Galaxy S10 uıaly telefonynyń eko-qoraby neden jasalǵan?

Samsung Electronics kompanııasy Galaxy S10 modeline plastmassa men vınıl materıaldaryn qospaı, ekologııalyq qaýipsiz zattardan qaptama qorap jasap shyǵardy.

Smartfon qoraby jáne ony quraıtyn zattar qaıta óńdeýden ótken materıaldardan jasalǵan. Basty artyqshylyǵy – syrtqy qubylystarǵa beıtarap áser kórsetý.

Biraz ýaqyt buryn uıaly telefondar qoraby qaptama, ishki qoraptar jáne negizgi bólimnen turatyn. Al Galaxy S10 smartfonynyń qoraby nyǵyzdalǵan qaǵazdan jasalǵan ámbebap túrde. Sonymen qatar, qorap ishinde qýattaǵysh pen basqa da aksessýarlarǵa oryn qarastyrylǵan.

Plastmassaly astar qaǵaz materıaldarmen almastyrylǵan. Al qýattaǵysh jyltyr qalpyn kúńgirt túrge aýystyrypty. Sondaı-aq, birneshe jyldar boıy shyǵyp kele jatqan smartfondy soqqydan qorǵaý fýnksııasyn atqaratyn plastmassa japsyrma da alynyp tastaldy.

Samsung Electronics kompanııasy óz ónimderinde ekologııalyq taza ári qaýipsiz materıaldardy paıdalaný sheńberin arttyryp keledi. Alǵash ret 2013 jyly júz paıyz qaıta óńdelgen, ekinshi rettik paıdalanylýǵa usynylǵan qaǵaz shıkizattarynan jasalǵan ónim jaryqqa shyqty. Al 2015 jyly atalǵan dúnıeniń dızaınyna kóńil bóle bastady.

2017-2018  jyldary kompanııa smartfon qorabyn da nyǵyzdalǵan qaǵazdardan jasaýdy qolǵa alǵan. Al ústimizdegi jyly Galaxy S10 modelimen birge naryqqa shyqqan qorap ta, qaptama da, qýattaǵysh pen basqa aksessýarlar da tolyqqandy ekologııalyq materıaldardan. Osylaısha alpaýyt kompanııa plastmassalyq ónimderden birjola bas tartty.

"Galaxy S10 modelinen bastap, biz eko-qoraptardy jasaýǵa myqtap bekindik, baǵyt aldyq", - deıdi Samsung Electronics kompanııasynyń  qurylǵylardyń beriktigin qamtamasyz etý (Mobile Communications) bóliminiń vıse-prezıdenti Pek Il Sob. – Biz ekologııalyq ónimderdi ózimizdiń barlyq ónimderimizdi jasaýda qoldanýǵa tyrysamyz jáne osy baǵyttyń aýqymyn keńeıtýge tyrysamyz".