• USD 378.65
  • EUR 430.07
  • RUB 6
  • CNY 55.1
25 Tamyz, 07:25:51
Qoryqshylardyń materıaldyq-tehnıkalyq bazasy kúsheıtiledi

27 Mamyr, 2019 NEWS

Qaraǵandy oblysy ákiminiń orynbasary pyshaq jaraqatymen jedel-járdem shaqyrdy

Sheneýnik eshkimge eshqandaı shaǵymy joq ekenin jáne kókirek tusynyń sol jaq betinen alǵan jaraqaty úshin eshkimge aryz jazbaıtynyn málimdegen.

Qaraǵandy qalasy Lenın kóshesine 26-mamyr kúni jedel-járdem toby keshki saǵat 06:00 shamasynda keldi. Kókireginen pyshaq jaraqatyn alǵan 35-jastaǵy azamatqa kómek qajet bolǵan. Ol oblys ákiminiń orynbasary Almas Aıdarov bolyp shyqty dep habarlaıdy Qamshy.kz aqparat agenttigi Vremıa gazetiniń saıtyna silteme jasaı otyryp.

Dárigerler bul jaǵdaıdy birden polısııa qyzmetkerlerine habarlaǵan. Oqıǵa orynyna tergeý toby kelgen kezde jaraqat alǵan sheneýnik eshkimge eshqandaı shaǵymy joq ekenin jáne kókirek tusynyń sol jaq betinen alǵan jaraqaty úshin eshkimge aryz jazbaıtynyn málimdegen. Aıdarov myrzanyń aıtýynsha, tátti bálishti kesip jatqan sátte pyshaq taıyp ketip onyń denesin jaralaǵan. Qýanyshyna oraı pyshaq denege kirmegen.

Oblys ákiminiń baspasóz hatshysynyń málimdeýinshe, ózin-ózi zaqymdaǵan ákimniń orynbasary ózin jaqsy sezinedi jáne dúısenbi kúni, ıaǵnı erteńgi kúnnen bastap jumysyn jalǵastyrady.

Jaqynda ǵana Aıdarovtyń áleýmettik jelidegi paraqshasynda óziniń dosyn egiz balaly bolýymen quttyqtaǵan jazbasy paıda boldy. Bálkim oqıǵa osy merekeni toılaý kezinde oryn alǵan. Keıinirek taǵy bir jazba jaryqqa shyqty.

« Dostar, densaýlyǵyma baılanysty hattar men qońyraýlar kóp túsip jatyr. Alańdaǵandaryńyz úshin alǵysym sheksiz! Mende barlyǵy jaqsy, ádettegi bolǵan úı jaraqaty. Keshkisin baıqaýsyzda jaraqattanyp qaldym, túnde qan kete bastady, al tańerteń jedel-járdem shaqyrýǵa týra keldi. Barlyǵyńyzǵa densaýlyq tileımin»,- delingen jazbada.

Ákimdikte Almas Aıdaruly ındýstrııa, shaǵyn jáne orta bıznesti damytý jáne ınvestısııa máselelerin qadaǵalaıdy.

Aýdarǵan: Bek Baıtas

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir