• USD 468.56

  • EUR 497.56

  • RUB 7.3

  • CNY 67.18

29 Naýryz, 10:06:06
Almaty
+35°

06 Mamyr, 2019 Kásipker

Búginde álemdik arenada básekege qabilettilik uǵymy joǵary dárejege ıe bolǵan shaqta adamzat aldynda birqatar máseleler tur. Ýaqyt talabymen adamdardyń oılaý júıesi, sana-sezimi, kózqarastary ózgerýde. Atalmysh jaıttar eńbek naryǵynda da ózindik sıpatqa ıe boldy. Máselen, jumys berýshiler tarapynan kásibı bilimmen qatar tyń ıdeıalar men erekshe oılar talap etiledi. Jáne de bul jaǵdaı tek eńbek salasyna ǵana emes, ekonomıkanyń barlyq salalaryna óz yqpalyn tıgizýde.

Sonymen qatar, básekege qabilettilikpen qatar kóshbasshylyq qasıeti erekshe nazarda. Atalmysh máselege qatysty kóptegen oqýlyqtar, avtorlyq kitaptar men keńester jıyny jaryq kórdi. Ár oqyrman ózine qajettisin anyqtap, qalaýyń tabýǵa múmkindik bar. Degenmen, "Kóp jasaǵannan surama, kópti kórgennen sura" demekshi, ár avtor óz shyǵarmashylyǵynda kórsetilgen salanyń maıtalmany bolýy tıis. Sebebi, atalmysh kitapta birqatar eńbek ótili men ómir tájirıbesi ushtasady. Búginde adamnyń jeke qabiletterin arttyrý, ózińe degen senimdilikti qalyptastyrýǵa negizdelgen málimetter barshylyq. Sonyń ishinde, eń ózektilerine nazar aýdarǵan jón.

Máselen, basqarý máseleleri jónindegi amerıkandyq keńesshi, oqytýshy jáne uıymdastyrýshylyq basqarma jumystary jónindegi keńesshi Stıven Kovıdiń "Tıimdiligi joǵary adamdardyń 7 daǵdysy" kitaby "The New York Times" jýrnalynyń bestsellerler tiziminde 220 apta bolǵan. Atalmysh kitaptyń 3 mıllıonnan astam danasy satylyp, 40 tilge aýdarylǵan. Sonymen qatar, Stıven Kovıdiń trenıng ortalyǵy jylyna 30000 astam adamdy oqytady.  

Stıven Kovı 1932 jylǵy 24 qazanda Amerıkada dúnıege kelgen. Ol kisi - amerıkandyq bıznes-keńesshi, kásibı dilmar, jazýshy, "Jyl dilmary" ataǵynyń ıegeri, dúnıe júzi isine qosqan úlesi úshin Sıkha premııasynyń, adamzat aldyndaǵy úlesi úshin Tomas Mor kolledji medaliniń, "Jyl kásipkeri" halyqaralyq premııasynyń ıegeri, Time jýrnalynyń nusqasy boıynsha eń bedeldi 25 amerıkandyqtardyń qatarynda.

Búginde "Tıimdiligi joǵary adamdardyń 7 daǵdysy" kitabynyń avtory jáne lektory retinde tanymal. Atalmysh kitap 2011 jylǵy tamyz aıynda "TIME" jýrnalynda bıznes jónindegi eń yqpaldy 25 kitaptyń biri retinde  kórsetilgen. Stıven Kovı ómiriniń sońǵy jyldary FranklinCovey kompanııasy dırektorlarynyń keńesi tóraǵasynyń orynbasary laýazymyn atqardy.

Iýta ýnıversıtetinde tálim alyp, iskerlik basqarma salasyndaǵy ǵylym bakalavry boldy. Keıin oqýyn Garvard ýnıversıtetinde jalǵastyryp, Brıgam Iаng ýnıversıtetinde dinı ister boıynsha fılosofııa doktory boldy.

Stıven Kovı belsendi din qaıratkeri retinde Anglııa shirkeýinde eki jyl qatarynan qyzmet etken, al 1962 jylǵy shildeden bastap ırlandyq dinı uıymnyń birinshi prezıdenti laýazymyn atqarǵan. О́z kezeginde din jolynda birqatar jumystar jazdy.

Degenmen, jazýshy 2004 jyly jeke etıkaǵa qarsy shyǵyp, minez-qulyq etıkasyn kótergen "Joǵary tıimdi adamdardyń 7 daǵdysy" kitaby jaryq kórgennen keıin shynaıy ataqqa ıe boldy. Keıin qoǵamdaǵy ártúrli máselelerge qatysty basqa da shyǵarmalar jaryq kóre bastady. Olardyń kóbisi bestseller atandy. Atap aıtqanda, "Basty zattarǵa basty nazar", "Qaǵıdalarǵa negizdelgen kóshbasshylyq", "Joǵary tıimdi januıalardyń 7 daǵdysy", "Segizinshi ádis: tıimdilikten mańyzdylyqqa" jáne de t.b.

Negizinde, Stıven otbasynyń qundylyqtary týraly aıtýǵa tolyq quqyly edi. Ol toǵyz balanyń ákesi atanyp, elý eki nemeresi bolǵan.

Stıven Kovı 2012 jylǵy 16 shildede Aıdahoda kóz jumdy.

Jazýshy óziniń "Tıimdiligi joǵary adamdardyń 7 daǵdysy" kitabynda kóshbasshylyq pen basshylyqqa ózindik kózqarasyn usyndy. Atalmysh kitapta jeke bastyń tıimdiligin arttyrýǵa negizdelgen jan-jaqty daǵdylar  kórsetilgen. Kovı daǵdyny bilim, qabilet pen tilektiń quramasy retinde anyqtaıdy. Onyń jeti daǵdysy birneshe satylarǵa bólingen: táýeldilikten táýelsizdikke jáne ári qaraı tulǵa aralyq táýeldilik.

Táýeldi tulǵa basqalarǵa táýeldi kishkene bala sekildi jaǵdaıdyń rettelýin nemese basqa jaǵdaıdyń týyndaýyn kútip otyrady. Táýeldilik adamǵa óz ómiri úshin jaýapkershilikke ıe bolýǵa múmkindik bermeıdi jáne isteri teris ketken jaǵdaıda basqa bireýdi kinálaýdy durys qadam retinde sanaıdy. Táýelsiz adam óz boıyndaǵy senimdilik pen óz kúshine qanaǵattaný sezimin sezinýge múmkindik alady. Jáne óziniń ósimi úshin qajetti jáne paıdaly maǵlumat nemese tájirıbege ıe bolady. Al tulǵa aralyq táýeldilikke ıe adam ózgelerdiń kómeginsiz qandaı da bir nátıjege qoljetkizýge bolmaıtynyn túsinedi. Osyndaı adam  basqalarmen baılanys ornatýǵa talpynady. Bul rette ol óziniń jeke qabiletterin jańartyp otyrady jáne tulǵaaralyq qatynastar men toptaǵy jumystan ózine qajetti kóńil-kúıdi alady.

Stıven Kovı barlyq daǵdylardy eresektik kontınýýa ornatady. Ár daǵdy bir-birine negizdeledi.

Eń bastysy - táýelsizdik.

Aldyńǵy úsh daǵdy óziniń birbetkeı qalpyn saqtaýǵa baılanysty bolady. Olar adamdy táýeldilikten táýelsizdikke alyp keledi.

1-daǵdy. Belsendilik. Bul daǵdy - jaı ǵana belsendilik emes, óz ómirine degen jaýapty kózqaras. Asa belsendi adamdar jaýapkershiliktiń sanaly túrde sheshim qabyldaý ekendigin moıyndaıdy. Tańdaýdy júzege asyrýda adamdar ózderiniń ómirlik qundylyqtaryna súıenedi, aldaǵy qıyndyqtarǵa moıymaıdy jáne ózi úshin jaýapkershilik alady da, óz jetistikterimen maqtanady.

2-daǵdy. Jumystyń nátıjesin eń basynda kóre bilý qabileti. Iаǵnı, adam qolǵa alynyp jatqan jumystyń tolyq nátıjesin aldyn-ala óz sanasynda beıneleı alady. Qurylysshy jobadan bastaıdy. Kompozıtorlar óz oılaryndaǵy dybystardy mátinge túsiredi. Mátin avtorlary jazýdy bastaýdyń aldynda bolashaq kitabynyń jazbasha nobaıyn keltirip alady.

Jumystyń nátıjesin eń basynda kórý úshin maqsat men jospardy naqty túsiný, sondaı-aq óz qyzmetinde basshylyqqa alatyn qundylyqtar men qaǵıdalardy bilý qajet. "Maıkrosoft" kompanııasynyń negizin qalaǵan Bıll Geıts óz oıynda bolashaq kompanııasynyń nobaıyn keltirý arqyly álem boıynsha taýar aınalymy joǵary kompanııalardyń biriniń negizin qalady. Oıdaǵy nusqaǵa súıene otyryp, ol armanyn iske asyrǵan uıymdy qurdy.

3-daǵdy. Eń negizgisinen bastaý. Bul daǵdy ne isteý kerektigine nazar aýdarýdyń ornyna, adamnan óz ýaqyty men jaǵdaıdy maqsatymen tıimdi úılestirý arqyly basqarýdy qajet etedi. "Mańyzdy ister maqsatqa qoljetkizýge járdemdesedi, al jedel ister tez arada oryndalýy tıis", - deıdi Stıven Kovı óz kitabynda.

Eń negizgisinen bastaý daǵdysy nátıjelerge qoljetkizýdi ǵana emes, qatynastardy basqarý qyzmetin qamtamasyz etýdi qarastyrady. Osylaısha, máselen, eger telefon qońyraý shalsa, satýshy qazir aınalysyp jatqan jumysyn tastaıdy jáne jańa klıentti tabý maqsatynda telefon kóteredi. Sebebi, jańa klıentter -  kompanııanyń kommersııalyq tabysynyń kepili. 

Sonymen qatar, táýelsizdikten tulǵaaralyq táýeldilikke kóshý ashyq baılanysty, tıimdi topty qurýdy jáne basqalarǵa qamqor bolýdy qarastyrady. Tıimdi ózara qarym-qatynastardy qurý - Stıven Kovı atap ótken "áleýmettik jeńis".

4-daǵdy. "Seniń jeńisiń - meniń jeńisim". Uıymnyń tabysty bolýy adamdar arasyndaǵy ortaq jeńiske umtylýǵa negizdelgen áriptestikte jatqandyǵyn túsiný qajet. Adamdar atalmysh jaıtty túsingen kezde, olar ózara tabysqa jetý jolynda árqaısysynyń jeńimpaz bolý múmkindigin qamtamasyz etý úshin óz kúshterin ujymdyq jumysqa biriktiredi. "Seniń jeńisiń - meniń jeńisim" qaǵıdasy aıasynda topta qabyldanǵan sheshimder onyń barlyq músheleriniń kóńilinen shyǵady jáne oryndalýǵa mindetti bolyp sanalady.

Maıtalman basqarýshy qyzmetkerler jekeden góri birlesip tezirek tabysqa jetetindigin túsinedi.

5-daǵdy. Aldymen túsinýge tyrysyńyz, sodan keıin túsinistik izdeýge talpynyńyz. Kóptegen adamdar áńgimelesýshini túsiný nıetimen tyńdamaıdy, kerisinshe, múmkindiginshe jyldam jaýap berýdi qalaıdy. Olar qalyptasyp qalǵan jaǵdaıǵa negizdelgen pikirlerin aıtýǵa tyrysady. Basqa adamdy túsinip, tyńdaı bilýdi úırený úshin adamdar sot tóreshileri retinde emes, jan dúnıeni túsiný qabiletin damytýy tıis.

Eki tarap bir-birin túsingen kezde, olar árdaıym ortaq til taba alady. Sóılesip otyrǵan adamǵa nazar aýdarýǵa tyrysyńyz. Oǵan qalaısha tez jaýap berýdi oılamańyz. Osyndaı daǵdyǵa ıe tabysty basshy klıenttermen qatar, óz kompanııasynyń jumysshylaryna birdeı yqylaspen qaraıdy.

6-daǵdy. Birigip áreket etý. Eki nemese odan da kóp adam birge jumys istegende, qandaı da bir qubylysty túsiný úshin olar ortaq til tabysady. Ortaq til tabysý adamdar jańa balamalar men sheshimderdi tapqan kezde týyndaıdy. Ortaq til tabysýǵa qoljetkizýdiń eń jaqsy múmkindigi bar. Iаǵnı,  bir qubylysqa, túrli kózqarasqa ıe jáne de osy erekshelikterden ózderi úshin jańa múmkindikterge jol asha biletin adamdar qoljetkize alady. 

"Seniń jeńisiń - meniń jeńisim" qaǵıdasyn úırengen jáne basqa adamdy túsiný úshin tyńdaıtyn adamdar ortaq til tabysady.  Bir sózben aıtqanda, bul daǵdy aldyńǵy ekeýine tireledi. Martın Lıýter Kıngtiń ataqty sóziniń basty ıdeıasy - "Meniń armanym bar". Bul - ortaq til tabysý ıdeıasynyń naq ózi. Ol adamdardy óz kózqarastaryn  salystyrýǵa jáne bir-birinen úırenýge shaqyrǵan. Qatyp qalǵan taptaýryndar adamdardyń kózqarastaryndaǵy  aıyrmashylyqty baǵalaýǵa kedergi keltiretinin aıtqan. Sebebi, adamdar bir-birin tyńdamaıdy, óz oılarymen álek bolady.

7-daǵdy. Júz qaıraý. Jetinshi daǵdy aldyńǵylardyń barlyǵyn biriktiredi. Negizinde, bul - adam ómiriniń barlyq fızıkalyq, mentaldy, rýhanı jáne áleýmettik aspektilerinen turatyn, turaqty jańaryp, jetilip otyrý úrdisi. Stıven Kovı jumysqa qabilettiliktiń joǵary deńgeıin saqtap qalý úshin adamdarǵa únemi jetilip otyrýdy tileıdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir