• USD 468.56

  • EUR 497.56

  • RUB 7.3

  • CNY 67.18

28 Naýryz, 17:26:16
Almaty
+35°

19 Aqpan, 2019 Foto-baıan

Orta Azııa prezıdentteri qaıda turady, qaıda jumys isteıdi? (foto)

2015 jyly Tájikstan prezıdentiniń rezıdensııasy eń ádemi rezıdensııa bolyp moıyndaldy.

2015 jyly Tájikstan prezıdentiniń rezıdensııasy eń ádemi rezıdensııa bolyp moıyndaldy. Bul tizimge Qazaqstan prezıdentiniń Aq Ordasy men Túrikmenstan basshysynyń «Oǵyzhan» saraıy da engen bolatyn. Olaı bolsa, Ortalyq Azııa prezıdentteriniń rezıdensııalaryna toqtalyp ótelik. Prezıdentter ol jerde jumys isteıdi, keıbiri turady.

Tájikstan

«Kohrı Mılat» saraıynyń qurylysy 2000 jyly bastalyp, 2008 jyldyń tamyzynda aıaqtaldy. Ol ýaqytta Dýshanbede Shanhaı Yntymaqtastyq  Uıymynyń sammıti ótip jatqan. Ǵımarat 6 qabattan turady, onǵa jýyq konferensııa zaly bar.

Tájikstan

Ǵımarat ishinde qalaǵa qaraıtyn birneshe qysqy baq bar. Sonymen qatar rezıdensııa ishinde prezıdentke arnalǵan bólmeler men jattyǵý zaly bar.

Ǵımarat qurylysymen ıtalıandyq Rizzani de Eccher kompanııasy aınalysty. Sol sebepti qurylys materıaldary kóbine Italııadan ákelingen. Máselen, eden men qabyrǵalar Carrerf atty ıtalıandyq mármármen jasalǵan.

Tájikstan

Kasrı Mıllatqa týrıster men qarapaıym azamattar kire almady, tek syrtynan baqylap kete alady. Onyń ózinde aýlasynan emes, ǵımaratqa qarama qarsy turǵan Rýdakı saıabaǵyna kóre alady.

Qazaqstan

Elbasy Nursultan Nazarbaevtyń rezıdensııasy álemdegi eń ádemi bestiktiń qataryna kirgen.

Aqorda

Rezıdensııa qurylysy 2001 jyly bastalyp, 2004 jyly aıaqtaldy. Bıiktigi – 80 metr, birinshi qabatynyń bıikti – 10 metr. Ishinde 1800 sharshy metrdi quraıtyn ortalyq saltanat zaly, sonymen qatar qysqy baqtar men press-konferensııalar ótetin zaldar bar. Al ekinshi qabatynda jumys isteıtin keńseler ornalasqan.

Aqorda

Úshinshi qabatynda halyqaralyq dárejedegi túrli sharalar ótedi. Sonymen qatar, memleket basshylary qujattarǵa qol qoıatyn Mármár zaly, kezdesýler ótetin Altyn zal, kelisimsharttar jasalatyn Sopaqsha zal bar. Buǵan qosa qonaqtar bólmesi, Qaýipsizdik Keńesiniń zaly, Shyǵys  jáne ózge de túrli zaldar osy úshinshi qabatynda ornalasqan.

Sonymen qatar túrli memleketterdiń basshylaryna arnalǵan jınalystar ótetin Kúmbezdi zal da bar. Kitaphana men otyrys saǵattary ótetin zaldary da bar. Aq ordanyń ár zalynyń ózindik ereksheligi bar.

Aq Orda – jabyq ǵımarat. Prezıdent rezıdensııa ishinde bolmaǵan ýaqyttarda ekskýrsııalar bolyp turady.

Túrikmenstan

Gýrbangýly Berdimúuhamedovtiń «Oǵyzhan» saraıy alǵashqy prezıdenttiń rezıdensııasynyń janynda ornalasqan.

Rezıdensııa qurylysy úsh jylǵa jalǵasty. Bouygues fransýz kompanııasy qurylysyn 2011 jyly aıaqtady.

Túrikmenstan

Ortalyq zaly qurmetti qonaqtardy qarsy alýǵa arnalǵan. Eki jaqty kelisimder Altyn zalda ótedi. Al keń kólemdegi kelisimder Gorký tata zalynda, úkimetaralyq kelisimder men qujattarǵa qol qoıý sharalary Seldjýk han zalynda, BAQ-qa arnalǵan press-konferensııalar Baıran han, mádenı sharalar Mahtýmkýlı zalynda ótedi.

Túrikmenstan

О́zbekstan

О́zbekstan prezıdenti Shavkat Mırzıeevtiń jańa rezıdensııasy Tashkent oblysy Baıturǵan aýylynda ornalasqan. Onyń qurylysy úshin ondaǵan úı qıratylyp, úı ıelerine kompensasııa tólengen. Kósheler keńeıtilip, aınalasyna shyrshalar otyrǵyzyldy.

О́zbekstan

Shavkat Mırzıeevtiń jańa rezıdensııasynyń aýmaǵy birneshe gektardan turady. Ǵımarattyń ishi argentınalyq kógildir mármármen ári Swarovski krıstallynan jasalǵan. Rezıdensııanyń qurylysymen О́zbekstan prezıdentiniń úlken kúıeý balasy Oıbek Týrsýnov aınalysty.

О́zbekstan

Al rezıdensııanyń ashylýy prezıdenttiń týǵan kúninde, ıaǵnı 2017 jyldyń 24 shildesinde ótti. Jańa rezıdensııa Mırzıeevtiń jumys ornynan 26,5 shaqyrym qashyqtyqta ornalasqan.

Qyrǵyzstan

Ala-Archa rezıdensııasy 2012 jyly salyndy. 2016 jyly TMD elderi basshylarynyń sammıti úshin rezıdensııa ishinde Qabyldaý úıi ashyldy. Onyń dızaıny kıiz úıge uqsatyp jasalǵan. Aýmaǵy 1,5 myń sharshy metrdi quraıdy.

Qyrǵyzstan

Ǵımarat eki deńgeıden turady. Ǵımarattyń tómengi qabaty eki jaqty kezdesýlerge arnalǵan úlken zaldan turady. Qabyldaý úıi 500-ge jýyq adamǵa arnalǵan. Onda túrli sharalar ótkiziledi. Máselen, resmı qabyldaýlar, jınalystar, press-konferensııalar. Ǵımarat 8 tilde sınhrondy aýdarma jasalatyn kabınamen jabdyqtalǵan.

Qyrǵyzstan

Memlekettik rezıdensııa aýlasynda Qyrǵyzstannyń eks-prezıdentteri Roza Otynbaeva men Almazbek Atambaev ta turady.

Gulim Zhaqan

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir