• USD 468.56

  • EUR 497.56

  • RUB 7.3

  • CNY 67.18

28 Naýryz, 21:13:44
Almaty
+35°

23 Mamyr, 2019 Ádebıet

Maraltaı Raıymbekulynyń mereıtoıy týǵan jerinde dúrkirep ótti

Poezııa merekesi   eń aldymen Shoqan Ýálıhanov atyndaǵy oblystyq ámbebap ǵylymı kitaphanadan bastaý aldy.

Halyqaralyq «Alash» ádebı syılyǵynyń ıegeri,  Qazaqstan Respýblıkasynyń Eńbek sińirgen qaıratkeri Maraltaı Raıymbekuly bıyl erdiń jasy-elýge toldy. Buǵan deıin mereıtoı aıasynda Almaty qalasynda  shyǵarmashylyq keshterin ótkizgen arqaly aqyn týǵan jeri — Áýlıeata óńirine at basyn burdy.

Maraltaı Raıymbekuly

Poezııa merekesi   eń aldymen Shoqan Ýálıhanov atyndaǵy oblystyq ámbebap ǵylymı kitaphanadan bastaý aldy. Onda Elbasynyń «Bolashaqqa baǵdar:rýhanı jańǵyrý» baǵdarlamalyq maqalasynyń aıasynda qolǵa alynǵan «Aýyldyq kitaphana – jergilikti qoǵamdastyq ortalyǵy» atty aýyldyq kitaphanalar kúnderi aıasynda Sarysý aýdanyna qarasty Igilik aýyldyq kitaphanasynyń mamandary Maraltaı Raıymbekulynyń 50 jas mereıtoıyna oraı «Aı astyndaǵy Kentavr» atty ádebı-sazdy kesh uıymdastyrdy.

Maraltaı Raıymbekuly

Shara barysynda jyr jampozynyń shyǵarmashylyǵy áńgime ózegine aınalyp, áserli estelikter aıtyldy. Jalyndy jyrlar oqylyp, paıymdy pikirler aıtyldy.  

Maraltaı Raıymbekuly

Al negizgi shara «Juldyz attas jalǵyz shahar jahandaǵy» taqyrybymen Jambyl oblystyq qazaq drama teatrynda ótti. Mazmundy keshke Qazaqstan Jazýshylar odaǵy tóraǵasynyń orynbasary, Qazaqstan Respýblıkasy Prezıdenti syılyǵynyń laýreaty, qalamger-jýrnalıst  Mereke Qulkenov, Qazaqstan Respýblıkasynyń Memlekettik syılyǵynyń laýreaty, belgili aqyndar  Esenǵalı Raýshanov,   «Daryn» memlekettik jastar syılyǵynyń laýreaty,  «Qurmet» ordeniniń ıegeri Svetqalı Nurjanov, Memlekettik syılyqtyń ıegeri Tynyshtyqbek Ábdikákimuly, Qazaqstan Jazýshylar odaǵynyń Qaraǵandy oblystyq fılıalynyń dırektory,  Qazaqstannyń eńbek sińirgen qaıratkeri Serik Aqsuńqaruly,  jazýshy, «Alash» ádebı syılyǵynyń ıegeri Nesipbek Dáýtaıuly qatysty.

Maraltaı Raıymbekuly

Jambyldyq jyrsúıer qaýymǵa rýhanı serpilis syılaǵan sharany  oblys ákimi Asqar Myrzahmetov ashyp, quttyqtaý sóz sóıledi.

Maraltaı Raıymbekuly

— Qasıetti Áýlıeata óńirinen nebir dúldúl daryndar shyqty. Sonyń birden bir dáleli osy mereıtoı ıesi Maraltaı Raıymbekuly. Almatydaǵy úlken shyǵarmashylyq keshinde arnaıy quttyqtap  baryp, «Oblysqa sińirgen eńbegi úshin» tósbelgisin tabystadyq. Búgin mine, óz azamattyǵyn kórsetip, Almatydaǵy keshpen shektelmeı, týǵan topyraqqa taǵzym etip kelip otyr. Oǵan úlken qýanyshtymyz.

Maraltaı Raıymbekuly

— Maraltaı Raıymbekuly shyn máninde de jastyǵyna qaramastan qazaq ádebıetine úlken úles qosty, áli de qosyp kele jatyr. Ol jazǵan óleńderdiń ózektiligi, óz boıyndaǵy ójettiligi, qaısar minezi, osynyń arqasynda boıyndaǵy talantyn kórsetip, aqyndyq qýatyn moıyndatyp kele jatyr. Sondyqtan el úshin, eldiń rýhanı baılyǵy úshin atqarǵan qyzmetine, jasaǵan jumysyna shyn júrekten alǵys aıtamyz. Biz Maraltaı Raıymbekulymen maqtanamyz. Aldaǵy ýaqytta da úlken tabystar tileımiz,-dep Asqar Isabekuly aqynǵa syı-qurmet kórsetip, at mińgizdi.

Maraltaı Raıymbekuly

Keshti bastan-aıaq ata-babanyń asyl murasyn arqalap júrgen belgili jyrshy, folklortanýshy-ǵalym Berik Júsiptiń saýyt buzar sózderimen júrgizýi saltanatty sharanyń salmaǵyn arttyra túskendeı. Kelisti keshte Qazaqstan Jazýshylar odaǵynyń tóraǵasynyń orynbasary,  belgili qalamger Mereke Qulkenov izgi lebizin bildirip, shyǵarmashylyq tabys tiledi. Alashtyń ardaqty aqyndary  Serik Aqsuńqaruly, Tynyshtyqbek Ábdikákimuly,  Svetqalı Nurjanov, Esenǵalı Raýshanov aqjarma tilekterin aqtaryp, tebirene jyr oqydy. Al, jazýshy Nesipbek Dáýtaıuly aqynnyń azamattyq bolmysy  tóńireginde oı sabaqtap, ulttyq birlikti nyǵaıtýda ádebıettiń mańyzy zor ekendigin tilge tıek etti.

Maraltaı Raıymbekuly

Maraltaı Raıymbekuly

Aqynnyń mereıtoıy kelesi kúni óziniń kindik qany tamǵan Sarysý aýdanynda jalǵasty. Jerlesteri jyr jampozyn jyly shyraımen qarsy alyp, qurmet-koshemet kórsetti. Aýdannyń Qurmetti azamaty Bóltirik Ilııasov bastaǵan qarııalar sóz sóılep, aýyl halqynyń atynan aqynǵa at mingizdi. Alaıda, Maraltaı aqyn aýyldastarynyń bul qurmetine alǵys aıtyp, tuıaǵymen jer tarpyǵan tulpardy ádebıette  rýhanı qoldaý kórsetken  aǵasy, jazýshy Nesipbek Dáýtaıulyna syılady. Sonymen qatar mektep oqýshylary arasynda Maraltaı aqynnyń jyrlaryn oqýdan ótken aýdandyq jarystyń jeńimpaz, júldegerlerine aqyn óz qolymen qarjylaı syılyq tabys etti.

Maraltaı Raıymbekuly

Maraltaı Raıymbekuly

Jańatas qalasyndaǵy aýdandyq mádenıet úıinde ótken shyǵarmashylyq kesh te taǵylymǵa toly boldy.  Saltanatty sátte aýdan ákimi Qanatbek Mádibek quttyqtaý sóz sóılep, júrekjardy lebizimen bólisti. Igilikten shyǵyp, ısi qazaqqa tanylǵan aqynǵa  syı-qurmet kórsetip, mereıtoı ıesiniń qýanyshyna arnaıy kelgen marǵasqa qalamgerlerdiń ıyǵyna  shapan japty. О́z kezeginde mártebeli meımandardy sóz tizgindep, kópshilikti bir serpiltip tastady.

Maraltaı Raıymbekuly

Shara sońynda kıeli sahnaǵa kóterilip, tarpań jyrdyń tıegin aǵytqan Maraltaı aqyn el aldynda basyn ıip, aǵaıynǵa alǵysyn aıtty. 

Joıqyn Jiger

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir