• USD 468.56

  • EUR 497.56

  • RUB 7.3

  • CNY 67.18

29 Naýryz, 15:40:36
Almaty
+35°

26 Mamyr, 2019

Kann festıvaliniń jeńimpazdary anyqtaldy. Júldegerler qatarynda kimder bar?

"Eń úzdik ssenarıı" ataǵy fransýzdyq Selın Skıammaǵa "Portret devýshkı v ogne" kartınasy úshin tabystaldy.

Kann kınofestıvaliniń "Altyn palma butaǵy" ataǵy "Parazıty" kartınasynyń rejısseri Pon Chjýn Hoǵa buıyrdy dep habarlaıdy Qamshy.kz aqparat agenttigi RIA Novostı saıtyna silteme jasap.

Baı otbasyǵa jaldanyp jumys jasaıtyn kedeı shańyraqtyń jaı-kúıi sýretteletin komedııanyń sońy naǵyz dramaǵa aınalǵan. Osy janrlyq burylys kóptegen kórermenderdi ózine tartty bul fılmde.

Al festıvaldiń Gran-prı júldesi Matı Dıoptyń "Atlantıka" atty debıýttik týyndysyna buıyrǵan. Júldeni Sılvestr Stallone tabystady.

Festıvaldaǵy "Úzdik rejısserlar" marapaty "Molodoı Ahmed" atty fılm túsirgen qos belgııalyqtyń, Jan-Per men Lıýk Dardenniń qanjyǵasyna baılandy.

Emılı Bıchem "Malysh Djo" fılmindegi róli úshin "Eń úzdik áıel róli" ataǵyn alsa, "Eń úzdik er adam róli" marapatyna Bol ı slava» týyndysyndaǵy róli úshin Antonıo Banderas laıyq dep tabyldy.

"Eń úzdik ssenarıı" ataǵy fransýzdyq Selın Skıammaǵa "Portret devýshkı v ogne" kartınasy úshin tabystaldy.

Taǵy da bir "Altyn palma butaǵy" marapaty qysqametrajdy fılmder qatarynda báıgege túsken "Prostranstvo mejdý namı ı nebom" kartınasynyń rejısseri Vasılıs Kıkatosqa buıyrdy.

Al "Nashı materı" atty debıýttik fılmin túsirgen rejısser Sezar Dıas "Altyn kamerany" jeńip aldy.

Ladja Lıdiń "Otverjennye" fılmi men kishi Klebara Mendostyń "Bakýraý" fılmi qazylardyń arnaıy júldesine ıe boldy.

Halyqaralyq Kann festıvali 14-mamyrdan bastap Lazýr jaǵalaýynda ótti. Senbi kúni dástúr boıynsha eń úzdik týyndylardy saltanatty túrde marapattaý sharasy bolyp, festıval óz máresine jetti.

Aýdarǵan: Ádilet Mádenıet

Ádilet Mádenıet

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir