• USD 378.65
  • EUR 430.07
  • RUB 6
  • CNY 55.1
21 Qyrkúıek, 05:30:06
Kevın Gaston: Bul tabıǵattyń qurdymǵa ketýi degen sóz

23 Mamyr, 2019 Saıasat

ShQO ákimi qytaılarǵa 40 myń gektar jer beretin boldy

Bul týraly oblysqa resmı saparmen kelgen Shyńjan Uıǵyr avtonomııasy, Halyq úkimeti tóraǵasynyń orynbasary Chjao Chýnszıýmen kezdesýde aımaq basshysy Danıal...

ShQO-da taǵy bir qus fabrıkasy salynýy múmkin dep habarlaıdy Qamshy.kz aqparat agenttigi Altaınıýs  tilshisine silteme jasap. 

Bul týraly oblysqa resmı saparmen kelgen Shyńjan Uıǵyr avtonomııasy, Halyq úkimeti tóraǵasynyń orynbasary Chjao Chýnszıýmen kezdesýde aımaq basshysy Danıal Ahmetov málim etti.

Aıta keteıik, Shyǵys Qazaqstanǵa sapary barysynda Chýnszıý myrza bastaǵan qytaılyq delegasııa D.Serikbaev atyndaǵy ShQMTÝ-da, sonymen qatar Úlbi metallýrgııalyq zaýytynda bolyp, ondaǵy jumyspen tanysyp qaıtqan. Sheteldik qonaqtar oblysqa saparynyń basty maqsaty birqatar saladaǵy birlesken jobalardy júzege asyrý jaǵyn talqylaý bolǵanyn aıtty. Ásirese aýyl sharýashylyǵy salasy qyzyqtyratynyn jasyrmady. Aımaq basshysy Danıal Ahmetov te Shyǵys Qazaqstan oblysy úshin bul agrosektordegi áriptestik asa mańyzdy ekenin jetkizip, qonaqtar nazaryna birneshe jobany usyndy.

altaynews.kz

–Oblysymyzda jańa qus fabrıkasyn salýdy josparlaýdamyz. Bul – aýqymdy joba. Atalmysh maqsatqa 40 myń gektar jer bólemiz. Taǵy 300 gektarǵa jýyq telimde fabrıkanyń negizgi bazasy ornalasatyn bolady. Jospar boıynsha kásiporyn jylyna 30 myń tonna qus etin óndirýi tıis. Mine, osy bir jobany júzege asyrýǵa sizder de atsalyssańyzdar degen tilegimiz bar. Jalpy, bizdiń oblysta aýyl sharýashylyǵy salasynda jemisti eńbek etip jatqan birneshe birlesken qazaq-qytaı kásiporyny bar. Máselen, Kókpekti aýdanynda qurylǵan dál osyndaı kompanııanyń biri búginde Qytaı eline balyq ónimderin eksporttaýmen aınalysýda. Sol sııaqty Besqaraǵaı, Úrjar aýdandarynda da birlesken kásiporyndarymyz nátıjeli jumys júrgizýde. Biz, sonymen qatar Qytaıǵa et ónimderin eksporttaýǵa múddelimiz. Buǵan áleýetimiz de, múmkindigimiz de jetedi, – degen oblys ákimi Úrimji men Sháýeshek qalalary aralyǵynda salynǵan jańa temirjol eki el aımaq arasyndaǵy baılanysty budan saıyn bekite túsetinine senim bildirgen.

О́z kezeginde sheteldik delegasııany bastap kelgen Chjao Chýnszıý myrza aımaq basshysyna shaqyrtýy úshin alǵys aıtyp, Shyńjan Uıǵyr avtonomııasy úshin Shyǵys Qazaqstan oblysy negizgi strategııalyq áriptesterdiń biri ekenin jetkizgen. 

–Biz de áriptestigimiz baıandy bolǵanyn qalaımyz. Jáne osy baǵytta jumys júrgizýge ázirmiz. Búginde Shyǵys Qazaqstanda eki óńirdiń kásipkerleri qurǵan 12 birlesken kompanııa bar eken. Sizderdiń oblystaryńyzda óndiriletin aýylsharýashylyq ónimderi joǵary sapaǵa ıe ekenin de bilemin. Ásirese, bıdaı, un men maıly daqyldaryńyzdy maqtaıdy. Biz Shyǵys Qazaqstan oblysynan osy sııaqty ónimderdi kóbirek alǵymyz keledi. Týrızm salasyn da damytýǵa nıettimiz. О́tken jyldyń qarasha aıynda Úrimji qalasynda kezdesip, ekijaqty kelissózder júrgizgen bolatynbyz. Endi sol basqosýda qol jetkizgen ýaǵdalastyqtarymyzdy is júzinde oryndaýǵa daıarmyz, – dedi Chjao Chýnszıý myrza.


Kezdesý barasynda eki óńirdiń bilim, ǵylym, densaýlyq saqtaý jáne mádenıet salalaryndaǵy áriptestigi de sóz boldy. Kelissózder qorytyndysy boıynsha taraptar birqatar ekijaqty hattamaǵa qol qoıdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir