Qyrǵyzdardyń súıiktisine aınalǵan qazaq kókparshysy (vıdeo)

Kókpar – yqlym zamannan qyrǵyz ben qazaqqa ortaq oıyn. Biraq, bilekti de júrekti, taqymy tastaı naǵyz er azamattardyń sporty sanalatyn kókpar tóńireginde qyrǵyz ben qazaq arasynda daýdyń kóp ekeni jasyryn emes. Qazaq "kókpardyń túp tarıhy bizden bastalǵan" dese, qyrǵyz aǵaıyndar «joq, kókpar emes bul oıyn ejelden "kókbóri" atalǵan jáne túp tórkini bizden bastaý alady" dep qarsy ýájin aıtady. Al sońǵy jyldary qazaq pen qyrǵyzdyń kókpar tóńiregindegi bitispes daýyna komandalyq kókpar erejeciniń ózgeriske ushyraýy qosyldy. Aıta bersek, taýsylmaıtyn túpsiz daý. Qamshy.kz tilshisi daýdy aıtyp, dúıim jurtty dúrliktirmeı, qos elge ortaq osy sportqa ólsheýsiz úles qosyp júrgen kókparshy týraly  aıtyp ótýdi jón kórdi.

Vıdeoda salymdy bolǵan kókparshy - Meıirjan Mátjan. Onyń esim kókpar súıer qaýymǵa jaqsy tanys.  Sońǵy jyldardaǵy komandalyq kókpardyń eń úzdikteriniń biri sanalady. Meırjan elimizde Almaty oblysynyń, Tarazdyq "Áýlıe-Ata" komandasynyń namysyn qorǵaǵan. Sonymen qatar, ol Qyrǵyz elindegi kókpar básekelerinde de boı kórsetip júr. Qyrǵyz komandalarynda birneshe márte oınaǵan Meıirjan Mátjandy Alataýdyń arǵy betindegi kókpar jankúıerleri erekshe qurmetteıdi. 

Jýyrda ǵana Meıirjan Matjan Bishkekte ótken jarysta Qyrǵystannyń "Keleshek" komandasyna oınap birinshi oryn aldy. Sol jarystan keıin qyrǵyz jýrnalısine bergen suhbatynda ol ózin aıyr qalpaqty aǵaıynnyń jaqsy qabyldaǵanyn aıtyp, alǵysyn bildirdi. 

Kókpar - birinshi kezekte sport. Al sportta shekara bolmaýy tıis. Sondyqtan, qyrǵyz-qazaqtyń arasyn alystatpaı, ortaq sporttyń kósegesin kógertip júrgen Meıirjandaı kókparshyny tek qoldaý kerek shyǵar...