Eınshteınniń 1,5 mıllıon dollarǵa satylǵan qoltańbasy

Ataqty ǵalym, Nobel syılyǵynyń laýreaty Albert Eınshteınniń esimimen baılanysty tarıhı jádigerler álemniń ár túkpirinde aýksıondarda satylǵanyn bilemiz. Al, áıgili fızıktiń qoltańbalarynyń quny qanshaǵa baǵalanǵanyn bilesiz be?

1922 jyly fızık Tokıo ǵalymdaryna dáris oqý maqsatynda japon elinde bolǵan. Sol saparynda qasynda júrip, qyzmet kórsetken habarshy jigitke keterinde alǵys retinde aqsha usynady. Biraq, qart ǵalym qansha qıylyp usynǵanymen jalshy jigit jergilikti jerdiń dástúrin alǵa tartyp, syıdy alýdan bas tartady. Sonda Eınshteın jas jigitke óz qolymen jazylǵan 2 hat qaldyryp, saqtap qoıýyn suraıdy.

"Barlyq ýaqytta jeńis qýalap, qarbalasta ótken ómirge qaraǵanda, tynysh, qarapaıym ǵana ómir kóbirek baqyt syılaıdy" degen sóılemnen turatyn alǵashqy hat jazylǵanynan 2 jyl ótkennen keıin Ierýsalımdegi aýksıonda 1,56 mln dollarǵa satylady.

"Erkindik bar jerde, jol da bolady" degen qysqa sóılemdi ekinshi qoljazba 240 myń dollarǵa baǵalanady.

Osydan soń satylymǵa ǵalymnyń Valter Ratenaýdyń ólimine baılanysty Berlınnen ketýge májbúr bolǵan shaǵynda qaryndasy Maıaǵa jazǵan haty shyǵaryldy. Bul hatta Eınshteın qaryndasyna óz ómiri jaıly, Germanııany alda kútip turǵan "qarańǵy kúnder" týraly baıandaıdy. Hattyń bastapqy quny – 12 myń dollarǵa baǵalanǵan.

Aýdarǵan: Dáýren Sybanbaı