• USD 378.65
  • EUR 430.07
  • RUB 6
  • CNY 55.1
21 Tamyz, 22:42:28
Senim údesinen shyqqan bank

26 Mamyr, 2019 Saıasat

Nur-sultanda taǵy bir belsendi sottaldy (vıdeo)

Úıiniń balkonynan "saılaýǵa boıkot" dep aıqaılaǵan Darhan О́mirbaevty "zań qyzmetkerlerine baǵynbady" dep aıyptap

25 mamyrda Nur-Sultan qalalyq ákimshilik soty úıiniń balkonynan "saılaýǵa boıkot" dep aıqaılaǵan Darhan О́mirbaevty "zań qyzmetkerlerine baǵynbady" dep aıyptap, eki táýlikke qamady dep jazady Qamshy.kz aqparat agenttigi Azattyq Radıosyna silteme jasap.

Nur-Sultan qalasy ákimshilik sotynyń sýdıasy Nurjan Qaıyrbek onyń ákimshilik quqyqbuzýshylyqqa birinshi ret tartylyp otyrǵanyn aıtyp, sol sebepti jazany jeńildetkenin jáne úkimniń birden oryndalatynyn jarııalady. "Sot qaýlysy birden qolyna tapsyrylyp, oǵan on kún ishinde shaǵymdanýǵa bolady" dedi sýdıa.

38 jastaǵy Darhan О́mirbaevtyń Azattyq Radıosy tilshilerine aıtýynsha, 20 mamyr kúni advokatynyń issaparda bolýyna baılanysty sotty keıinge qaldyrý týraly aryz jazǵanyna qaramastan, ony "sottan qashyp júr" dep kósheden ustap, sotqa ákelgen. Sotqa ony qoldap kelgen onnan astam azamattyq belsendi qatysqan.

Darhan О́mirbaev sotta 17 mamyr kúni kóp balaly otbasylarǵa beriletin áleýmettik kómekti ala almaǵany úshin qapalanyp, balkonǵa shyǵyp, Facebook áleýmettik jelisinde tikeleı efırde mıkrofonnan ádil saılaýdy talap etip, aıqaılaǵanyn aıtty. Bul týraly Qamshy.kz aqparat agenttigi jazǵan bolatyn.

"Sodan soń syrttaǵy balalar meniń dalaǵa shyǵýymdy surady. Syrtqa shyǵyp kórshilerden, esik aldyndaǵy adamdardan saılaý týraly pikirin suradym. Sol kezde polısııa ókilderi kelip, kıimimdi kııýge de múmkindik bermeı, qolymdy burap alyp ketti. Olar maǵan kómektesýge kelgen áıelimdi qorqytyp, oǵan elektrshoker qoldandy", - dedi ol.

Darhan О́mirbaevty polısııa qyzmetkerleri úıinen kúshtep alyp ketken vıdeo.

Biraq ony ustap alyp ketken polısııa leıtenanty Mansur Jaǵyparov sotta onyń aıtqandaryn joqqa shyǵardy. Onyń sózinshe, polısııa pýnktine eki habarlama túsip, ishimdik ishken adamnyń kishkentaı balalarǵa tıisip, balkonnan saılaý, prezıdent týraly neshe túrli aıtyp jatqanyna shaǵymdanǵan.

"Men úsh ret zań atymen aıtamyn dedim. Ol baǵynbaǵan soń kúshtep polısııa bólimshesine alyp kettik. Biraq men oǵan da, áıeline de elektroshokerdi qoldanǵanym joqpyn", - dedi polısııa qyzmetkeri Mansur Jaǵyparov sotta.

Advokat Baýyrjan Azanov Darhan О́mirbaevtyń kinásin anyqtaý úshin onyń ústinen shaǵym túsirgen tulǵalardy, polısııa ókilderi men oǵan taldaý jasaǵan narkolog dárigerlerdi sotqa shaqyrýdy surady. Sýdıa onyń aryzyn jartylaı qanaǵattandyryp, tek polısııa ókilinen ǵana jaýap aldy.

Prokýror J. Tústikbaev Darhan О́mirbaevtyń áreketiniń durys baǵalanǵanyn aıtyp, oǵan eki táýlik berýdi surady.

Advokat Azanov О́mirbaevtyń kinásiz ekendigin alǵa tartyp, oǵan qatysty ákimshilik isti toqtatýdy talap etti.

Aıta keteıik, О́mirbaevty polısııa buǵan deıin de basqa adamdarmen birge ruqsat etilmegen mıtıngke qatysty degen kúdikpen 22 naýryz ben 9 mamyrda ustap, onyń uıaly telefonyn alyp qoıǵan. Biraq keıin ony polısııa bólimshesine aparǵan soń bosatyp jibergen.

Usynǵan: Mııat Káshibaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir