahattar, 1 kúndik ekskýrsııalar da bar. Oblys aýmaǵynda qala syrtyndaǵy 10 lager jumys isteıdi. Tórteýi – memlekettik, altaýy – jekemenshik. Qala syrtyndaǵy lagerlerge 8046 balaǵa joldama bólingen. Bul jumystarǵa 343 mıllıon teńge qarajat bólindi. Bıylǵy bir erekshelik, lagerge joldama berý avtomattandyryldy.

Bul jumystarǵa 343 mıllıon teńge qarajat bólindi,-deıdi R.Turmahanbetova. Basqarma basshysy Áýlıeatadaǵy  bilim nysandarynyń jóndeý jumystaryna qansha qarjy bólinip otyrǵanyn da aıtyp berdi.

Byltyrǵy jyldan ótpeli 5 nysan salynyp jatyr. Olar Jambyl aýdanyndaǵy Birlesý-Eńbektegi, Merkiniń Qazaq-dıhan aýylyndaǵy, Shý qalasynyń Toǵaı massıvindegi oryn tapshylyǵy bar mektebi (respýblıkalyq bıýdjet esebinen), Baızaq aýdanyndaǵy úsh aýysymdy Aqsholaq mektebi jáne Jalpaqsazdaǵy apatty mektep. Bulardyń bári de kelesi oqý jyly bastalatyn qyrkúıekte paıdalanýǵa beriledi. Budan basqa oblysymyzda bıyl taǵy 7 bilim nysanynyń qurylysy bastalady. Olardyń bireýi – mektep. Atalǵan osy 12 nysannyń qurylysyna 3,5 mıllıard teńge bólingen. Taǵy mektepterdiń qazandyqtaryn qurý, salý jáne qaıta jańǵyrtýǵa 384 mıllıon teńge, al kúrdeli jóndeý jumystaryna 1 mıllıard 500 myń teńge qarjy qarastyryldy,-deıdi basqarma basshysy.

Jalpy, Jambyl oblysynyń bilim salasynda ilgerileý bar. Ulaǵatty ustazdar men oqýshylardyń jetistikterinen bólek materıaldyq-tehnıkalyq bazanyń da jaqsara túskendigi kóńil qýantady. Jańa mektepter salynyp, elge esigin aıqara ashýda. Mektepke deıingi mekemeler sanynyń kóbeıgendigi de quptarlyq qadam. О́ıtkeni, tárbıe negizi balalaqshada qalanady. Bul turǵyda memlekettik-jekeshelik áriptestiktiń de tıgizip jatqan kómegi mol. Sonymen qatar jazǵy saýyqtyrý maýsymynyń joǵary deńgeıde ótýine basa nazar aýdarylýy da bas barmaqpen baǵalarlyq dúnıe. El erteńi-jas jetkinshekterdiń ala jazdaı asyr salyp, alańsyz tynyǵýyna ne jetsin?!

Baqyt Jalǵas

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir