10 Mamyr, 2019 Saıasat О́zgertý

Toqaevtyń málimdemesi: Sırııadan 231 Qazaqstan azamaty elge jetkizildi (vıdeo)

Olardyń jasaǵan qateligi úshin balalary ózge elde qınalyp, zardap shekpeýi tıis.

Qazaqstan Respýblıkasynyń Prezıdenti Qasym-Jomart Toqaevtyń málimdeme jasady. Bul týraly Aqordanyń baspasóz qyzmeti habarlady. Málimdemede "Jýsan" operasııasynyń jalǵasy retinde 231 qazaqstandyqtyń elge jetkizilgeni aıtylǵan.

"Meniń tapsyrmam boıynsha 7 jáne 9 mamyr kúnderi Sırııadan 231 Qazaqstan azamaty elge jetkizildi, onyń 156-sy balalar, deni mektep jasyna deıingiler, sonyń ishinde 18-i – jetim balalar.

Bul aýqymdy gýmanıtarlyq aksııa – Tuńǵysh Prezıdent –Elbasy Nursultan Nazarbaevtyń tapsyrmasymen bıyl qańtar aıynda júrgizilgen «Jýsan» operasııasynyń jalǵasy boldy.

Memlekettik organdar men úkimettik emes uıymdar elimizge qaıtarylǵan azamattarmen ońaltý sharalaryn júrgizdi. Olarǵa medısınalyq, psıhologııalyq jáne áleýmettik kómek kórsetildi.

Qazirdiń ózinde atalǵan jumystyń oń nátıje berip otyrǵany týraly aıtýǵa bolady. Bıyl qańtar aıynda elge oralǵan áıelder burynǵy radıkaldyq ómirinen bas tartty, jumysqa ornalasty, týystarymen qaıta baılanys ornatty. Balalary mektepke, balabaqshaǵa bardy.

Qaqtyǵys aımaqtaryna shyqqan Qazaqstan azamattary mundaı oısyz qadamǵa terrorısterdiń teris, shyn máninde, jalǵan úgit-nasıhatynyń yqpalymen bardy. Búginde olar jańa ómir bastaý úshin óz erkimen Qazaqstanǵa oralýda. Olardyń jasaǵan qateligi úshin balalary ózge elde qınalyp, zardap shekpeýi tıis.

Qazaqstan terrorızmmen kúres júrgizý, sondaı-aq qıyn jaǵdaıda qalǵan azamattaryna qol ushyn sozý mindettemelerinen bas tartpaıdy. Gýmanıtarlyq aksııa jalǵasa beredi. Biz óz azamattarymyzdyń taǵdyryna eshqashan beı-jaı qaramaımyz.

Atalǵan gýmanıtarlyq operasııaǵa qatysqan Syrtqy ister mınıstrliginiń, Ulttyq qaýipsizdik komıtetiniń jáne basqa da memlekettik organdardyń qyzmetkerlerine jáne sheteldik seriktesterge alǵysymdy bildiremin".