Tarazdaǵy tartys: Jartylaı fınalǵa kimder shyqty?

Taraz qalasynda at sporty túrlerinen (kókpar, aýdaryspaq, teńge ilý, jamby atý) eresekter arasynda Qazaqstan chempıonaty ótip jatyr, dep jazady Qamshy.kz aqparat agenttigi. 

19 mamyrda Tarazdaǵy "Bektóbe" ıpodromynda bastalǵan chempıonatta búgin kókpar oıynynan toptyq kezeń óz máresine jetti. Jalpy bıylǵy chempıonatqa kókpardan Qazaqsatandaǵy 14 oblys pen 3 qaladan barlyǵy 15 komanda jınaldy (Almaty oblysy men Shymkent qalasynan komanda bolǵan joq). Olar tórt topqa bólinip jartylaı fınaldyń joldamasyna talasty. Nátıjesinde A tobynan Túrkistan oblysynyń "Qulager", V tobynan Atyraý oblysynyń "Naryn", D tobynan Aqmola oblysynyń "Jekebatyr", S tobynan Jambyl oblysynyń "Áýlıe-Ata" kókpar komandalary joldama aldy. Jartylaı fınal men aqtyq synnyń oıyndary 26 mamyrǵa josparlanyp otyr. Jartylaı fınaldyq juptar jerebe arqyly anyqtalady. 

Bul – kókpardan eresekter arasyndaǵy Qazaqstannyń HIH chempıonaty. 2018 jyly chempıonat Nur-Sultan qalasyndaǵy  "Qazanat" atshabarynda ótip, Túrkistan oblysynyń "Qulager" komandasy jeńimpaz ataǵan edi. Olarǵa aqtyq oıynda jeńilgen Jambyl oblysynyń "Áýlıe-Ata" komandasy kúmis júlde alsa, qolany Mańǵystaý oblysynyń "Adaı-Ata" komandasy ıelengen.