15 Sáýir, 2019 Saıasat
Ýkraın generaly: Bizge orystyń Ýralyna deıin jetetin raketalyq oqtumsyq jasaý kerek
"Ýkraınaǵa jantalasa qarýlanýǵa kirispese, bolmaıdy"..
Ýkraın Qarýly kúshteri Bas shtabynyń burynǵy orynbasary, general Igor Romanenko "Glavred" basylymyna bergen suhbatynda el qaýipsizdigin qamtamasyz etý úshin myqty, uzaq qashyqtyqqa jetetin raketalyq oqtumsyqtar jasaý kerek dep otyr.
–Munyń paıdasy zor bolar edi. Eń aldymen Reseıden qorǵanýymyz úshin qajet. Ázirge bizde bar-joǵy 120 shaqyrymǵa ǵana jetetin eski «Tochka-Ý» raketalyq oqtumsyǵy ǵana bar. Qorǵaný úshin bul óte jetkiliksiz. Sondyqtan bizge Reseıdiń Ýralyna deıin jetetin raketa jasaýymyz kerek.
Aıta ketý kerek, 1990 jyldardyń basynda Býdapesht memorandýmyna oraı Ýkraına ıadrolyq arsenalynan jáne birqatar uzaq qashyqtyqqa jetetin raketalyq oqtumsyqtarynan aırylǵany belgili.
Alaıda qazirgi ýaqytta generaldyń oıynsha, «qaýipsizdikti qamtamasyz etý úshin jáne orystardyn qorǵaný úshin «Ýkraınaǵa uzaq qashyqtyqqa jetetin raketalyq oqtumsyq qajet. Eń quryǵanda, Ýkraınaǵa Ýralyna deıin jetetin raketalyq qondyrǵy jasaý kerek. Sondaǵa ǵana jaýǵa toıtarys berýge bolady».
–Ýkraınaǵa jantalasa qarýlanýǵa kirispese, bolmaıdy. Al biz áskerı qýatymyzdy arttyrýdy áli de tejep kelemiz, –dedi Ýkraına Qarýly kúshteri Bas shtabynyń burynǵy orynbasary Igor Romanenko.
Bul Ýkraınanyń resmı organy ókilderi men armııa generaldary tarapynan aıtylyp otyrǵan birinshi pikir emes. Buǵan deıin áskerı sarapshy Valentın Badrak ta Máskeýge deıin jetetin, bir shaqyrymnan asatyn raketalyq oqtumsyq jasap shyǵarý týraly bastama kótergen. Qarýlaný men armııany zertteý týraly ortalyq basshysynyń orynbasary «qazirgi kezde osyndaı qýatty qarýdyń bolmaýy saldarynan Ýkraına Azov jáne Qara teńizde óz qaýipsizdigin qamtamasyz ete almaı otyr» dep málimdedi. Degenmen, osydan birer apta buryn el prezıdenti Petr Poroshenko radıýsy myń shaqyrymǵa jetetin raketalyq oqtumsyqtarmen bar ekenin atap ótken bolatyn. Alaıda kóptegen sarapshyar «mundaı qarýdyń bolýy Ýkraınanyń qaýipsizdigine nuqsan keltiredi» degen pikirde. Soǵan qaraǵanda, jantalasa qarýlanýǵa qatysty pikirdiń ózi ala-qula bolyp turǵan sııaqty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir