24 Mamyr, 2019 Oqıǵalar
Dabyl! Dúkenderde quramynda qýattandyrǵyshy bar konfetter paıda boldy
Syrtyndaǵy jazýdy oqyp, shoshyp kettim. Syrty qara tústi bolǵandyqtan, nazarym birden aýdy.
Dúken sórelerinde quramynda qýattandyrǵyshy bar muz konfetter paıda boldy dep habarlaıdy Qamshy.kz aqparat agenttigi.
Bul týraly «Sapa» tutynýshy quqyǵyn qorǵaý ulttyq qoǵamy habarlady.
"Qashannan beri ekenin naqty bilmeımiz, biraq dúken sórelerinde quramynda energy, redbul ataýly qýattandyrǵyshy bar chýpa-chýps ataýlatyn muz konfetter paıda boldy. Balam táttini satyp alyp ber dedi. Syrtyndaǵy jazýdy oqyp, shoshyp kettim. Syrty qara tústi bolǵandyqtan, nazarym birden aýdy. Balalarǵa arnalǵan táttiniń quramynda densaýlyǵyna asa qaýipti nárseniń bar ekeni ashýyma tıdi" - degen mátinde hat jazdy tutynýshylardyń biri.
Rasymen de, naryqta sportshylar men aýyr fızıkalyq eńbekpen aınalysatyn adamdarǵa arnalǵan qýattandyrǵysh konfetter paıda boldy. Syrtqy formasy balalardyń muz konfetine uqsaıdy. Mysaly, Spring Energy konfeti - kólemi kishkentaı ári súıkimdi. Biraq quramynda kópshilik biletin zııandy qospa kofeın men taýrın bar. О́ndirýshi - "MALVIK" (Reseı, Máskeý qalasy) kondıter fabrıkasy. О́ndirýshiler bul ónimdi balalarǵa tutynýǵa bolmaıtynyn eskertedi.
Quramynda gýarana syǵyndysy bar Reseıdiń «Magnum» nemese «ENERGON" atty batareıa túrindegi konfetteri de balalardyń nazaryn aýdarýy múmkin. Bul quramynda kofeıni kóp tabıǵı ónim. Bir konfettiń quramynda kofeınniń táýliktik dozasynyń jartysy bar. Bes konfetti tutynsańyz (bir qorapta bes tal bolady), ol qýattandyrǵysh sýsynnyń beseýin almastyra alady. Bul konfetter 18 jasqa tolmaǵan balalarǵa arnalmaǵan! Ol týraly taýardyń qaptamasynda jazylǵan.
Tyıym salynǵan nárseniń qashan da tátti ekenin bári biledi. Keıde óndirýshiler muny marketıngtik tásil retinde paıdalanady. Dúken sórelerinen "Iаgýar" ataýly qýattandyrǵysh dámi bar «Chýpa-chýps XXL trıo» konfetin de taba alady. Tipti qaptamasynda sýreti de kórsetilgen. Alaıda, muz konfettiń quramy: negizinen qanttan, glıýkoza shárbatynan, jemis-jıdekti ezbeden, boıaǵyshtardan, hosh ıistendirgishten turady delingen. Quramynan eshqandaı da asa qaýipti kofeındi taba almaısyz. Biraq qosymsha óndirýshiler qospa retinde asa qaýipti E 320 antıoksıdantyn paıdalanady. Bul zat nıtratpen op-ońaı árekettesip, nátıjesi qan quramynda patologııalyq ózgeristerge alyp keledi.
«Sapa» tutynýshy quqyǵyn qorǵaý ulttyq qoǵamy ata-analardy barynsha muqııat bolýǵa shaqyrady. Naryqtaǵy táttiniń bári derlik balalarǵa arnalmaǵanyn eskertedi!
Usynǵan: Maqpal Sembaı
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir