• USD 468.56

  • EUR 497.56

  • RUB 7.3

  • CNY 67.18

29 Naýryz, 14:01:16
Almaty
+35°

13 Mamyr, 2019 Kásipker

Meıramhana ashqyńyz kelse...

"Men meıramhana ashqym keledi. Maǵan neden bastaý kerek?"

Qamshy.kz aqparat agenttigi "Kásipker" aıdarynda elimizdegi kásip salasynda júrgen jáne osy baǵytqa endi ǵana qadam basyp jatqan oqyrmandarǵa qarlyǵashtyń qanatymen sý sepkendeı bolsa da, bir paıdasy tıer degen oımen álemdik deńgeıdegi kásipkerlerdiń ómirlik ustanymy, qaǵıdalary, tájirıbelik usynystary syndy dúnıelerin usynýdy qolǵa alǵan.

Bul materıalda Arkadıı Novıkov meıramhanany tájirıbe men baılanyssyz qalaı ashýǵa bolatynyn aıtady. 

Qazirgi ýaqytta kez-kelgen jospardy júzege asyrý úshin birinshi kezekte aqsha qajet. Máskeýde áreket etý úshin kem degende $1 mln kólemindegi qarajatyń  bolýy qajet.

Máskeýdegi eń ataqty jáne eń tabysty meıramhana bıznesiniń basshysy Arkadıı Novıkov óz oıymen bólisti.  Onyń meıramhanalaryna: Vogue Café, "Syrovarnıý", "#Farsh", "Sarskýıý ohotý", "Kamchatký" ı "Iolkı-palkı"  jatady. О́z jumysynyń bastamasyn aıtqanda, ol avtomatty túrde "Bombora" baspasynan shyqqan "Nepravılnyı bıznesmen" atty kitapty  esine alady.  Avtordyń ruqsatymen fragmentti jarııalaımyz, onda ol jańa bastaǵan kásipkerlerge tujyrymdamany, ornalasýyn jáne dızaındy qalaı durys tańdaýǵa, baǵa belgileýdi anyqtaýǵa, personaldy tańdaýǵa jáne qolaılylyq jaǵdaıyn túsindiredi.

Maǵan: "Men meıramhana ashqym keledi. Maǵan neden bastaý kerek?" degen suraqtarmen kóp adamdar jolyǵady. Mundaı dıolog  árdaıym damıdy:

— Siz bir kezderi meıramhanada jumys istedińiz be?

— Joq.

— Tamaq ázirleý bilesiz be?

— Joq.

— Qolyńyzdan ne keledi?

— Men meıramhanalarǵa jıi baramyn, meniń oıymsha, bul  meniń qolymnan keledi.

— Meıramhana jumysyn, jetkizýdi uıymdastyrýdy, tamaq daıyndaýdy, baqylaýdy, basqarý prosesterin bilesiz be?

— Joq, bilmeımin.

— Mundaı jaǵdaıda ne úshin meıramhana bıznesin tańdadyńyz?

— Meniń oıymsha, bul – tamasha tabys tabý amaly.

— Al meniń oıymsha, bul durys emes. Siz óz jumysyńyzdiń ishki prosessin bilmeı, kózdegen maqsatqa jete almaısyz.

Tujyrymdama

Meıramhana ashý úshin negizgi nárse — ıdeıa. Birinshiden, men ıdeıa izdeýde ne baǵyttaımyn, bul elde ne bolyp jatyr, qalada ne bolyp jatyr, qandaı meıramhanalar suranysqa ıe, al qandaı joq. Osyny eskere otyryp, siz satýǵa bolatyn tujyrymdama men ónimdi tańdaý kerek. Qazir eldegi jaǵdaı arzan azyq-túlikke ıe. Adamdar sońǵy ýaqytta kóp tabys taba almady, kerisinshe, halyqtyń tabysy, ókinishke qaraı, azaıdy.

Qazir  adamdardy tańqaldyrý óte qıyn. Buryn aqshany ońdy-soldy jumsaý sándi  boldy, baı adamdar  aqshany aýaǵa jiberdi desek te bolady. Al búgin, qarajaty bar adamdar, artyq shyǵynnan saqtanyp, shashylmaýǵa tyrysady. Jaqyn arada ıtalıandyq jáne  fransýz ashanasy, sondaı-aq, belgili ataýmen baılanysty konseptýaldy meıramhanalar suranysqa ıe bolyp otyr.

Sońǵy ýaqytta balyq meıramhanalary kóbirek  tanymal bola bastady. Meniń oıymsha, adamdarǵa tek fýa-gra nemese krab usyný mindetti emes. Kez-kelgen meıramhanadaǵy adam, tátti tamaq pen qyzmet sapasyna mán beredi. Bul - eń basty jáne qarapaıym ereje.

Lokeıshn (alań)

Kelesi másele - meıramhananyń ornalasqan orny. Lokasııa  óte mańyzdy, biraq ózi emes, meıramhana ashqan adam úshin. Shyn máninde, adamdary bar kez-kelgen jerde árqashan tabysty meıramhana jasaýǵa bolady.

Lokeıshn - bul  jaı ǵana oryn emes, tutynýshyǵa qyzyqty joba jasaý úshin jáne oǵan unaý úshin durys paıdalaný. Tıisinshe,  oıyńyzdy júzege asyrý úshin yńǵaıly oryn izdeýińiz kerek. Nemese  qolda bar orynǵa óz josparyńyzdy jasaý úshin bar jumys istelýi tıis. О́zińizdiń jeke stılińiz ben ereksheligińiz bolýy qajet. Budan basqa, monıtorıng jáne taldaý jasaý kerek, bul aýdanda qandaı kásiporyndar kóp, qandaı oryndar az jáne olar tutynýshyǵa ne usynady.

Asa qıyn jumyssyz-aq jaqsy tabysty meıramhanalar bar ekeni málim. Máselen, ámbebap dúkenderde, keıbir saýda ortalyqtarynda nemese ortalyq kóshelerde belgili bir baǵyttarsyz nemese qarapaıym as úımen dámhana jasaýǵa bolady. ol tabysty bolýy ábden múmkin. Bastysy, tátti taǵam bolsa bolǵany, ıaǵnı, sapaly ónim. Árkim ózi úshin keletindeı jaǵdaı jasalýy tıis, bireýler súıikti taǵamyna kelse, endi bireýleri súıikti sýsynyn taba alady.

Dızaın

Tańdalǵan josparǵa  baılanysty sizge dızaın-joba qajet bolýy múmkin nemese soǵan baılanysty  jóndeý jasaý kereksiz. Siz bolashaq meıramhana qandaı bolýy kerek ekenin elestetesiz, sodan keıin qurylysshylardy jalǵa alyp, prosesti ózińiz basqarasyz. Eger sizde bıýdjet shektelgen bolsa nemese siz jumyspen qamtylǵan adam bolsańyz, onda árqashan dızaınerdi jaldaýǵa múmkindik bar. Eger siz kásibı adal mamandy tapsańyz, jóndeý shyǵyndaryn birneshe esege qysqartýǵa bolady. Dızaınerge ne qajet ekenin túsindirý óte mańyzdy jáne árbir kezeńde prosesti baqylaý mańyzdy. Qajetti aýa kólemin, temperatýrany jáne basqa da parametrlerdi qamtamasyz etetin tehnologııalyq jáne ınjenerlik jabdyqtar bolýy kerek. Bul qolaılylyqty artady.

Qyzmetkerler

Kez-kelgen bıznes úshin eń mańyzdysy - jaqsy basshylyq pen yntaly jumyskerler. Meıramhana bıznesinde óte mańyzdy obektiler – aspazdar men dırektor. Shef-aspaz bas aspazshylardy, rejısser-menedjerlerdi, daıashylar men taǵy basqalardy tańdaıdy. 

Joǵaryda aıtylǵan qaǵıdalardy retimen qoldana bilseńiz, siz ashqan meıramhananyń tabaldyryǵynan kisi úzilmeýi tıis. 

Aýdarǵan: Ádilet Mádenıet

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir