Elimizdegi árbir besinshi avtokólik áıel adamǵa tıesili

2019 jyldyń alǵashqy úsh aıynda Qazaqstan Respýblıkasynda 280 892 avtokólik tirkelgen. Ekinshi rettik tirkelgen temir tulparlar úlesi barlyq tirkeýdiń 94 paıyzyn quraıdy. Al birinshi ret naryqqa shyqqaly otyrǵan kólikterdegi eń suranysqa ıe tús – aq, sur jáne qara.

Qazaqstan AvtoBıznes Assosıasııasynyń málimetinshe, ústimizdegi jyldyń alǵashqy kvartalynda IID tirkegen avtokólikter sany 280 892-ge jetken. bul sannyń ishine jeńil kólik, júk kóligi, avtobýstar, mototehnıkalar jáne tirkemeler kiredi. Salystyrmaly túrde qarasaq, bul kórsetkish 2018 jyldyń alǵashqy úsh aıymen salystyrǵanda 8,1 paıyzǵa ósken.

Ekinshi ret tirkelgen tehnıkalar sany – 264 398 (94,13 paıyzy). Barlyq tirkelgen transporttyń jartysyna jýyǵynyń jasy 20-dan asyp ketken. (118 594).

10-20 jas aralyǵyndaǵy kólikterdiń úles salmaǵy – 71 590. 3-10 jas arasyndaǵy kólikter sany – 65 866. 3 jasqa deıingi jańa kólikter sany – 24 772, onyń ishinde 15 444 avtokólik birinshi ret tirkelgen.

I kvartaldaǵy birinshi ret tirkeýge turǵan kólikter sany ótken jylmen salystyrǵanda, birshama qulaǵan. 2019 jyly tirkelgen jańa kólikter sany – 16 394. 2018 jyly tirkelgen jańa kólikter sany – 16 494. 100 kólik aıyrmashylyǵy paıyzdyq kórsetkishke biraz áser etti.

Ekinshi rettik naryqty qosa eseptegende Qazaqstanda satylym jóninen jeńil kólikter kóshin Toyota markasy bastap tur. Dál osy markanyń túrli modelderinen alǵashqy úsh aı ishinde 41 671 kólik satylǵan. Ekinshi orynda - Lada (VAZ) – 39 353. Úzdik úshtikti 20 934 satylym mólsherimen Volkswagen túıindedi.

Modelder teketiresi

Qazaqstandaǵy kez-kelgen jylda shyqqan jalpy modelder arasynda Toyota Camry kósh bastap tur. Satylym mólsheri – 16 691.

90-jyldary shyqqan Volkswagen Passat (9081) ekinshi orynda.

Úshinshi oryn Volkswagen – Golf (5 863) modeline buıyrdy.

Al bestikti Daewoo Nexia (5 349), Audi 100 (5 098) modelderi túıindep tur.

Qalalar báske tústi:

1. Almaty oblysy – 42 295
2. Almaty mańy aımaqtary (qala) – 35 247
3. Túrkistan oblysy – 26 989

Qalalardaǵy jańa kólikterdiń úles salmaǵy:

1. Almaty – 3 346
2. Nur-Sultan – 2407
3. Atyraý oblysy – 1349

Eskertý!

Atalǵan sandardyń barlyǵy kez-kelgen jolmen (syıǵa, jalǵa berý) tirkelgen avtokólikterdiń qosyndysy.