• USD 468.56

  • EUR 497.56

  • RUB 7.3

  • CNY 67.18

29 Naýryz, 12:15:37
Almaty
+35°

28 Mamyr, 2019 Áleýmet

Túrkistan oblysy kámeletke tolmaǵandar isi jónindegi mamandandyrylǵan aýdanaralyq soty Túrkistandaǵy Talǵat Bıgeldınov atyndaǵy mekteptiń 9-synyptaǵy úsh oqýshysyna álimjettik jasaǵan qaladaǵy ózge úsh mekteptiń tórt oqýshysyn keshirdi. Bul týraly Azattyq Radıosyna 27 mamyr kúni oblystyq sottyń baspasóz qyzmeti habarlaǵan dep jazady Qamshy.kz aqparat agenttigi. 

Baspasóz qyzmetiniń málimdeýinshe, Qylmystyq kodekstiń "buzaqylyq" babymen aıyptalǵan tórt oqýshy jábirlenýshi dep tanylǵan úsh oqýshymen tatýlasyp, aıyptalýshy tarap keltirilgen shyǵyndy ótegen. Eki jaqtyń kelisimge kelgen soń 21 mamyrda qylmystyq is toqtatylǵan. Aıyptalýshylar men jábirlenýshiler kámelet jasqa tolmaǵandyqtan, olardyń aty-jóni jarııalanbady.

Esterińizde bolsa, 21 qańtarda ǵalamtorda túrkistandyq mektep oqýshylarynyń úsh balaǵa álimjettik jasap, olardy uryp-soǵyp, "temekimen kúıdiremiz" dep qorqytyp jatqany beınelengen vıdeo taraǵan.  Erteńinde Ishki ister mınıstrliginiń ókili tóbeleske qatysýshylardyń bárin anyqtaǵandaryn jarııalady.

Usynǵan: Mııat Káshibaı

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir