14 jyl burynǵy qupııa ólim: Almatyda reseılik bıznesmendi óltirgen kıller áıel kim?

Osydan 14 jyl buryn qoǵamda rezonans týdyrǵan Almaty qalasynda bolǵan oqıǵa áli kúnge deıin jumbaq kúıinde qaldy dep jazady Qamshy.kz aqparat agenttigi caravan.kz saıtynyń deregin negizge alyp. 

Reseılik iri bıznesmen Ramazan Charkselıanıdi Almaty-1 mańynda 2005 jyly atyp ketken bolatyn. Bul táýelsiz Qazaqstanda kıller-áıeldiń qatysýymen bolǵan alǵashqy qylmystyq oqıǵa. 

2005 jyl... Qylmys bolǵan oqıǵa ornyna arnaıy polısııa qyzmetkerleri keldi. Olar kóliktiń ishinde 45 jastaǵy kásipkerden bólek onyń áıeli jáne kámeletke tolmaǵan qyzy bolǵanyn aıtqan. Qylmys Iаssaýı kóshesinde bolǵan. 

Kýágerlerdiń sózinshe, Ramazan Charkselıanı kólikti KPP kabınasynyń janyna toqtatqan kezde,  qara kózildirikti áıel onyń kóliginiń qasyna barǵan. Beıtanys áıel kásipkerge birneshe suraqtar qoıyp, nazaryn aýdarmaq bolady. Keıin oǵan 4 ret oq atady. Birinshi oq kásipkerdiń ıyǵyna, al eki oq qaq mańdaıyna tıedi. Kásipker sol jerde tilge kelmeı qaıtys bolǵan. Al tórtinshi oq áıeliniń sol qolynyń saýsaǵyna tıedi. Bir ǵajaby kóliktiń artynda otyrǵan balalarǵa oq tımeı, aman qalǵan. 

Birneshe sekýndqa sozylǵan shabýyldan soń, qylmysker oqıǵa ornynan izin sýytady. Kýágerlerdiń aıtýynsha, kıller Aýdı - 100 markaly kólikke minip ketken. Al kólik júrgiýshi eýropalyq jas jigit bolǵan. 

Bıznesmenniń áıelin shuǵyl aýrýhanaǵa jetkizgen. Sol mańdaǵy kúzetshiler bolsa ólerdeı mas bolǵan. Atalmysh qylmystyq oqıǵaǵa birneshe sebep bar.

Birinshisi, qarsylastardyń qandy kegi bolýy ábden múmkin. Charkselıanıdiń Almatydaǵy kóterme-saýda oryndarynyń birin satyp alýdy oılastyryp júrgeni belgili boldy. Alaıda tekserý jumystary kezinde bul nusqaǵa baılanysty eshqandaı aıǵaq tabylmady. 

Sondaı-aq bıznesmendi óltirýge tapsyrys Reseıden kelgen bolýy múmkin. Sebebi bıznesmen qaıtys bolarynan 7 jyl buryn Reseıden Qazaqstanǵa kóship kelgen. 

Bul iske qatysty áskerı qyzmettegi barlyq áıelder tekserýden ótti. Olardyń qatarynda IIM-degi, UQK-degi tipti ańshylyq qaýymdastyqtaǵy áıelder tekseristen ótti. Biraq bári beker boldy. Kisi óltirýshiniń áıel adam ekeni saýsaq izi arqyly anyqtaldy. Charkselıanı kóliginiń terezesinde kıllerdiń saýsaq izderi qalǵan. 

Sonymen qatar qylmyskerdiń "Borz" dep atalatyn sheshenderdiń pıstolet-pýlemetin qoldanǵany anyqtaldy. 

Mundaı qarý-jaraqtar Reseıdegi ekinshi sheshen soǵysynan keıin óte kóp boldy. Barlyq qarý-jaraq ıesine qatysty tergeý jumystary júrgizilse de, sońy nátıjesiz aıaqtaldy. 

Polısııa qyzmetkerleri kisi óltirýge tapsyrys bergen adamǵa qatysty túrli boljam jasaǵanymen,  kıllerdiń kýágerligi arqyly ǵana qylmysty dáleldeı alatyn edi. Al kıller-áıel sol kúıi iz-tússiz joǵaldy. Eshqandaı aıǵaq ta tabylmady. Eń ókinishtisi, bıznesmendi óltirýge tapsyrys bergen adam men kıller 14 jyl boıy bostandyqta taırańdap júr.

Aýdarǵan: Ásel Bolatqyzy