• USD 468.56

  • EUR 497.56

  • RUB 7.3

  • CNY 67.18

28 Naýryz, 17:40:09
Almaty
+35°

17 Mamyr, 2019 Saıasat

Rınat Zaıtov kimge qapaly?

Aqyn jelidegi jazbasynda óziniń dál osyndaı saıası nemese ánshiler týraly aıtqan sózderi ǵana jıi taraıtynyna ókinish bildirgen.

Jýyrda aıtysker aqyn Rınat Zaıtovtyń "Bir elde bir myrza bar" dep bastalatyn óleńi jelide qyzý talqyǵa túsken bolatyn. Aıtysta bılikke qaratyp aıtqan shymyr shýmaqtarymen qalyń buqaranyń yqylasyna bólengen aqyn óziniń Instagram jelisindegi paraqshasy arqyly osy óleńine baılanysty pikir bildirdi dep jazady Qamshy.kz aqparat agenttigi. 

Aldymen aqynnyń qyzý talqyǵa túsken óleńin usynaıyq:

"Bir elde bir "Myrza" bar ýaıymy joq,
Sóziniń shyndyǵy az, oıyny kóp.
Kóziniń dúnıege toıymy joq,
О́ziniń qaýymyna qaıyry joq. 

Bir elde bir "Myrza" bar taırańdaǵan,
Eliniń erteńi úshin oılanbaǵan. 
Tabany tıgen jerdi oırandaǵan, 
Eshqashan ədildikpen saılanbaǵan. 

Bir elde bir "Myrza" bar qala salǵysh, 
Tarıhty qoldan jasap ala salǵysh. 
Jan bolsa aǵat ketken jerin aıtqan, 
Aıamaı abaqtyǵa sala salǵysh. 

Bir elde bir "Myrza" bar toı toılaǵysh, 
О́z-ózine tamsanyp paı-paılaǵysh. 
Oraıy kelmesede urandatyp, 
Mańaıy atyn aıtyp aıqaılaǵysh. 

Bir elde bir "Myrza" bar qajymaǵan, 
Týysy ury-qary, ýəziri aram. 
Julyp jeýdi jumysqa aınaldyrǵan, 
Ultyna qudaı bergen qazynadan. 

Bir elde bir "Myrza" bar aqyn,batyr, 
Eshkimniń dəti jetpes qatýǵa til. 
Paıdaǵa ólshemi joq batyp jatyr, 
Sebebi Elin Jerin satyp jatyr. 

Bir elde bir "Myrza" bar saraıy kóp, 
Saraılarda qol súıgish malaıy kóp. 
Jalpynyń súıiktisi kóringenmen, 
Halqynyń ońalatyn oraıy joq. 

Bir elde bir "Myrza" bar tósek qumar, 
Alý men kóbeıtýden esep qurar. 
О́ziniń qorasynda turmasa eger, 
At túgili pyraqtyda esek qylar. 

Bir elde bir "Myrza" bar kózi júırik, 
Barshaǵa ərbir aıtqan sózi buıryq. 
Ol kisiniń atymen qatar qoıyp,
Allany ataǵannyń ózi "shırik". 

Myrza joq eshbir elde ǵajap mundaı, 
Momyn jurtyn tozdyrǵan qajyp tynbaı. 
Jaratqanym sol bir eldi mazaq qylmaı, 
Meıirimsiz myrzasynan azat qylǵaı"

Aqyn jelidegi jazbasynda óziniń dál osyndaı saıası nemese ánshiler týraly aıtqan sózderi ǵana jıi taraıtynyna ókinish bildirgen. 

Rınat Zaıtov

"Birneshe kúnnen beri osy shýmaqtar jaıynda suraq qoıǵysh adamadar kóbeıip ketti. Nege eken?... Jalpy meniń aıtylǵan, jazylǵan sózderimniń ishinen eń kóp taraıtyny ne saıası,ne ánshi-bıshiler jaıyndaǵy sózder. О́kinishti... Týǵan jerim, ultym, adamdyq haqynda aıtylǵan sózderimdi qystyryp jatqan qazaq joq. Báriniń ańdyǵany ıntrıga. Sosyn kelip jany ashıtyn adamnyń maskasyn kıip: "Qysym kórsetip jatqan joq pa?", "Baıqashy áıteýir " dep aıtqyshtar taǵy bar. Shyntýaıtyna kelgende maǵan birdeńe bolsa, "Zaıtovqa búıtipti", "ózi aıtty" degen ósekti alǵashqy bolyp taratýǵa degen qulshynys. Áıtpese, osyndaı sózderdi taýyp alyp, syqıtyp sýretińdi qoıyp, jantalasa taratýǵa ne túrtki deısiń?!

Tipti, kóshede kóre sala sýretke túseıikshi, seni jaqsy kóremin degishterge sýretke túsetin kúıde emespin dep qalsań, qarǵap-silep, aıtpaǵandy aıtyp ketetin jandardiki mahabbat qoı deımisiń?! Amal neshik kónemin. Janymdy qynjyltatyny bizdiń qazaqtyń aıtqanyńdy toqymaı jatyp taratyp, ózi maqtaný úshin seni ótirik jaqsy kóremin dep aldaýǵa qumartyp ketkeni. Qaıran qazaǵym-aı... Sonda da súıemin seni", - dep nazyn aıtqan aqyn jazbasyn mynadaı óleńmen túıindepti:

"Ul bol deseń, ulyńmyn,

Qul bol deseń, qulyńmyn!     

Ańdyǵandar arysy men berisin.

Altyndady jaǵa túgil jeń ushyn.

Taltańdaımyn ese bermeı solarǵa

Kedeıliktiń kıip alyp kebisin.

Jerigender birjolata jerisin

Abyroıym artsyn, meıli kemisin

Saıqal dúnıe úshin biraq eshqashan,

Saıtanmenen jasamaımyn kelisim.

Kóńil-kóktem jyrdan tókse jemisin

Árbir sózim Alla bergen jeńisim.

Men ómirge kelgen joqpyn jem úshin,

Meni sheshem týyp bergen el úshin"

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir