Bul Amerıka emes, Sharyn shatqaly: VVS arnasy Jetisý týraly rolık túsirdi (vıdeo)

Elbasy Nursultan Nazarbaevtyń  «Rýhanı jańǵyrý» baǵdarlamasyn júzege asyrý arqyly  Jetisý jeri kórkem tabıǵatyn álemge tanytty. 

Oblystyq ishki saıasat basqarmasy álemge áıgili VVS telekompanııasymen birlesip Jetisý jeriniń kórkem tabıǵatyn tarıhymen baılanystyryp beınerolık túsirdi dep  habarlaıdy Qamshy.kz aqparat agenttigi  inform.kz saıtyna silteme jasaı otyryp.

Vıdeony jer sharynyń 571 mıllıonnan astam kórermeni tamashalady. «Bul beınerolıkti «MIR TV» telearnasy rotasııalaǵandyǵy, ony 150 mıllıon kórermen kórgendigi belgili boldy. Qazirgi ýaqytta «Jetisý» beınerolıgi TMD elderin keńinen qamtýda»,  – dedi Almaty oblysy boıynsha «Rýhanı Jańǵyrý» jobalyq keńsesi JShS-nyń dırektory Dana Dúısenova.

Jetisýdyń sulý tabıǵatyn, ulttyq saıabaǵyn, murajaılary men tarıhı jerlerin týrısterge tereńirek nasıhattaý  maqsatynda «Jetisý-360»  jobasy da qolǵa alyndy.

Kez-kelgen adam arnaıy mobıldi qosymsha jáne saıt arqyly Almaty oblysyna vırtýaldy túrde saıahat jasaı alady. 

Jalpy «Rýhanı jańǵyrý» baǵdarlamasy bastaý alǵan 2 jyl ishinde Almaty oblysynda 642 joba naqty júzege asqan. 

Onyń ishinde 319 joba 2017 jyly oryndalsa, 2018 jyly 323 joba jemisin beripti. Osyndaı jobalardy júzege asyryp jatqan Almaty oblysynyń bıylǵy jylǵa da jospary  aýqymdy.

«Jetisý Jibek jolynyń bastaýy» atty jastar ekspedısııasy, «Jahandaǵy Zamanaýı Qazaqstandyq mádenıetti ilgeriletý» taqyrybynda I halyqaralyq ǵylymı-tájirıbelik konferensııasy,  «Tamyry tereń álipbı» antologııalyq jınaǵyn shyǵarý;  «Orbulaq shaıqasynyń tarıhı qoıylymy» jobasy, «Kóshpendiler tarıhı qolóneri» festıvali,  IýNESKO-nyń Dúnıejúzilik murasyna jatatyn oblys nysandaryna ekspedısııa, «Jetisý – injý-marjan»  atty dástúrli ánder men kúılerdiń antalogııasy jınaǵyn shyǵarý, «Sport fest» Olımpıadalyq sport túrlerinen festıval jáne taǵy da basqa jobalar.

Bekitilgen jobalar men is-sharalar josparyna sáıkes 2019 jyldyń I toqsanynda oblys boıynsha 20 myńnan astam adamnyń qatysýymen 19 joba men 257 is-sharalar uıymdastyryldy. 2019 jyldyń sáýir aıynan bastap Almaty oblysynyń tilderdi damytý jónindegi basqarmasynyń bastamasymen «Jańa álipbıde jazyp úıreneıik» onlaın-sabaq jobasy bastaldy. 20 mınýttyq onlaın-sabaqqa 100-den asa tyńdaýshy qatysqany belgili boldy. Aldaǵy ýaqytta  vebınardy aptasyna 3-5 ret ótkizý josparlanyp otyr», – dedi  Dana Dúısenova. 

  Sonymen qatar, mamannyń aıtýynsha,  2-4 mamyr kúnderi qazaq-qyrǵyz baýyrlastyǵyn, mádenıet pen ádebıet, ǵylym jáne ózge de salalar boıynsha baılanys ornatyp, tájirıbe almasý maqsatynda «Uly dalanyń máńgilik   mırasy – Manas» taqyrybynda qyrǵyz-qazaq zııalylarynyń III forýmy uıymdastyrylady. Sharaǵa shamamen 500-ge jýyq shetel qonaqtary men  zııaly qaýym ókilderi  qatysady dep kútilýde.

BBC Worldwide kommersııalyq ókildiginiń basshysy Sergeı Stanovkın óziniń Feısbýktegi paraqshasynda: О́tken jyldyń jaz aılarynda biz Qazaqstannyń Almaty oblysynda birden birneshe jobalardy túsirdik. Ondaǵy qorshaǵan ortanyń kórkemdigin bárimen bóliskimiz keldi.

Almaty oblysy jaıly óz kózimizben kórip, aıaǵymyzben basqan jazyq dala, ertegidegideı taýlar, keremet kólder men tynysyńdy keńitetin taýdan aqqan tasqyn sýlar jaıly búkil álemge kórsetiletin jarnamalyq rolık túsirilimin aıaqtaǵanymyzǵa qýanyshtymyn…», – degen pikir bildirdi.

Usynǵan: Maqpal Sembaı