• USD 378.65
  • EUR 430.07
  • RUB 6
  • CNY 55.1
21 Tamyz, 22:49:04
Senim údesinen shyqqan bank

24 Mamyr, 2019 Sport

Jansaıa Ábdimálik álemdegi eń myqty shahmatshyny "altynsyz" qaldyrdy

«Meniń qarsylastarym ár jyldary álemdik birinshilikte top jarǵan shahmatshylar. Sol sebepti, bir sekýnd ta aıaldaýǵa qaqym bolǵan joq."

Qytaıdyń Henshýe qalasynda shahmatttan IMSA World Masters chempıonaty aıaqtaldy. Jansaıa Ábdimálik eks-chempıon Aleksandra Kostenıýkti «altynsyz» qaldyrdy dep habarlaıdy Qamshy.kz aqparat agenttigi Shahmat federasııasynyń baspasóz qyzmetine silteme jasap.

Qazaqstan shahmatshylary mundaı iri saıysqa birinshi ret shaqyrylyp otyr. Qazaqstan atynan jarysqa chempıonattyń eń jas oıynshysy atanǵan halyqaralyq grossmeıster Jansaıa Ábdimálik bardy. Shahmattyń rapıd pen blıs kezeńderi boıynsha álemniń eń úzdik 16 shahmatshysy ózara synǵa túsken edi. Almatylyq shahmatshy álemniń birneshe eks-chempıondarynan aılasyn asyra bildi.

«Meniń qarsylastarym ár jyldary álemdik birinshilikte top jarǵan shahmatshylar. Sol sebepti, bir sekýnd ta aıaldaýǵa qaqym bolǵan joq. Rapıd saıysy boıynsha men 2017-2018 jylǵy álem chempıony Tan Chjýnıdi jeńdim. Sonymen birge, Naný Dzagnıdze, Irına Krýsh sekildi myqty shahmatshylardan da mereıim ústem boldy. Blıs kezeńinde Marııa Mýzychýktan 2:0 esebimen esemdi qaıtardym. Dál osyndaı eseppen Hampı Konerdi jeńdim», - deıdi Jansaıa Ábdimálik.

Týrnırdiń qorytyndysy boıynsha, Jansaıa Ábdimálik óz reıtıngin 2414-ke kóterdi. Ol qazirgi ýaqytta shahmattyń klassıka, rapıd jáne blıs kezeńderi boıynsha ELO deńgeıi bar birden-bir qazaqstandyq shahmatshy ekenin aıta ketý kerek.

«Jansaıa saıys qorytyndysy boıynsha rapıd pen blıs boıynsha jetinshi oryn aldy. Ol keremet oıyn kórsetti. Álemniń úzdik shahmatshylaryn utyp qana qoımaı, qytaılyq favorıt Leı Tınszymen teń tústi. Álemnik eks-chempıony Anna Ýshenınova men Aleksandra Kostenıýkpen ótken partııany teń aıaqtady. Alaıda Jansaıa bir partııa boıynsha ataqty oıynshylardan aılasyn asyrdy. Dál Jansaıadan jeńilýi sebepti Kostenıýk bul chempıonatta altyn medalinen aıyryldy», - deıdi Qazaqstan shahmat federasııasynyń atqarýshy dırektory Irına Grıshenko.

Chempıonatqa álemniń 36 elinen 170 shahmatshy qatysty. IMSA World Masters Championship eń alǵash ret 2008 jyly ótken edi. Chempıonatqa osyǵan deıin Anatolıı Karpov, Sergeı Karıakın, Hıkarý Nakamýra, Levon Aronıan, Aleksandr Grıshýk, Hoý Ifan, Djý Vendzýı sekildi álemge áıgili shahmatshylar qatysqan.

Usynǵan: Maqpal Sembaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir