• USD 468.56

  • EUR 497.56

  • RUB 7.3

  • CNY 67.18

29 Naýryz, 18:04:15
Almaty
+35°

03 Mamyr, 2019 Saıahat

Az aqshamen shetelge qalaı saıahattaýǵa bolady?

Qalanyń qym-qýyt tirligi júdetip, tóbeńnen tónip turatyn záýlim ǵımarattary alqymyńnan alǵanda, jumystan sharshap qajyǵanda, «átteń demalysqa shyǵyp...

Qalanyń qym-qýyt tirligi júdetip, tóbeńnen tónip turatyn záýlim ǵımarattary alqymyńnan alǵanda, jumystan sharshap qajyǵanda, «átteń demalysqa shyǵyp, saıahattasam ǵoı!», dep armandaımyz. Shetel asyp, eýropalyq elderdi sharlamasaq ta qalanyń syrtyna shyǵyp, taza aýamen tynystaǵymyz keledi. Al eger siz eńbek demalysyńyzdyń basqasha bolǵanyn qalap, shetelge demalýǵa qarajat jınap júrgen bolsańyz she? Onda Qamshy.kz aqparat agenttiginiń rambler.ru saıtynan keltirgen aqyl-keńesteri kádeńizge jarary anyq.

Erterek qamdanyńyz

Áýebıletterin (nemese týrıstik agenttikterdiń qyzmetin) tıimdi baǵada satyp alǵyńyz kelse, kompanııalardyń arnaıy usynystary men jeńildik naýqandaryn erterek zertteýdi bastańyz. Mol tájirıbesi bar saıahatshylar, bıletterdi merziminen buryn alyp qoısańyz, aqshańyzdyń 40%-yn únemdeısiz dep sendiredi. Jáne sizde tańdaý múmkindigi de kóp bolady.

Turatyn oryn men júgińizdi saılańyz

Sarapshylardyń pikirinshe, týrısterdiń sany az bolǵan saıyn, qonaq úılerdiń baǵalary da arzan bolady deıdi. Sol sebepti artyq aqsha tólemes úshin ózińizdiń saıahatqa shyǵatyn ýaqytyńyzdy josparlaı bilińiz. Qonaq úı jaldaýǵa aqshańyz jetpese, baǵasy arzanyraq hostelder óte kóp. Ásirese eýropalyq elderde qonaq úıdiń balamalary jetip artylady. Al jolǵa alatyn júgińizge keler bolsaq, ol barynsha yqshamdy jáne onyń ishinde ózińizge naqty kerek zattar ǵana bolý kerek. Tek jol sómkesimen saıahattaımyn deseńiz, ol óte tıimdi bolmaq. О́ıtkeni, júgińizdi kútýge artyq ýaqyt jumsamaısyz, artyq aqsha tólemeısiz.

Áýejaıdan qalaı qatynaýǵa bolady?

Árbir saıahattyń aldynda áýejaıdan qatynaıtyn kólik túrin anyqtap alyńyz. Keı jaǵdaılarda metromen nemese avtobýstarmen de dittegen jerińizge yńǵaıly jetip alýyńyzǵa bolady. Al taksıge otyrsańyz, kóp aqsha jumsalady jáne ýaqytyńyzdyń kóbi kepteliste ótýi múmkin. Eger de kólik jaldaıtyn bolsańyz, brokerler arqyly jaldańyz. Bul arnaıy agentterden jaldaǵannan arzan.

Týrıstik saqtandyrý

Buǵan mán bergińiz kelmese de, saıahatshylar  bul bólimge únemdemeńiz dep keńes beredi. Jáne árqashan da týrıstik saqtandyrýdy alǵashqy orynǵa qoıyńyz. Qudaı betin ári qylsyn, eger sizge basqa elde bir jaǵdaı bola qalsa, kóp shyǵynǵa ushyraýyńyz múmkin. Al týrıstik saqtandyrý qyzmeti odan anaǵurlym arzanǵa túsedi.

Murajaılardy qalaı tegin aralaýǵa bolady?

Birinshiden, eýropanyń kóptegen elderinde murajaılardy tegin aralaýǵa arnalǵan kúnder bolady. Sol sebepti ózińiz baratyn memlekettiń murajaılary jaıly aqparat alyp, qaı kúnderi tegin bolatynyn saıttardan bilip alyńyz. Odan bólek, eýropanyń iri qalalaryna free walking tour dep atalatyn kúndelikti tegin ekskýrsııalar júrgiziledi. Onyń da arnaıy ýaqyty men aralaıtyn núkteleri bolady. Olardyń tegin bolǵanyna qaramastan, qalany aralatqan adamǵa alǵys ornyna aqsha qaldyryp ketý ádetke aınalǵan. Qalany aralaý kezinde tegin aýdıogıdterdi, jol nusqaýshy baǵdarlamalardy paıdalanýǵa bolady.

Avtokólikpen saıahattasańyz...

Eger siz kólikpen saıahattaımyn dep sheshseńiz, arnaıy qyzmetter arqyly jolaýshylardy izdeseńiz bolady. Eýropanyń barlyq avtoturaqtary aqyly ekenin de umytpańyz. Biraq sýpermarketterdiń mańaıyna qoısańyz, aqshańyz qaltańyzda qalady. Kún jyly kezde kólikpen saıahatqa shyqsańyz, aqshańyzdy kempıngke únemdep qalýǵa bolady.

Ulttyq taǵamdardy qaıdan tabýǵa bolady?

Eger siz barǵan memlekettiń ashanasymen tanysyp, ulttyq taǵamdarynan dám tatqyńyz kelse, qymbat meıramhanalardy izdemeseńiz de bolady. Onda jergilikti turǵyndar usynatyn arnaıy qyzmetti paıdalanyp, dámdi ári arzan baǵada ulttyq taǵamdardy taba alasyz.

Arzan kádesyılar qaı jerde satylady?

Shetelge shyqqannan keıin mindetti túrde sol memleketten kádesyı almaı ketýge taǵy bolmaıdy. Biraq mynany este saqtańyz! Áýejaıda jáne týrısterge arnalǵan arnaıy dúkenderde olardyń baǵasy óte qymbat bolady. Sol úshin týrıster kóp júrmeıtin oryndarǵa baryp tańdańyz. Al eger kólemdi saýda jasaıtyn bolsańyz, sol eldiń qaıtarý salyǵynyń múmkindigin aldyn ala bilip alyńyz.

Aqshany qalaı aıyrbastaımyz?

Eýropaǵa nemese AQSh-qa saıahattasańyz, valıýtany eýroǵa nemese dollarǵa erterek aıyrbastańyz. Argentına, Venesýela, О́zbekstan jáne taǵy basqa da memleketterde aqshańyzdy tıimdi aýdarýǵa múmkindik beretin «qara kýrs» atty júıe bar. Sonymen qatar, saıahattaý barysynda kartamen emes, tek aqshalaı tólegen durys.

Aýdarǵan: Marjan Sábet

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir