• USD 468.56

  • EUR 497.56

  • RUB 7.3

  • CNY 67.18

29 Naýryz, 03:01:15
Almaty
+35°

27 Mamyr, 2019 NEWS

Jýrnalıster arasynda "Erkin sóz" - 2019 shyǵarmashylyq baıqaýy bastaldy

Baıqaýda baq synaıtyn BAQ ókilderi otandyq qarjy salasy, bank júıesi men qarjylyq qurylymdar, nesıe túrleri, bank ónimderi, qarjylyq saýattylyq t.b. qarjy...

2019 jyldyń 15 mamyrynan bastap «Túrkitildes jýrnalıster qory» Qoǵamdyq qorynyń «Halyq banki» AQ qarjylaı qoldaýymen ótkizetin «Erkin sóz»-2019 shyǵarmashylyq baıqaýyna materıaldar qabyldaý bastaldy dep jazady Qamshy.kz aqparat agenttigi. 

Baıqaýda baq synaıtyn BAQ ókilderi otandyq qarjy salasy, bank júıesi men qarjylyq qurylymdar, nesıe túrleri, bank ónimderi, qarjylyq saýattylyq t.b. qarjy men bankterge qatysty materıaldaryn 2019 jyldyń 05 tamyzyna deıin tapsyrýy shart. «Úzdik maqala», «Saıttaǵy úzdik maqala», «Úzdik telesıýjet» atty úsh nomınasııa boıynsha uıymdastyrylatyn Baıqaýdyń syıaqy qory – 4 mıllıon teńge.

Onyń ishinde, Bas júlde – 700 000 teńge, I oryn – 300 000 teńge, II oryn – 200 000 teńge, III oryn – 100 000 teńge. Jeńimpaz jýrnalısterge Marapattaý saltanatynda qarjylaı syıaqymen qatar zattaı syılyqtar tabystalady. 

«Erkin sóz» jýrnalıster arasynda ótetin baıqaýy (budan ári – Baıqaý) jýrnalısterdiń shyǵarmashylyq áleýetin ashý jáne yntalandyrý maqsatynda ótedi.

Baıqaýdyń mindetteri: qazaq jýrnalısteriniń kásibı biliktiligin kóterý, jas jýrnalısterdi yntalandyrý. Syılyqtardy taǵaıyndaý jáne dıplomdar men baǵaly syılyqtardy tapsyrý Aqparat jáne baılanys qyzmetkerleri kúnimen sabaqtastyrylady. Jeńimpazdardy aıqyndaý jáne syılyqtardy taǵaıyndaý Baıqaý komıssııasynyń sheshimimen júzege asyrylady. Baıqaý komıssııasynyń quramyna belgili jýrnalıster, memlekettik jáne qoǵam qaıratkerleri, úkimettik emes uıymdardyń ókilderi kire alady.

Baıqaý komıssııasy syılyqaqy alýǵa talpynýshylar men dıplomdar men baǵaly syılyqtar alýshylardy irikteý barysynda kelesi sharttardy basshylyqqa alady: materıaldardyń obektıvtiligi; kásibı sheberligi; máseleniń qoıylýy jáne ony jan-jaqty ashyp kórsetý; materıaldar týǵyzǵan qoǵamdyq rezonans; jumystardyń shyǵarmashylyq tolymdyǵy.

Baıqaýdy ótkizý jumysyn úılestirý «Túrkitildes jýrnalıster qory» QQ prezıdenti bekitetin baıqaýdyń uıymdastyrý komıtetine (budan ári – Uıymdastyrý komıteti) júkteledi.

Ereje baıqaýǵa qatysýǵa úmitker, qyzyǵýshylyq tanytýshy tulǵalardyń barlyǵyna tanysý úshin usynylady. Ereje BAQ-ta jarııalanady.

Jeńimpazdar kelesi baıqaýǵa 2 jyldan keıin ǵana qatysýǵa quqyly. Baıqaýǵa qatysýǵa barlyq BAQ jýrnalısteri shaqyrylady.

Baıqaýǵa qatysýǵa qarjy qurylymdary, QR Ulttyq banki, elimizdegi jekemenshik bankter, ıpoteka, nesıe t.b. qarjy salasyna qatysty materıaldar qabyldanady.

2019 jylǵy 01 qańtarynan 2019 jyldyń 05 shildesi aralyǵynda jarııalanǵan nemese efırge shyqqan vıdeosıýjetter men materıaldar (ocherk, suhbat, maqala, jýrnalıstik zertteý) qabyldanady.

Baıqaýǵa usynylatyn materıaldarǵa qoıylatyn talaptar:

A). Jarııalanymdar Baıqaýǵa usynylatyn materıal shyqqan basylym nemese Pdf nusqasy jáne materıaldyń Word nusqasy túrinde usynylýy tıis.

Á). Dybystyq-vızýaldy jumystar efırlik anyqtamamen birge televızııalyq baǵdarlamanyń kóshirmesi túrinde (flash-tasymaldaýshylarynda) nemese elektrondy poshtaǵa silteme túrinde usynylýy tıis.

B). Elektrondyq BAQ (saıttar men portaldar) jýrnalısteri jarııalanǵan materıaldardyń kóshirmesin ınternet-saıtta ornalastyrylǵanyn rastap joldaýy qajet.

V): Baıqaýǵa materıal usynatyn qatysýshy 3H4 sýretimen birge aty-jóni, uıaly telefon nómiri, elektrondy poshta adresi men redaksııasynyń ataýyn tolyq kórsetip, [email protected] poshtasyna joldaýy shart.

Materıaldar memlekettik tilde qabyldanady. Baıqaýǵa materıaldardy qabyldaýdyń sońǵy kúni – 2019 jyldyń 05 tamyzy, saǵat 20:00-ge deıin.

Usynylatyn materıaldarǵa mynalar qosa beriledi: jýrnalıst týraly qysqasha ómirbaıandyq aqparat, jýrnalıstiń 3h4 sm. mólsherindegi fotosýreti, aqparattyq materıaldar tizimi.

Bir jýrnalıst usynatyn materıaldardyń sany 1-den aspaıdy.

Jumystar baıqaýdyń Uıymdastyrý komıtetine habarlandyrýda kórsetilgen merzimnen keshiktirilmeı usynylady. Baıqaý taqyrybyna sáıkes emes jáne talaptarǵa saı kelmeıtin materıaldar, usyný merzimi aıaqtalǵannan keıin kelip túsken jumystar baıqaýǵa jiberilmeıdi. Baıqaýǵa usynylǵan materıaldar qaıtarylyp berilmeıdi.

Baıqaý materıaldary baıqaýdyń Uıymdastyrý komıtetiniń meken-jaıyna 2019 jyldyń 05 tamyzyna deıin kelip túsedi. Baıqaýǵa berilgen ótinishterdi qaraýdyń reglamentin Baıqaý komıssııasy belgileıdi. Baıqaý komıssııasy óz jumysynyń nátıjesi boıynsha baıqaý laýreattaryn aıqyndaıdy.

Jeńimpazdardy jarııalaý kelesi nomınasııalar boıynsha baıqaýdy jalpy qorytyndylaý sheńberinde iske asyrylady:

Úzdik vıdeosıýjet (televıdenıe);

Úzdik maqala (gazet);

Saıttaǵy úzdik maqala.

Jeńimpazdardy marapattaý.

Baıqaý materıaldaryn baǵalaý jáne irikteý prosedýrasy

Baıqaý materıaldaryn baǵalaý barysynda kelesi sharttar nazarǵa alynady: belgilengen taqyrypqa sáıkestik; jańashyldyq; máseleni taldaýdyń tereńdigi; naqtylyq pen logıkalyq negizdelýi; mazmundaý stıli men tili, tehnıkalyq sapasy; avtorlyq tujyrymdamanyń derbestigi; jarııalanymda nemese dybystyq-vızýaldyq jumysta mazmundalǵan aqparattyń naqtylyǵy men shynaıylyǵy; jýrnalıstıkanyń etıkalyq prınsıpterine sáıkestigi; syrtqy bezendirilýi.

Uıymdastyrý komıteti:

baıqaý týraly osy erejeniń talaptaryna sáıkesizdikterdi negizge ala otyryp, úmitkerdi baıqaýǵa qabyldamaýǵa;

qandaı da bir úmitkerge qatysty baıqaý komıssııasynyń múshesi óz ókilettikterin asyra paıdalanǵany anyqtalǵan kezeńde baıqaý qorytyndylaryn joqqa shyǵarýǵa quqyly.

Uıymdastyrý komıtetiniń mindetteri:

barlyq qatysýshylar úshin teń jaǵdaı jasaý;

baıqaýdy ótkizýdiń jarııalylyǵyn qamtamasyz etý;

baıqaýdyń nátıjeleri týraly málimetterdiń ýaqytynan buryn jarııa etilýine jol bermeý.

Baıqaý komıssııasy mynalardy iske asyrýǵa quqyly: baıqaýǵa túsken materıaldarǵa baǵa berý; jeńimpazdarǵa syılyqtar taǵaıyndaı otyryp, baıqaýdy qorytyndylaý.

Baıqaý komıssııasynyń mindetteri:

barlyq qatysýshylar úshin teń jaǵdaı jasaý;

baıqaýdyń nátıjeleri týraly málimetterdiń ýaqytynan buryn jarııa etilýine jol bermeý.

Baıqaý komıssııasy múshesiniń baıqaýǵa qatysýyna jol berilmeıdi.

Baıqaýǵa qatysýshylar mynalardy iske asyrýǵa quqyly:

baıqaýdyń ótý sharttary men tártibi týraly aqparattar alý;

uıymdastyrý komıtetinen osy Erejeniń tarmaqtaryna túsindirýdi suraý;

baıqaýǵa qatysý úshin materıaldar joldaý.

Baıqaýǵa qatysýshylardyń mindetteri:

Baıqaýdyń mán-jaıymen aldyn-ala tanysý, Baıqaýǵa qatysý úshin qoıylatyn talaptardy zertteý;

osy Erejeniń talaptaryna sáıkes rásimdelgen materıaldardy ýaqytyly usyný;

osy Erejede qarastyrylǵan erejeler men prosedýralardy saqtaý.

Baıqaýǵa qatysýshylar kelesiler úshin jaýapty: materıaldar men túıindemede kórsetilgen aqparattardyń shynaıylyǵyna qoıylatyn talaptardy buzǵany úshin; osy Erejede belgilengen sharttardy, erejeler men prosedýralardy saqtamaǵany úshin.

Uıymdastyrýshy týraly baılanys aqparaty:

Baıqaýdyń uıymdastyrý komıteti: , Almaty qalasy, «Túrkitildes jýrnalıster qory» QQ, Almaty qalasy, 050008, Jarokov kóshesi, 39 A (Qabanbaı batyr kóshesiniń qıylysy). Baılanys telefony: + 7 778 878 34 08; elektrondy poshta: [email protected]

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir