25 Mamyr, 2019 IT
Bular ... ómirde joq...
Kezinde atom bombasyn jasaýshylar da osylaı tolǵanǵan. Biraq báribir jasaǵan.
ThisPersonDoesNotExist.com saıty birazdan beri jasandy ıntellekttiń ónimin usynyp keledi dep habarlaıdy Qamshy.kz aqparat agenttigi zen.yandex.ru saıtyndaǵy Erlan Ospannyń jazbasyn negizge alyp.
"Bular ... ómirde joq..." dep bastalady avtordyń jazbasy... "Biraq, dúnıeniń jalǵandyǵy men jeti qat jerdiń astynan taýyp alatyn timiski ajaldy oılap, qamyqpaı-aq qoıyńyz. «Áttegen-aı, jas eken!» dep músirkemeı tura turyńyz.
Bular ómirde joq. Bolmaǵan da. Kádimgi jasandy ıntellekttiń ónimi. ThisPersonDoesNotExist .com (qazaqshalasaq, «MundaıAdamО́mirdeJoq.com») saıty birazdan beri jasandy ıntellekt arqyly adam fotolaryn «oıdan shyǵaryp» kórsetedi. Paraqty jańartqan saıyn (F5 pernesin basýǵa da bolady) — jańa foto usynady.
Bul qalaı múmkin boldy?
The Verge habarlaýynsha, bul servısti programmıst Philip Wang jasaǵan. Jasaý úshin ózderińizge, ásirese geımerlerge áıgili nVIDIA zertteýlerin paıdalanylǵan. Bul grafıkalyq prosessor alpaýytyn keleside erekshe atap ótermiz. Áıteýir bıznesin qazirshe aıtqanda - «dıversıfıkasııalap», búginderi ózi mashyqtanǵan grafıkalyq temir-tersekter shyǵarýdan basqa, jasandy ıntellekt zertteýde de ozyp otyr. Osy fotolardyń «ómirge kelýine» osy kompanııa jasaǵan StyleGAN algorıtmi qoldanylǵan. Jáne osy bıiginde qalatyn túri joq. Qazir zertteýshiler endi — anıme keıipkerlerin jasaý, tipti, graffıtı salý men qarip «oılap tabýdyń» jolyn qarap jatyr!
Biraq etıkalyq másele bar. Mundaı jasandy fotolardy myńdap, joq, sheksiz shyǵarý múmkindigi qoǵamdy bylyqtyrýy múmkin. Mysaly, saıası naýqandar, úgitteý jumystarynda qoldanylsa qaıtemiz? Tirige bergisiz myńdaǵan feık-akkaýnttar zymııandarǵa qajet «qoǵamdyq kózqaras» qalyptastyryp berýi múmkin degen úreı bar. Kezinde atom bombasyn jasaýshylar da osylaı tolǵanǵan. Biraq báribir jasaǵan. Endeshe munyń toqtaıtyn, muny toqtatatyn esh alǵyshart kórip turǵan joqpyn. Shynymen solaı bolatyn shyǵar.
Aıtpaqshy, Google Images servısinen mynaý, ózimshe «qazaq bala» dep at qoıyp alǵan fotony izdep kórdim:
Shynymen, Google eshteńe tappady. Biraq násilin shamalap turǵandaı ma, qalaı:
О́zim baıqaǵan bir jaıt: adamzat grafıkalyq shyǵarma jasaýdy osyndaı qarqynmen úırenip jatsa da, mátin jazýdy úıretýde aıtarlyqtaı jetistik joq. Qyzyq, kerisinshe - beıne jasatý qıyn bolýy kerek sııaqty ǵoı qısynǵa salsaq?
Aıtpaqshy, myna «balanyń fotosynda» aıtarlyqtaı artefakt bar:
Toqeteri, ThisPersonDoesNotExist.com saıtyn ara-tura qarap qoıyńyzdar, qazaqqa uqsaıtyn bireýler shyǵyp qalar.
Erlan Ospan, IT mamany
Usynǵan: Maqpal Sembaı
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir