• USD 468.56

  • EUR 497.56

  • RUB 7.3

  • CNY 67.18

29 Naýryz, 12:57:55
Almaty
+35°

26 Mamyr, 2019 Saıasat

Aıtysker aqyn Rınat Zaıtov Youtube jelisindegi NURSILA kanalynyń "Oı túbinde jatqan sóz" baǵdarlamasyna suhbat berdi dep jazady Qamshy.kz aqparat agenttigi. 

Suhbat barysynda Rınat Zaıtov óziniń qoǵamdaǵy orny, aıtysker aqyndar, óner adamdary, alda kele jatqan saılaýǵa jáne qazirgi Qazaqstan bıligine kózqarasy týraly aıtty. 

"Halyqtyń sózin sóıleý – mindetim dep bilemin"

Júrgizýshiniń "halyq seniń aqyndyǵyńdy emes, qoǵamdaǵy belsendiligińdi baǵalaıtyn tárizdi. Qoǵamda qandaı da bir oqıǵa oryn alsa, soǵan baılanysty bir aıtsa, Rınat aıtar dep seniń pikirińdi tyńdaýǵa asyǵatyndar bar. О́zińe osy eki qyryńnyń qaısysy unaıdy? Ary qaraı qaısysyn jalǵastyratyn oıyń bar?" degen suraǵyna aqyn:

"Meniń túsinigimde ekeýi bir-birinen ajyramaıtyn nárse. Meniń aqyndyǵym, tanymaldyǵym, toıdan tapqan tabysym ózime jetedi. Bılikti maqtap qoıyp, bir jerge jumysqa kirip alýǵa bedelim de, múmkinshiligim de bar. Biraq meniń ishki uıatym ondaı beı-jaı bolýǵa jibermeıdi. Talaı ret sahnada "Rınatqa júlde berińder" dep shýlaǵan, meniń amandyǵymdy tilep, batasyn berip júrgen halyqtyń qoshemetin eń bolmasa osylaı halyqtyń ishinde aıta almaı júrgen nársesin aıtyp qaıtarýym kerek qoı. Ol  – meniń mindetim",  – dep jaýap bergen Zaıtov aıtysker áriptesteriniń halyqtyń sózin aıtýǵa kelgende, qymsynyp qalatynyn jasyrmady. 

"Bir dastarhanda otyrǵanda – bári batyr. Al sahnada basqasha. Qarapaıym mysal, ótkende bizdiń odaqtyń (rAıtys aqyndary men jyrshy, termeshilerdiń halyqaralyq odaǵy-red) quryltaıy ótti. Sonda Júrsin Erman "Úkimet meniń kandıdatýramdy qoldamady. Eger seniń kandıdatýrań usynylatyn bolsa, biz báribir ótkizbeımiz, sondyqtan aıtysyńdy jaýap tastamasyn deseń, sen bizdi qolda dep aıtty" dep aıtyp alyp, "endi biz odaq bolyp Toqaevty qoldaımyz. Qoldaımyz ba?" degende aqyndardyń 99 paıyzy qoldaımyz dep qol kóterdi. Bul neni bildiredi? Sahnada dombyrany dyńǵyrlatyp "elim, halqym" dep aıqaılaıtyn aqyndar kóp, biraq osyndaı syn saǵaty taıaǵanda sol baıaǵy maldyq psıhologııa, qolyn kóter dese, kóteredi, túsir dese, túsiredi, jat dese, jatady",  – dep áriptesterin synǵa aldy. 

"Bulttyń ishinde emes, ulttyń ishinde júrý"

Sondaı-aq, aqyn qazir óner adamdary halyqtan ózderin bıik qoıatynyn aıtty.

"Sahnaǵa shyqqandaryn mindet qylady qazir óner adamdary. Quddy bir halyq solardyń arqasynda halyq bolyp otyrǵan sııaqty. Qazir kóptegen óner adamdarynyń "Men óner adamymyn ǵoı, meni tórge shyǵaryńdar, syılańdar" degen sasyq keýdeleri bar. Ondaılar bulttyń ústinde otyr",  – degen Rınat Zaıtov ózi aıtqan óner adamdaryn "Bulttyń ishinde emes, ulttyń ishinde júrýge"  shaqyrdy. 

"Qoıshy saıasatker bolmaǵanda, qaıtedi?"

Aqynnyń oıynsha, qazir bıliktegi adamdar óz jumystaryn durys atqarmaı hám halyqtyń ıgiligine jumys atqaratyn azamatarǵa múmkindik bermeı otyrǵandyqtan, halyqtyń bári saıasatker bolyp ketken. 

"Bizdiń Qazaqstanda Reseımen de teń sóılese alatyn, qazaqtyń shıkizatyn óndire alatyn, qazaqtyń shıkizatyn Reseıdiń kómeginsiz-aq, shetelge shyǵara alatyn jigitter boldy. Muhtar Jákishev, Ǵalymjan Jaqııanovtaı jigitter boldy ǵoı. Bárin ne istedi? Bárin sottap jiberdi. Nege biz ózimizdiń sondaı isker jigitterimizdi óz qolymyzben qurtyp alǵannan keıin halyqtan kóremiz. Osydan keıin qoıshy saıasatker bolmaǵanda qaıtedi? Olar da kórip otyr emes pe, osynyń bárin. Bizdiń qazir senip otyrǵan depýtattarymyz bes bala ólgende jylamaıdy, Nazarbaev ornynan ketse eńirep otyr. Olar saıasatpen aınalysyp otyrǵan joq qoı. Olar tek jeýmen, ózderin baıytýmen, halyqty aldaýmen ǵana aınalysyp otyr. Osydan keıin halyqtyń bári saıasatker bolmaǵanda ne isteıdi",  – dedi aqyn qazirgi bıliktiń ustanyp otyrǵan saıasatyn synǵa alyp.

"Halyqtyń jaǵdaıyn oılasa, qazirgi úkimet ádil saılaý ótkizsin"

"Bizdiń úkimet qazir bizdi adam sanaýdy qoıdy ǵoı. Jalpy bizdi jany bar nárse dep sanaýdy qoıdy qazir. Meniń oıymsha, bılik qazir saılaýdy ádettegideı isteı salamyz dep otyr. Shýlaǵan qazaq qaıda barady dep oılap otyr. Bular onyń arjaǵynda ne bolatynyn sezinip otyrǵan joq. Eger bılik osy memlekettiń tynyshtyǵyn, birtutastyǵyn oılasa, ádiletti saılaý ótkizsin. Múmkinshilik bersin. Qasym-Jomart Toqaev debatqa shyqsyn. Halyqtyń aldyna shyǵyp sóılesin. Biraq Toqaevtyń debatqa shyǵyp sóz taıtalastyratyndaı qazaqshasy bar dep oılamaımyn. Toqaev myrza maǵan renjimesin. Men ol kisini óz oıymen oılanyp otyrǵan adam dep oılamaımyn. О́ıtkeni, ótkende Semeıge bardy. Qansha jyl zarlap jatqan Semeı, eń bolmasa, osy saılaýdyń aldynda ózine upaı jınaý úshin oblysty ashyp jiberse bolatyn edi ǵoı. Joq! Barǵandaǵy bergen ýádesi ne? "Men Abaıdyń 170 jyldyǵyn joǵary deńgeıde ótkizemin" deıdi. Osy ma, sonda bergen ýádesi?! Jumyssyz otyrǵan halyqqa toı qajet emes qazir. Toılaıtyn emes, oılaıtyn zaman. Sondyqtan halyqtyń jaǵdaıyn oılasa, qazirgi úkimet ádil saılaý ótkizsin. Biraq osy ýaqytqa deıin halyqqa jany ashymaǵan úkimet taǵy da ózinikin isteıdi degen qorqynysh bar", – degen aqyn alda kele jatqan saılaýdyń ádil ótetinine tolyqtaı senimdi emes ekenin bildirdi.

Suhbattyń tolyq nusqasyn tómendegi vıdeodan kóre alasyzdar.

Vıdeo Youtube-taǵy NURSILA kanalynan alyndy

Daıyndaǵan: Mııat Káshibaı

 ♦Oqı otyryńyzdar: Rınat Zaıtov: Saılaý ádiletsiz ótse, halyq alańǵa shyǵatyna kepildik beremin

 

Mııat Káshibaı

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir