• USD 378.65
  • EUR 430.07
  • RUB 6
  • CNY 55.1
26 Tamyz, 14:25:52
Nyǵmatýlın Parlamenttiń qos palatasyn birlesken otyrysqa shaqyrdy

24 Mamyr, 2019 Saıasat

Lýkashenko qazaq munaıyna kóz tikti (vıdeo)

Belarýs prezıdenti Aleksandr Lýkashenko sapasyz munaıdan eldiń "orasan zor" zardap shekkenin aıtyp, Reseıden ótemaqy kútetinin jetkizdi.

Belarýs prezıdenti Aleksandr Lýkashenko Qazaqstan munaıyn Belarýske tasymaldaý boıynsha kelissóz bastaýdy usyndy dep habarlaıdy Qamshy.kz aqparat agenttigi azattyq.org saıtyna silteme jasap. 

Qazaqstannyń Belarýstegi elshisimen kezdesý kezinde Lýkashenko eldiń munaı óńdeý zaýyttaryna jan-jaqtan munaı túskenin qalaıtynyn aıtqan. Agenttiktiń habarlaýynsha, elshi Ermuhamet Ertisbaev Qazaqstan Belarýske munaı tasymaldaýǵa daıyn ekenin, biraq aldymen Reseımen kelisý qajettigin alǵa tartqan.

Bıyl sáýir aıynda Reseı munaıyn Belarýs arqyly Eýropa elderine jetkizetin "Drýjba" munaı qubyrynan sapasyz munaı tabylǵan soń Reseı jaǵy munaı jóneltýdi ýaqytsha toqtatqan. 23 mamyrda slovakııalyq Transpetrol kompanııasy "Drýjba" qubyry arqyly munaıdyń qaıta kele bastaǵanyn habarlady.

21 mamyrda "Belneftehım" memlekettik kompanııasy qazirgi kezde Belarýste 1,2 mıllıon tonna kóleminde sapasyz munaı bar ekenin habarlaǵan. Reseı prezıdenti Vladımır Pýtın bul jaǵdaı eldiń abyroıy men munaı ınfraqurylymyna "úlken nuqsan keltirgenin" aıtqan.

Belarýs prezıdenti Aleksandr Lýkashenko sapasyz munaıdan eldiń "orasan zor" zardap shekkenin aıtyp, Reseıden ótemaqy kútetinin jetkizgen.

Reseılik "Transneft" munaı kompanııasy munaıdyń lastanýyna shaǵyn jekemenshik kompanııany kinálaıdy.

Usynǵan: Dáýren Sybanbaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir