Mao Szedýn ómirinde tisin jýmaǵan. Qupııasy nede?

"Jolbarystar eshqashan tisin jýmaıdy, onyń tisteri árdaıym ótkir bolyp turýy tıis" degen ustanymdaǵy Qytaı dıktatory ózin jyrtqysh hám qaýipti adam retinde baǵalaǵan.

"Mao Szedýnniń jeke ómiri" degen kitap jarııalaǵan dıktatordyń jeke dárigeri Sıýan Iаnchı onyń óte qyzyq adam bolǵanyn aıtady. Mao "joldastyń" úzeńgilesteriniń ózi tańdanatyn erekshe ádetteri bolǵan eken.

Osynyń ishindegi eń aıtýly ári nazar aýdartatyn ádeti – dıktatordyń uzaq ómir súrýge qatty umtylys jasaýy. Ol óziniń osy múddesiniń údesinen shyǵý úshin, tipti, pák qyzdardy da qoldanýdan bas tartpaǵan.

Sondaı-aq, ómir jasyn uzartý úshin qytaılyq kóshbasshy jeke gıgıena qaǵıdalaryn da ózinshe qurǵan.

Mysaly, ol eshqashan sýmen jýynbapty. Tek denesin sýly oramalmen súrtkizip otyrǵan. Osydan keıin ol "trıhomonoz" degen aýrýǵa shaldyǵyp, sol kezde-aq damyǵan qytaı medısınasynyń kómegimen aman qalady.

Dáriger Maoǵa jeke gıgıenany saqtaý qajettilikteri týraly aıtqanda, dıktator óziniń jolbarys týraly támsilin alǵa tara bergen. Ol ár kúni tańerteń tisin kók shaımen ysqylap, artynsha taǵy da shaı túıirshikterin shaınap júrgen. Dáriger dıktatordyń qyzyl ıeginiń túsi birneshe jyldardan keıin jasyl túske enip ketkenin aıtady.

Osynaý bir "birtúrli" qaǵıdalardyń týýyna zertteýshiler dıktatordyń kedeıshilikte jetilgeni, onyń órkenıetten asa habardar emestigi sebep bolǵan desedi. 

Maonyń taǵy bir ereksheligi – jýyný men uıyqtaýdy bosqa ýaqyt joǵaltý dep sanaýy. Ol táýligine tórt saǵattan artyq uıyqtamaǵan.

Osynyń bárin Mao uzaq ómir súrý úshin jasady. Dese de, ol óz mıssııasynda rekord ornatqan joq. Maqsatyna jete almady dep aıtýǵa taǵy bolmaıdy. Mao Szedýn 82 jasynda ómirden ótken.

Qazirgi zamanda da ataqty dıktatordyń ádetin qaıtalaýshylar kóp. Olar tis shetkasy men pastadan maqurym qalǵan. Osy kereǵarlyqty qalpyna keltirý úshin Qytaı Ulttyq aýyz qýysy gıgıenasyn saqtaý komıteti qurylǵan. Qyzyq pa?! Qyzyq!