Jalqaýlyqpen kúresý joldary

Qazirgi ýaqytta kez-kelgen adamdy sóıletip, maqsat-múddesin surasańyz, ózińizge aqyl aıtarlyqtaı qaýqary bar. Degenmen, sol ispetti arman-aılasyn júzege asyrǵandar qatary tym az. Armandardy júzege asyrýǵa kedergi bolatyn ne qubylys? Ol, árıne, jalqaýlyq, moıynnyń jar bermeýi. Osy bir jaǵymsyz qasıetten arylyp, jetistikke qalaı jetýge bolady?

Adamdar árbir qadamyn jáne bolashaqta atqarylýy tıis dúnıelerdiń barlyǵyn oısha josparlaıdy. Mysaly, jatar aldynda erte turý jaıly oılanýyńyz múmkin. Bul – erteńgi kúnińizge ǵana qajetti, degenmen, jasalynýy tıis qadam.

"Jalqaýlyq" qasıetin de jaqsy baǵytqa qoldanýǵa bolady. Qalaı? Bir ǵana jaǵdaıda joǵaryda atalǵan qadamdy iske asyrýǵa bolady. Ol jol – "jalqaýlyqty" túbegeıli jeńý. Osy áreketti óz yrqyńyzdy jeńip jasaı alsańyz ǵana jetistikke jetý yqtımaldylyǵyńyz arta túspek.

Barlyq maqsattaryńyzǵa birdeı áreket etý arqyly ǵana jetemin deseńiz, ońbaı qatelesesiz. Adamnyń alǵashqy sheshim qabyldaıtyn múshesi – mı. Oısha qabyldanǵan sheshim, oısha jasalǵan jospar is-árekettiń sapaly shyǵýyna aıtarlyqtaı áser etedi.

Fılosoftardyń tujyrymdamalaryna súıensek, adamdardyń kópshiligi oısha jospardy orta jolda jasap, naqty sheshimdi orta jolda qabyldap jatady eken. bul – eń qate qaǵıda, eń qıyn jol.

Is-áreketke kirispes buryn oısha josparyńyzdy naqtylap, durys sheshim qabyldap almasańyz, bastaǵan bastamalaryńyz kózdegen tusyńyzǵa jetpeı qalýy múmkin.

Adamda túısik degen dúnıe bolady. Túısik kisini eshqashan aldap nemese orǵa jyqqan emes. Kez-kelgen isti bastarda nemese sheshim qabyldarda ishki daýysty tyńdaýdy úırenińiz. Bul arqyly siz jetistikke jetýdiń týra jolyn tabýyńyz yqtımal.

Fılosoftar tápsirine qaıta oralaıyq. "Eshqashan qıyndyqtarǵa moıymańyz. Tek árbirinen sabaq alýdy úırenińiz. Qıyndyqtardyń ýaqytsha ekenin umytpańyz" degen támsil bar.

Jalqaýlyq týa bitken qasıet emes. Adamdar túrli jolmen kertartpa minezge ushyraıdy. Mysaly, bastaǵan isi júrip, oıyndaǵydaı áreket etip júrgen adam bir kúni daǵdarysqa ushyrasa, odan keıin kásip jasaýǵa degen qulshynysy múlde joǵalýy múmkin. Týrasyn aıtqanda, qıyndyqqa tózbeı, synyp ketedi. Synǵan azamattyń qaıtadan aıaqqa turýy óte qıyn dúnıe.

Ekinshi bir jaǵdaı – adamnyń óz-ózine senim bildirmeýi. Azamat bolyp qalyptasqan adam óz qaýqaryna, óz qabiletine, óz darynyna senim bildirmese, onyń kez-kelgen tirligi ónbeıtini anyq. Sondyqtan, qıyndyqqa urynsańyz da, taýyńyz shaǵylyp, ózińizge senimsizdik tanytpaǵanyńyz abzal.

"Sizdiń qolyńyzdaǵy ydystyń jartylaı tolyq nemese jartylaı bos ekeni múlde mańyzdy emes. Bastysy – sizde sý bar", - dep jazǵan eken Rýdı Fransısko. Aıtylýy kózdelgen basty oı – qazirgi jaǵdaıyńa shaǵymdana bermeı, ydystaǵy sýyńdy ish te, sony toltyrýǵa talpynys jasa.

О́mir súr

Adamdardyń kópshiligi ózderiniń kúndelikti ómirlerine yrzashylyq tanyta almaıdy. Qanaǵatsyzdyq degen kesirli qasıet – bul. Qanaǵatsyz adam eshteńege qol jetkize almaıdy. О́ıtkeni, onyń oıynda árqashan materıaldyq jaǵdaıdy damytý degen ıdeıa turady. Al baılyqqa tikeleı jumys jasaǵan adamdardyń kópshiligi oǵan qol jetkize bermeıdi.

Oılanyńyz! Siz áli tirisiz! Sizde áli myńdaǵan múmkindikter bar. Sol myńnyń birin nege is-áreketke aınaldyrmasqa, nege bireýinen nátıje shyǵarmasqa?! Ýaqyt barda, jatpaý qajet. Ýaqyt – sizdiń eń asyl qundylyǵyńyz. О́zińizdi aıasańyz, ózińizdi aıamańyz!