04 Naýryz, 2019
Qyzdar jaıly qyzyqty maqal-mátelder
Myrjyq jigitke yrjyq qyz О́z Láılisi bolady.
Kúndes kórgenniń qyzyn alma.
***
Baıǵa kelin bolǵansha, Kedeıge qyz bol.
***
Baq degen kóshpeli. Qyz alǵan kúıeýge de ketedi,
Qyzdan týǵan jıenge de ketedi.
***
Qyrsyqqan qyz baı tappas,
Qyrsyz jigit mal tappas.
***
Kelindikine barsań, tıgenin jeısiń,
Qyzyńdykine barsań, súıgenińdi jeısiń.
***
Balanyń uıaty - ákege,
Qyzdyń uıaty – sheshege.
***
Ata dańqymen qyz óter,
Mata dańqymen bóz óter.
***
Atasy turyp – uly sóılegennen bez,
Atasy turyp – qyzy sóılegennen bez.
***
Ákeden bezgen ul ońbas,
Anadan bezgen qyz ońbas.
***
Qus ushyp ketedi,
Muz erip ketedi,
Qyz qartaıady.
***
Qatyny joq Hannyń qyzyna qyryndaıdy.
***
Ulyń úılense – yrysyń,
Qyzyń ornyn tapsa - órisiń.
***
Jaqsy kelin qyzyńdaı,
Jaqsy kúıeý ulyńdaı.
***
Tórkin dese – qyz tózbeıdi,
Tuz dese – túıe tózbeıdi.
***
Aıaǵyn kórip, asyn ish,
Anasyn kórip, qyzyn al.
***
Kári qyzdyń uıaty bosaǵadan attaǵansha.
***
Myrjyq jigitke yrjyq qyz О́z Láılisi bolady.
***
Qalyńsyz qyz bolsa da,
Kádesiz kúıeý bolmas.
Usynǵan: Maqpal Sembaı
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir