Kásipker úshin qajet bolatyn mańyzdy qosymshalar

Biz otandyq kásipkerlerge bir paıdasy tıer degen oımen mańyzy zor smartfon, planshet nemese noýtbýkte paıdalanylatyn qosymshalar tizimin jasadyq. Bizdiń tizimge qarap, óz gadjetińizdi mańyzdy dúnıelermen tolyqtyryńyz!

1. Aný.do

Tizimdi must-have (bolýy tıis) qosymshalardan bastaıyq. Kásipker úshin barlyq áreket mańyzdy ról oınaýy múmkin. Olardy elemeý múmkin emes. Al barlyǵyn birdeı jattap alýǵa adam jadynyń qabileti jetkiliksizdeý. Demek, oǵan senim artyp, táýekelge bel býýdyń qajeti shamaly. О́ıtkeni, biz usynyp otyrǵan bul qosymsha – kúndi sátti ári jospardaǵydaı ótkizýge járdem beretin birden-bir kómekshi qural.

2. Dybysty eskertpe

Álemde erteden beri ózgermeı ári joǵalmaı kele jatqan mynadaı qaǵıda bar: "Eger basyńa bir ıdeıa kelse, ony tez arada jazyp qoı. Meıli ol ıdeıa saǵan tún ishinde kelse de". Al biz usynyp otyrǵan bul qosymsha sizdi tún ortasynda nemese mezgilsiz ýaqytta qaǵaz-qalam izdep júrýden qutqarady. О́ıtkeni, bul qosymshaǵa jazylǵan sizdiń daýysyńyz avtomatty túrde mátin qalpyna kóshedi. Mine, barlyq másele sheshildi. Aıtpaqshy, qosymshanyń aty "Dybysty eskertepeler" ("Golosovye zametkı") dep atalady.

3. LastPass jáne ózge qaýipsizdik

Búgingi kúni urlanǵan nemese joǵalǵan smartfon tek onyń qarjylaı ǵana baǵasymen emes, sonymen qatar, onda jazylǵan aqparattarymen qundy. Sondyqtan, smartfon qaýipsizdigin saqtaý úshin biz usynyp otyrǵan qosymshany júktep alyńyz. Qosymsha sizge jalǵyz shıfr usynady. Siz ony jaqsylap este saqtap alsańyz jetkilikti. Qaýipsizdikke nemquraıly qaramańyz.

4. Wunderlist

Biz usynyp otyrǵan kezekti qosymsha komandalyq qyzmettegi adamdar úshin, ásirese komandany basqaratyn tulǵa úshin óte qajet dúnıe. Atalmysh qosymsha barlyq platformalarmen jumys jasaıdy. Sondaı-aq, berilgen tapsyrmanyń oryndalý ýaqytyn, qaıtalanýy tıis árekettiń perıodyn, tapsymanyń oryndalý barysyn qadaǵalaıdy. Demek, bul qosymsha sapaly eńbek pen durys basqarýdy qamtamasyz etedi.

5. Money Lover. Qarjy menedjeri

Qarjy menedjmenti – óte mańyzdy basqarý túri. О́z shyǵyndaryńdy qadaǵalap otyrý – paıdaly tájirıbe. Al kiris mólsherin árdaıym nazarda ustap otyrý – kásipkerge motıvasııa berýi múmkin. bul qosymshada eki áreket te qarastyrylǵan. Osyǵan uqsas kóptegen qosymshalar chekti sýretke túsirip júkteýdi nemese túbirtekti engizýdi talap etedi. Al bul áreketter adamnyń ýaqytyn alary sózsiz.

Biz usynǵan "qarjy menedjeri" shekteýli qarajatty tıimdi paıdalanýǵa, qajet dúnıelerge jumsaýǵa úıretedi.

6. Gymboom

Bul qosymsha sportpen shuǵyldanyp, jıi zalǵa baryp turatyn jandarǵa arnalǵan. Qosymshada jattyǵý barysyn qadaǵalaý, salmaq ólsheý, kelesi jattyǵýda qandaı áreketterdi qaıtalaý kerektigi týraly aqparat sekildi mańyzdy dúnıeler qarastyrylǵan. Sonymen qatar, jattyǵý tizimderi men olardy oryndaý tehnıkalary týraly nusqaýlyq bar.

Kásipker úshin turaqty zalǵa baryp turý mindetti is ispetti. О́ıtkeni, óz densaýlyǵyńdy múmkindik bar bola tura kútpeý – aqymaqtyq.

7. Bookmate. Kitaptar jáne aýdıokitaptar

Kitap – bilim jetildirý kilti. Al aýdıokitaptar – bilimdi qolaıly túrde jetildirýge kómek beretin qosymshalar. Árqashan kitap satyp ala berýge, ony ózińmen birge alyp júrýge, oqıtyn qolaıly oryn tabýǵa múmkindik bola bermeıdi. О́kinishti me? Joq! О́ıtkeni, biz usynǵan qosymsha arqyly qalaǵan kitabyńyzdy qalaǵan orynda, qalaǵan ýaqytta oqı alasyz. Qosymsha arqyly mátin túrindegi kitapty oqýǵa jáne aýdıokitaptardy tyńdaýǵa múmkindik bar.

Zaman kóshiniń aldy tórtinshi ındýstrııalyq revolıýsııa kezeńiniń esigin qaqqanda, bizdiń kóshten keıin júrgenimiz jaraspaıdy. Ýaqyt tapshy kezeńde barlyǵyn qolaıly paıdalana bilgen jón.

Al sizdiń gadjetińizge arnalǵan arnaıy qosymshalar – qolaıly ómir súrýińizge kómektesetin keremet dúnıeler.