Stýdentterge qolaıly álemdegi 10 shahar

Álemdegi barsha stýdentterge ýaqytsha jumys taýyp berýge kómektesetin App Jobs portaly eń qolaıly qalalardyń tizimin jarııalady. Reıtıng kóshin Chehııa astanasy – Praga qalasy bastap tur.

Al kórshi Reseıdiń astanasy Máskeý qalasy osy sanattaǵy qalalardyń ishinen ekinshi orynǵa laıyq dep tanylypty.

Sarapshylar qalalardy birneshe talaptar boıynsha synaqtan ótkizdi: qaladaǵy bedeldi JOO-lardyń kóp bolýy, yńǵaıly grafıkpen stýdentterge arnalǵan jumys oryndarynyń kóptigi, páter jaldaý baǵasy degendeı. Sonymen qatar, sarapshylar qalada ótkiziletin konsertter men mádenı sharalardy da nazarǵa aldy. Tipti, bir bokal syranyń baǵasy da sheshýishi krıterıılerdiń biri bolsa kerek.

Nátıjesinde, stýdentterge yńǵaıly eń úzdik qala retinde Praga ataldy. Bul qalada bir aıǵa páterdi 579 eýroǵa jaldaýǵa, 1,2 eýroǵa bir bokal syra ishýge bolady. Sondaı-aq, bul shaharda erkin grafıkpen stýdentterge arnalǵan jumys oryndarynyń sany – 261, al oıyn-saýyq sharalarynyń sany – 151. Kóńildi ári eńbekqor qala.

Al Máskeýde páteraqy quny - 796 eýro, bir bokal syra – 3,5 eýro. Reseı astanasynda stýdentterge qolaıly 42 jumys oryny bar. Sonymen qatar, Máskeýde 300-den asa mádenı sharalar ótkiziledi.

Úzdik úshtikti Berlın qalasy túıindep tur. Al alǵashqy ondyqqa Pekın, Monreal, Taıbeı, Manchester, Tokıo, Vena jáne Seýl syndy qalalar kiredi.

Aýdarǵan: Ádilet Mádenıet