Aýdan basshysy suhbat kezinde jýrnalısti soqqyǵa jyqty(vıdeo)

Hakasııadaǵy Shyryn aýdanynyń basshysy Sergeı Zaısev “Dejýrnaıa chast” baǵdarlamasynyń jýrnalısin suhbat kezinde soqqyǵa jyqty dep jazady Qamshy.kz aqparat agenttigi vesti.ru portalyna silteme jasap.

Federaldy telearna taratqan beınejazbada kórinip turǵandaı, sheneýlik basynda mıkrofondy qaǵyp, korrespondentti kabınetten shyǵarýǵa talpynady. Sodan soń tilshini jerge qulatyp, ura bastady. Bul kezde qyzmetkerlerdiń biri beınekamera obeketıvin jabýǵa tyrysýda. Odan keıin jýrnalısterdi syrtqa shyǵaryp jiberip, Zaısev pen onyń qyzmetkerleri kabınette aqyldasa bastady.

Sıýjet avtorynyń aıtýynsha, 2015 jyly turmystyq qaldyqtar polıgonynda bolǵan órt týraly suraǵanda Sergeı Zaısev jýrnalısterge kúsh kórsetken.

Telearna IID men Tergeý komıtetine aryz jazdy.

Keıin Shyryn aýdanynyń basshysy Sergeı Zaısev málimdeme jasap, jýrnalısterden kabınetti ýaqytsha bosata turýdy suraǵan.  Biraq olar kónbegendikten, esikten shyǵarýǵa talpynǵany týraly aıtty. “Edınaıa Rossııa” partııasy bolǵan oqıǵaǵa baılanysty keshirim surady.

Aýdarǵan: Ildar Adılchenov