• USD 378.65
  • EUR 430.07
  • RUB 6
  • CNY 55.1
22 Tamyz, 07:06:07
Senim údesinen shyqqan bank

26 Mamyr, 2019 Densaýlyq

Adam aǵzasy qandaı múshelersiz ómir súre alady?

Qalaı desek te, adamdar aǵzasyn alyp tastaýdy dárigerler onyń ómirin saqtap qalýdyń eń sońǵy joly retinde kóredi.

Adam aǵzasy, músheleri ómir súrýge laıyqtalyp jaratylǵan. Qudaıdyń qudiretine shek joq dersiz, negizi, adamda artyq aǵza joq. Biraq túrli aýrýlar men qaterli isikterge shaldyqqanda keıbir aǵzalardy túgel alyp tastap, qalypty ómir súre berýge bolady. Sonymen, qandaı aǵzalardyń qajettiligi tómen?

Medısına ǵalymdary adamǵa aqyl tisteri men soqyr ishektiń qajettiligi týraly áli daýlasyp kele jatyr. Birinshisi, janǵa batyp bara jatsa, jeńildeý «qutylatyn» dúnıe. Al soqyr ishektiń tolyp qalýy nátıjesinde adam pyshaqqa túsýge májbúr bolady. Adamdardyń basym bóliginiń soqyr ishekti 20-25 jasyna deıin aldyryp tastaıtynyn alǵa tartqan ǵalymdar bul aǵzany múlde qajetsiz dep sanaıdy. Al qarsy top aǵza tolyq qalyptasqansha as qorytý júıeleriniń artyq zattarmen búlinbesi úshin soqyr ishekti qajet dep esepteıdi.

Adam qaı jasynda soqyr ishekten arylsa da, bul múshesiz ómr súre beredi. Sondaı-aq, soqyr ishektiń joqtyǵy adamǵa eshqandaı qolaısyzdyq pen aýyrsyný týǵyzbaıdy.

Soqyr ishekten ózge ishki aǵzalardyń barlyǵy adam balasyna qajet. Degenmen, olardyń belgili bir bóligimen de birqalypty ómir súrýge ábden bolady.

Mysaly, adam balasy bir búırekpen ómir súre alady. Bir búırekpen alańda dop teýip júrgen fýtbolshylar da bar. Sonymen qatar, ókpeniń bir jaǵymen, asqazannyń jartysymen, baýyrdyń jarty bóligimen amaldap kún kórýge bolady. Sonymen qatar, kópshilik ót joly aqaýyna ushyraıdy. Osy rette adam aǵzasy ótsiz de ómir súre alatynyn aıta ketken jón.

"Adam aǵzasynyń 25 paıyzyn alyp tastaǵan kúnde de tiri júrýge bolady", - dep támsil aıtady ǵalymdar toby. Biraq atalǵan múshelerdi alyp tastaýǵa dýshar bolǵan jandar qatań dıeta men túrli dári-dármekterdi ýaqytyly qabyldap júrýi tıis.

Qalaı desek te, adamdar aǵzasyn alyp tastaýdy dárigerler onyń ómirin saqtap qalýdyń eń sońǵy joly retinde kóredi.

«Adam aǵzasynyń aqaýlary» degen kitabynda Chıp Roý "Kólik úsh dóńgelekpen te júre alady, biraq bul tórt dóńgelektiń ornyn almastyra almaıdy" dep jazady.

Aǵzalaryńyzǵa aqaý túspesin!

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir