• USD 468.56

  • EUR 497.56

  • RUB 7.3

  • CNY 67.18

28 Naýryz, 18:53:35
Almaty
+35°

16 Mamyr, 2019 Oqıǵalar

At mingizgen aıyp pa?

Tipti Toqaevtyń ózi bul isti qatań baqylaýyna alyp, shara qoldanatynyn jetkizgen-di.

Kesheden beri áleýmettik jelide Atyraýdaǵy polısııa departamenti bastyǵynyń at mingen vıdeosy qyzý talqyǵa túsken bolatyn. Atalmysh vıdeo boıynsha IIM de málimdeme jasap, tergeý jumystaryn bastaǵanyn aıtty. Tipti Toqaevtyń ózi bul isti qatań baqylaýyna alyp, shara qoldanatynyn jetkizgen-di. 

"IIM E.Turǵymbaevqa Atyraý oblystyq Polısııa departamenti bastyǵynyń ersi áreketine qatysty qyzmettik tekserý júrgizýdi tapsyrdym. Qatań shara qoldanylatyn bolady",- dep jazdy prezıdent.

Generaldy atqa mingizgen kim?

Aıan Dúısembaev Qyzylqoǵa aýdany basshylyǵy men jerlesteriniń shaqyrtýyn qabyl alyp, óziniń týǵan jerine barǵan. Jaqynda ǵana sheni joǵarylaǵan Aıan Dúısembaevqa osyǵan baılanysty jerlesteri at mingizedi. Vıdeonyń ózinen aýyl turǵyndarynyń ystyq yqylasyn kórýge bolady.

Atalmysh jaıtqa qatysty feısbýkte túrli pikirler jazyldy. Solardyń qatarynda Erjan Jaýbaı da bar. Ol óz jazbasynda Elbasynyń "Uly dalanyń jeti qyry" maqalasyn tilge tıek etedi.  

— Elbasy "Uly dalanyń jeti qyry" maqalasynyń alǵashqy tarmaǵynda: 

"Tý ustaǵan salt atty jaýyngerdiń beınesi – batyrlar zamanynyń eń tanymal emblemasy, sonymen qatar, atty áskerdiń paıda bolýyna baılanysty qalyptasqan kóshpendiler álemi «mádenı kodynyń» aıryqsha elementi" - degen bolatyn.

Al qazaqtyń qýansa — at mingizip, shapan jabatyny, arazdassa at-shapan aıyp beretin dástúri bary ejelden belgili. Ony dáleldep jatýdyń keregi joq.

Demek, qazaqtyń arǵy tamyrynda atqa miný eshqandaı qylmys emes!

Al óziniń saılaýaldy baǵdarlamasynda Qazaqstan Respýblıkasynyń Tuńǵysh Prezıdenti — Elbasy Nursultan Nazarbaevtyń saıasatyn jalǵastyratyn, sabaqtastyratyn Qasym-Jomart Toqaev Atyraý halqy, sonyń ishinde óziniń týǵan aýyly at mingizip shapan japqan Polısııa departamenti bastyǵy jaıly:

"IIM E.Turǵymbaevqa Atyraý oblystyq Polısııa departamenti bastyǵynyń ersi áreketine qatysty qyzmettik tekserý júrgizýdi tapsyrdym. Qatań shara qoldanylatyn bolady" - degen eken.

Oılanyp kórińiz, Qasym-Jomart Kemeluly Elbasynyń saıasatyn qoldaı ma, álde qazaqtyń salt-dástúrine qarsy shyǵa ma? - dep jazdy táýelsiz jýrnalıst Erjan Jaýbaı.

Laýazymdy qyzmettegi azamat óziniń týǵan jerine baryp, jerlesteriniń yqylasyna bólense, nesi aıyp?!  Iá, jemqorlyq dendep ketken zamanda onyń sebep-saldarymen kúresý qajet-aq. Alaıda bul jerde bári basqasha. Aıan Dúısembaev tulpardy jasyryn jaǵdaıda alyp jatqan joq. Kerisinshe halyqtyń kózinshe atqa minip, sýretke de túsip jatyr. Muny halyqtyń jerlesine ystyq yqylasy, zor qurmeti dep túsiný kerek.

Sondaı-aq ózin "Qyzylqoǵanyń qurmetti azamatymyn" dep tanystyrǵan Esenbaı Nurov degen azamat  feısbýk arqyly óz jerlesine arasha tústi.

— Dástúrimizde el syılaǵan, tanymal tulǵaǵa beriletin mundaı joralǵyny tartý nemese taralǵy dep ataıdy. Bul tartý – taralǵy sol azamattyń eńbegin baǵalaı otyryp, keıingi urpaqqa úlgi-ónege retinde usynylǵan. Týǵan jeri mundaı qurmet kórsete almasa elge, jerge syn dep qaralǵan.

​Osyndaı ónegeli isti atqarǵan Qyzylqoǵa aýdany basshylyǵy men shaqyrtýdy qabyl alyp jerlesterimen kezdesken Aıan inimizdiń mingen atyn orynsyz alynǵan syılyq dep qabyldasa, ulttyq birligimizdiń, máńgilik el bolý jolyndaǵy qaǵıdalarymyzdyń óreskel buzylǵandyǵy dep esepteımin, - dep jazdy Qyzylqoǵa aýdanynyń qurmetti azamaty.

Mıllıondaǵan dollar para alǵan azamattardyń qasynda eldiń aldynda generalǵa jerlesteriniń at mingizip, qurmet kórsetkeni aıyp pa? Jemqorlyqpen kúresýdi halyq qos qoldap qoldaıdy. Alaıda bul ulttyq qundylyqpen, salt-dástúrmen kúresý degendi bildirmese kerek. Kerisinshe bul áreketti halyqtyń ystyq yqylasyna bólengen laýazymdy qyzmetkerdiń basyn ıip, eliniń aldyna kelýi dep uqpaımyz ba?

Toqaevtyń kez kelgen daýly jaıtty basa nazarǵa alyp, twitter jelisi arqyly málimdeme jasaýy jaqsy qadam. Bul onyń saılaý aldynda jaqsy upaı jınaýyna da septigin tıgizetini ras... 

Desek de, 9 mamyrda ótken "Máńgilik polkte" SSSR-diń týyn jelbiretip, Stalınniń portretin ustaǵandarǵa nege tyıym joq? Tipti táýelsiz Qazaqstanda óz elinde júrgendeı atqa minip shirengen kazaktarǵa nege toqtaý jasalynbaıdy? 

Toqsan aýyz sózdi tobyqtaı túıindeıtin bolsaq, ataq-abyroıly azamatqa at mingizip, ıyǵyna shapan jabatyn qazaqpyz. Erteń taǵy bireýdiń ıyǵyna shapan jabyldy delik. Ony da jemqorlyq dep uǵatyn bolsaq, ulttyq dástúrimizge syn emes pe? Onsyz da jastardyń boıyna qazaqylyq pen salt-sanany, úlkendi syılaý men qurmetteýdi sińire almaı otyrǵan joqpyz ba?

...Al azamatqa at mingizgen aıyp pa?

Ásel Bolatqyzy

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir