Elbasy aıtqan baqytsyz mıllıonerler kim?

"Men ómirimde baqytty mıllıonerdi kórmeppin. Muny ómirden kórgen-bilgeni kóp adam retinde aıtyp turmyn". Bul týraly memleket basshysy «100 jańa esim» jobasynyń ekinshi kezeńine ótken azamattarmen kezdesý kezinde aıtqan bolatyn. 

Rasynda da mıllıondaǵan tipti mıllıardtaǵan aqshasy bar adamnyń ózi baqytsyz ǵumyr keshedi degenge senesiz be? Eger aqshadan qınalyp, aılyqtan aılyqqa deıin ómir súretin adam bolsańyz «aqshasy bar adamnyń ómirden túńilýine ne sebep?» degen suraq qoıǵan shyǵarsyz. Iá syrttaı qaraǵanda ishkeni aldynda, ishpegeni artynda, aqshany ońdy-soldy jumsaı alatyn jan nege baqytsyz? Bir ǵana jaýap bar: ómirdiń mánin túsinbegendikten.  О́mirdiń bar qyzyǵy aqsha emes ekenin bilgen sátte mıllıoner bolsyn tipti mıllıarder de baqytsyzdyqqa ushyraıdy. Qalaısha?

Oılanyp kórińizshi, bir tas kedeı baı bolsam dep armandaıdy. Ondaǵan jyldar boıy sol armanyn iske asyrý úshin eńbek etedi, ter tógedi. Talaı ret jylaıdy, qulaıdy alaıda maqsaty úshin ómir súrip, sol maqsatqa jetý úshin baryn salady. Úmitin úzgisi kelmeıdi. Al sol maqsatyna jetken sátte  tas kedeı bolǵan adam ne isteıdi? Qýanyp, baqyttan basy aınalyp birneshe kún, múmkin aı júrer... Sodan keıin ol ózine suraq qoıa bastaıdy. «Men endi ne isteımin?», dep aınanyń aldyna kelip oılanady. Myqty adamdar taǵy bir maqsat qoıyp sony oryndaýǵa kirisedi.  Biraq baı adamdardyń da álsizi bolady. Sondaı baılar tiri ólikke aınalady. Baı adamdardy negizinen 2-ge bólip qarastyrsaq: aqshany júreginde ustaıtyndar jáne qolynda ustaıtyndar. Júrekke keregi baılyq emes... Sol sebepti aqshany júreginde ustaıtyndar baqytsyzdyqqa ushyraıdy.

Al keıbiri toqshylyqta ómir súrýge eti úırenip qalady. Mıllıonerdiń kóbisi óz baılyǵynan aıyrylyp qalǵanyn bilgen kezde óz-ózine qol salǵan. Kóbi «ómirdiń máni – baılyqta» dep oılaǵandyqtan osyndaı qadamǵa barady. Olar úshin aqshasyz bir kún ómir súrý tozaqpen teń bolyp kórinedi. Biri ózin atyp óltiredi, endi biri ý iship óledi...

Qamshy.kz aqparat agenttigi túrli qıyndyqqa tótep bere almaı, ómirdegi qıyndyqty ólim arqyly sheshkisi kelgen mıllıonerlerdiń tizimin oqyrman nazaryna usynady.

Djonatan Reıs

Brıtandyq Djonatan Reıs óte tabysty ári tanymal bıznesmen bolatyn. 35 jasynda mıllıoner atandy. Ol óler aldyn ákesiniń bıznesin 45 mln dollarǵa satyp jibergen. Negizi  ákesiniń bıznesin satqan Djonatan óz isin ármen qaraı jalǵastyrsa tabysy tipti artar edi. Jora-joldastary da, básekelesteri de osylaı oılapty. Alaıda 2009 jyly ol óz-ózine qol saldy. Tipti óler aldyn hat ta qaldyrmaǵan. Jas mıllıonerdiń mundaı qadamǵa barýyna ne túrtki bolǵany belgisiz. Týystarynyń aıtýynsha, Djonatanǵa ákesiniń ınsýlt alǵany oǵan qatty áser etken.

Elı Blek

Blek tabysty amerıkalyq bıznesmen boldy. Ol «United Brand» atty kompanııany basqardy. Elı Blektiń kásibi alǵashqy ýaqytta óte sátti bastalǵan. Sebebi ol óte talantty edi, kez kelgen kelissózdi óz paıdasyna asyratyn. О́z básekelesteriniń arasyndaǵy eń qýy da Elı Blek boldy. Biraq Gondýras prezıdentine banandy eksporttaý úshin 2,5 mln dollar kóleminde para bergen kezden bastap onyń ómiri kúrt ózgerdi. Onyń bylyǵy áshkere bolǵan soń, masqaralyqqa shydaı almaǵan 53 jastaǵy Elı Blek óz-ózine qol saldy.

Krıstofer Foster

2008 jyly tanymal kásipker óziniń qyzy men áıelin óltirdi. Keıin úıimen birge ózin de órtep jibergen.

Bıznesmenniń mundaı qatygezdikke barýyna sot otyrysy sebep bolǵan. Sot otyrysynda tabysty bıznesmenniń kók tıynsyz qalýy múmkin ekeni aıtylds. Sebebi onyń Ulva kompanııasy qurdymǵa ketip, bankrot bolyp, qaryzǵa belsheden batqan. Sot oǵan 4 mln dollar aıyppul saldy. Sondaı-aq bıznesmenniń mal-múlkin tárkilemek bolady. Onyń úıi 2,4 mln dollarǵa baǵalanypty. Osy jaıttan keıin onyń júıkesi syr berip, ashý-yzamen áıeli men qyzyn óltirgen. Keıin óz-ózine qol salǵan.

Djon Loýrenson

Tanymal bıznesmen 1,8 mln dollarǵa baǵalanǵan úıde turǵan. Ol óte baı jáne syrttaı baqytty bolyp kórindi. Iá ol óte baqytty edi. Tek óziniń súıikti áıeli qaterli isikke shaldyqqan. 47 jyl birge turǵan erli-zaıyptylar Meksıkadan tapsyryspen alynǵan zatqa ýlanyp ólgen. Loýrenson óler aldynda hat qaldyryp ketipti. Ol hatynda, áıelinsiz bir sát te ómir súre almaımyn dep jazǵan. Sol sebepti ol óz áıelimen birge ólýge sheshim qabyldapty.

Hýbert Boýmester

Ataqty bankır Nıderlandııadaǵy "ABN Amro" banki dırektorlar keńesiniń múshesi bolǵan. Ol 49 jasynda óziniń basynan atyp, ómirden ótti. Bankırdiń mundaı qadamǵa barýyna jumystan aıyrylýy sebep bolypty. Ol jumys istegen bank bakrotqa ushyraǵan soń "Artemis Assets Management" kompanııasynda jumys istegen. Alaıda óler aldynda bul kompanııadan shyǵyp ketken. О́ler aldyndaǵy hatynda «men bulaı ómir súre almaımyn», dep jazǵan.

P/S: Al endi ómirdiń máni degen ne? О́mirde baılyqtan da mańyzdy dúnıe bar. Ony árkim árqalaı túsinedi. Bireýińiz otbasyńyzdy, endi birińiz ata-anańyzdy ómirdiń máni dep túsinesiz. Biraq bul mańyzdy dúnıelerdiń de joǵalatyn kezi bolady emes pe?! Al siz oılap júrgen ómirdiń máni bir kúni bolsyn iz-tússiz joq bolatyn bolsa ne isteısiz? О́mirińizdiń sońyna deıin ólmeıtin, óshpeıtin mańyzdy dúnıe bar ma?