Jańa joba bastaǵan kásipkerdiń 7 qateligi

Jańa jobany qolǵa alǵan kásipker qandaı qatelikterge boı aldyrady? Nelikten dúkender men meıramhanalar ashylǵanyna bir jyl tolmaı jatyp daǵdarysqa ushyraıdy? Kásip salasynda tájirıbesi bar Dmıtrıı Potapenko bul saýaldardyń jaýabyn berdi.

1. "Bul jerde mynadaı nárse joq" qaǵıdasy

Kásip salasyndaǵy eń aqymaq ári jetistikke alyp barmaıtyn eki jol bar. Olar: "Maǵan qalaı unasa, solaı jasaımyn" jáne "bul jerde mynadaı nárse joq" qaǵıdalary. Ásirese bul qaǵıdalar qoǵamdyq tamaqtaný oryndaryn ashýda kóp oryn alady. Qarapaıym qatelik týdyratyn oılar – "bul jerde erekshe kafe joq, al meniń kelinshegim tamaqty jaqsy pisire alady, demek, men bul kásipti bastap, dóńgeletip kete alamyn" degen qııaldan týady. Sondaı-aq, "Bul jerde japon ashanasy joq" dep, sony ashyp, artynan daǵdarysqa ushyrap jatatyndar kópshilik. Eger ol jerde japon ashanasy bolmasa, ol bolýǵa mindetti de emes. Múmkin jergilikti halyq ramen emes, jaı ǵana jyldam daıyndalatyn lapsha jeı salǵandy jón kóretin shyǵar.

Jalǵan qııaldyń jeteginde júrip jasalǵan kásip 90 paıyz múmkindikte daǵdarysqa ushyrap, quldyraıdy.

Bir nysandy, kásipti ashpas buryn barlyq turǵydan saraptap, zertteý qajet. "Bul dúnıe bul jerge qajet pe?" degen suraqty ózińizge qoıyp, myqtap oılansańyz, jaýabyn tabasyz. О́z oıyńyzdy ózińiz synańyz, artynan sony naqyt faktilermen aqtap shyǵýǵa tyrysyp kórińiz.

Básekelesterdi zertteńiz. Siz qoǵamdyq tamaqtaný nysanyn ashatyn bolsańyz, jaqyn mańdaǵy osyndaı oryndarǵa monıtorıng júrgizip, saraptańyz. Bul nysanǵa jaqyn ornalasqan halyqtyń shoǵyrlaný deńgeıin anyqtańyz.

Básekelesterdiń tutynýshysy mol bolsa, biraq ol jer sizge jáne sizdiń otbasyńyzǵa unamaıtyn bolsa, "Adamdar bul jerge tańdaýdyń joqtyǵynan keledi me?" degen suraqqa jaýap izdeńiz. Eger jaýap "Iá" bolsa, onda siz básekege qabiletti kásip bastap jatyrsyz.

2. Aspazdyń atyn jamylmańyz

О́zińiz de baıqaıtyn bolarsyz, "osyndaı da osyndaı bas-aspaz meıramhana ashypty" degen sózderdi kúndelikti estip jatamyz. Osy jańalyqtar bizge "Eger aıaq kıim satatyn dúken ashý qajet bolsa, ony da kezinde aıaq kıim tigetin sheber bolǵan bireý ashý kerek pe?" degen suraqty eriksiz oıǵa oraltady.

Qyzmet kórsetetin nysandardy ashý da, onyń jumysyn júrgizip, qyzmetkerlerdi tartý da – menedjerdiń jumysy. Al aspaz nebári sol nysanǵa keletin tutynýshylardyń kóńilinen shvǵýdy maqsat tutady.

Kez-kelgen qıyndyqta barlyq qateliktiń sheshimin aspazdyń qyzmetinen taýyp, ony tyqsyra bermeńiz. Ol mezi bolsa, basqa nysanǵa aýysa salady da, sizdiń básekeles tarapqa qyzmet ete beredi.

3. Josparly jumys

Kóp jaǵdaıda jańa kásip ashqan adamdar qujatqa, josparlaý teorııasyna jiti kóńil aýdarmaıdy. Olar barlyǵyn is-áreket arqyly sheshemiz dep oılaıdy. Biraq tutynýshyǵa usynatyn árbir qyzmettiń ózindik mádenıeti, yńǵaıly tusy bolady. Osyndaı kishkentaı dúnıeler turaqty tutynýshylar tartýda úlken jumys jasaıdy.

Kóshirme dúnıelerdi emes, alabóten nárselerdi jasaýǵa umtylyńyz. Birinshi kórgen adam tań qalyp, sizdiń qyzmetińizdiń kreatıv deńgeıin baǵalaıtyndaı bolýy tıis.

4. Keńesshilerge kóńil bólý

Búginde sizge kásip salasynan aqyly keńes beretin adamdar tym kóp. Olardyń arasynda sheshendigimen aqsha taýyp júrgender de joq emes. Mysaly, keńesshilerdiń kóbi sizben aqysyna keliskennen keıin áńgime barysynda bar turaǵy men ústelderdiń ornalasýynda qatelikter bar ekenin ǵana aıtyp, taıyp turýy múmkin. О́ıtkeni, olar durys kásip jasaý jolyn ózderi de bilmeıdi.

Keńesshi tańdar aldynda olardyń jeke kásibine kóńil bólińiz. Esińizde bolsyn, sizge durys keńesti tek óziniń jeke meıramhanasy nemese franshızasy bar jáne úsh jyldyq kásip salasyndaǵy tájirıbesi bar adamdar ǵana bere alady.

Mundaı adamdardan bir nárselerdi kóńilge túıýge bolady, al qalǵandaryna júginbegen abzal.

5. Qarajatty basqarý

Kásiptiń quldyraýyna alyp keletin negizgi faktorlardyń biri – qarajatty durys basqarmaý. Bul másele jańadan joba bastaǵan kásipkerlerdiń birqataryn tutqıylǵa tireıdi.

О́ıtkeni, barlyǵy "bir ret alǵashqy jarna saldym, endi maǵan býma-býma aqsha túsip otyrady" degen oımen ómir súredi. Al negizinde jańa kásip 12-16 aı boıy óz shyǵynyn ózi ótep turady. Osydan keıin baryp qana paıda jaıyn oılastyra bastaý kerek.

Alǵashqy jarna salýshylardyń kópshiligi "qymbat ári sándi" ǵımarat tabýdy kózdeıdi. Biraq kópshiliginde osy dúnıe durys shyqpaı jatady. Mysaly, qymbat ári sándi ǵımarattyń ishindegi ústelderdiń ornalasýy nemese servıs jaǵdaıy óte qarapaıym bolyp shyǵady.

"Men bir argentınalyq ashanany bilemin. Olar ózderiniń shynaıylyǵymen, argentınalyq elshilikpen baılanysy bar ekendigimen, vokzalǵa jaqyn mańda ornalasqandyǵymen maqtanady. Sol ǵımaratty qaıta jóndeý úshin 18 mıllıon rýbl qajet boldy. Jóndeý jumysynan keıin men sol jerge bardym. Jóndeýden keıin ǵımaratqa jol tústi. Kireberiste qarapaıym plastık esik tur. Barlyq aqshasy kireberiste taýsylyp qalǵandaı áser qaldyrady", - deıdi Dmıtrıı Potapenko.

6. Adam tyǵyzdyǵy

Qoǵamdyq tamaqtaný orynyn asharda kassa men qyzmet kórsetýshi oryndardyń keń bolýyn qadaǵalaý kerek.

Adamdardyń tapsyrys berý nemese tapsyrysty alý barysynda bir-birimen syıyspaı jatýy sizdiń turaqty tutynýshylaryńyzdan aıyrylýyńyzǵa alyp keledi.

Qozǵalysty baqylap, qolaılylyq jasaý úshin baryńyzdy salyńyz.

7. Keremetti kútý

Jańa jobany qolǵa alǵan jas kásipkerlerdiń barlyǵy isiniń nátıjesin kórýge asyǵady. О́zin qaltaly adam sezinip, qymbat kólik minýge umtylady. Áli aıaqqa turmaǵan kásibiniń aınalymdaǵy qarajatyn jeke qundylyqtaryn baıytýǵa jumsaıdy. О́ıtkeni, onyń sanasynda aldan bir keremet turǵandaı áser qaldyratyn oılar bar.

Aınalymdaǵy qarajatqa zııan kelgennen keıin birqatar qıyndyqtar týyndaıtyny anyq.

Sol kezde de ýaqytyly shara qoldanylmasa, onda siz quldyraý deńgeıiniń birinshi satysyndasyz.

Mine, aldaǵy bulyńǵyr ýaqyttardan keremet kútý osyndaı qıyndyqtarǵa ákelip soǵýy múmkin.