26 Mamyr, 2019 NEWS
Darıǵa Nazarbaeva: "Ol týraly oılaýdyń ózi qorqynyshty"
Biz Senatta barlyq qujattarǵa, zertteýler men stastıkalyq málimetterge súıene otyryp úlken saraptama jasadyq
Senat tóraǵasy Darıǵa Nazarbaeva jumys saparymen Qazaq taǵamtaný akademııasyna jáne balalarǵa arnalǵan sút ónimderin óndirýshi "Amıran" zaýytyna bardy dep habarlaıdy Qamshy.kz aqparat agenttigi tengrinews.kz saıtynyń málimetin negizge ala otyryp.
"Biz Senatta barlyq qujattarǵa, zertteýler men stastıkalyq málimetterge súıene otyryp úlken saraptama jasadyq. Saraptama nátıjesinen túsingenimiz, qazirgi otandyq naryqta balalar taǵamyn óndirý salasyna durys nazar aýdarylmaıdy. Elimizdegi balalar taǵamdarynyń shamamen 90 paıyzǵa jýyǵy shetelden tasymaldanady. Ol ónimniń jaramdylyq merzimine, qandaı qospalar qosylǵanyna eshkim jaýap bermeıdi. Ondaı taýarlar shalǵaı jerlerden ákelinetindikten saqtaý merzimi de tym úlken, keıbiri jyldap saqtala beredi, shynymdy aıtsam, biz balalarymyzǵa ne berip jatqanymyzdy oılaýdyń ózi qorqynyshty", - dedi Darıǵa Nazarbaeva.
Senat tóraǵasy Qazaq taǵamtaný akademııasynyń ujymymen kezdesip, taǵamnyń sapasy men qaýipsizdigin tekseretin zerthanalardyń jumysymen tanysty.
"Birinshi kezekte, organıkalyq taza ónimder kishkentaı balalary bar otbasylarǵa qoljetimdi bolýy kerek. Bizde bıe sútinen jasalatyn balalarǵa arnalǵan azyq-túlik ónimderi bar. Qantsyz. Mundaı ónimderdi tutyný – álemdegi kez kelgen dıetologtyń armany", - dedi Darıǵa Nursultanqyzy.
Aýdarǵan: Dáýren Sybanbaı
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir