• USD 468.56

  • EUR 497.56

  • RUB 7.3

  • CNY 67.18

28 Naýryz, 21:23:38
Almaty
+35°

14 Aqpan, 2019 Aıtty-eı, baýyryń!

Senderdiń zamandaryń ótirik... Bári aldaıdy

Aldaıdy. Qazir bári aldaıdy. Bul senderdiń zamandaryń. Senderdiń zamandaryń ótirik. Bári aldaıdy... Bári ótirik.

 — Anaý aldaıdy osy, á... Anany aıtamyn. Aldaıdy bizdi. 
Halyq bankin kórsetip, osylaı dep tur. Bir áje. Aıaldamada. Aınalama qarap qoıamyn, maǵan aıtyp tur eken.

 —Neni aıtasyz?- dedim.

 —Anaý aqsha alatyndy aıtamyn. Aldaıdy. Aqsha beremin dep, aqshańdy ustap qalady. Typ-tynysh bankten ala beremin desem, balalarym qoımaı, myna bir «kártishkini» alyp berip edi, ońaı dep. Kóp aqshamdy ustap qaldy. Sosyn bankige baryp, kezek kútip, qujatymmen aldym. Aldaıdy. Qazir bári aldaıdy. Bul senderdiń zamandaryń. Senderdiń zamandaryń ótirik. Bári aldaıdy... Bári ótirik.

«Aldaıdy» dep aıta berdi, aıta berdi... Bul zaman ájemizdiń qashan, qalaı kóńilin qaldyrǵanyn bilmeımin. Biraq búgingi bankomattan aqsha ala almaǵan jaǵdaıdan keıin týǵan oı emestigine senimdimin. Kóńili qalǵandyǵyn aıtyp, aldaıdy dep, «bizdiń zamanǵa» degen ókpesin menen alyp jatqandaı. Meni kinálap jatqandaı sezilip ketti... Únsiz tura berdim, avtobýsty kútip. 


Kenet, «qar jaýyp qalsa eken búgin!» demesi bar ma ájemizdiń. Áńgimesin áli de maǵan aıtyp tur.

 —Nege? – dedim.

 —Demalys kúnderi úıdegi bala-shaǵa dalaǵa shyǵamyz dep jylaıdy. Sosyn shyǵarsań, ústi-basyn bylǵaıdy. Odan da qar, ne jańbyr jaýyp qalyp, úıde otyrǵandary jaqsy...

Qazirgi kezde barlyǵyn tehnologııa bılep ketti. Balalarymyz dalany, oınaýdy, tabıǵatty, taza aýany umytty... dep dabyl qaǵyp jatqan zamanda bul ájemniń bulaı degenine tań qaldym. Endi taǵy ne der eken dep turǵanymda...

 —Avtobýs kele jatyr ma? Kele me ózi? Qaıda ketti? Anaý - 34 - pe? – ájemiz sóıleı berdi, sóıleı berdi...

 — Iá, apa, ol - 34. 
Boldy. Basqa lám-mım demedim. Shydamym jetti. Avtobýs ta kele qaldy. Árkim óz jónimen ketti. Ájemniń jaıy málim boldy. "Men qandaı áje bolar ekenmin?" dep oılandym... eger sol jasqa jetsem...
Osyndaı jaǵdaı jıi bolyp turady ómirimde. Álde sizderde de solaı ma? Meni kórgen adam, meıli kim bolsa da, bóten, tanys bolsyn, muńyn shaǵyp, ashýyn maǵan shyǵaryp, «syrlasqysy» kelip turady... Qyzyq..


 

Maqpal Sembaı

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir