Iá, bilemin

Buryn bulaı baqytsyz bolmaǵanmyn,

Qazir nege júrekti torlaǵan muń.

Qyzǵanyshtan sózińdi eskermegen,

Iá, ıá, bilemin ońbaǵanmyn.

...Sorly adammyn

 

Sezimdegi dámin bilmeı baq-yrystyń,

Shyrǵalańda sharshap kóp shatylystym.

Súıip turyp súımeımin degen edim,

Iá, ıá, bilemin naquryspyn.

...Men solaı sorlaǵanmyn

 

Qyzyq ed(i) ózińmen keshi alańnyń,

Joǵalýshy ed sen dese esi adamnyń.

Erkelegen kezińdi elemegen,

Iá, ıá, bilemin esalańmyn.

...Men kimdi qorlaǵanmyn?

 

Ash minezin kórsetip aıýannyń,

Kóńilge tar dastarhan jaıyp aldym.

Hattaryńdy oqymadym kúnde jazǵan,

Iá, ıá, bilemin haıýanmyn

...Qadiri joq qolda bardyń.

 

Avtory: Bek Baıtas