"Komada jatqan kezimde anammen sóılestim"

Áleýmettik jeli qoldanýshylardyń biri "komada jatqan adamdar qandaı sezimde bolady jáne olardyń jaqyndary qandaı tylsym jaıtty baıqady" degen suraqqa jaýap izdedi. Bul suraqty kórgen jeli qoldanýshylary ózderiniń júrek tebirenterlik oqıǵalarymen bólisti. Atalmysh oqıǵalardy Qamshy.kz aqparat agenttigi oqyrman nazaryna usynady. 

Anamnyń daýsyn estidim

— Men bir apta boıy komada jattym. Biraq maǵan bir apta men úshin bir kúndeı óte shyqty. Komada jatqan kezde men anamnyń daýsyn estip, onymen sóılestim. Anam meniń balalyq shaǵym týraly, qandaı buzyqtyq jasaǵanymdy aıtyp berdi. Anamnyń árbir sózi meniń jadymda jattalyp qaldy. 

Anammen qoshtasyp úlgerdim

— Anamnyń qalaı qaıtys bolǵanyn suraıtyndar kóp. Anam 6 jyl boıy qaterli isikpen kúresti. Bir kúni tańǵy 08:00-de ákem habarlasty. Ol anamnyń qaterli isikpen kúresýge shamasy jetpeıtinin aıtty. Men 40 mınýtta jetý kerek bolǵan aýrýhanaǵa 20 mınýtta qalaı jetkenimdi bilmeımin. Úlgerdim... Bárimiz anammen qoshtasyp úlgerdik. Anamnyń qasynda keshki 20:00-ge deıin otyrdym. Qımadym... 9 jyl buryn bolǵan oqıǵa bolsa da áli kúnge deıin júregim aýyrady. 

♦NARKOZDAN KEIINGI О́MIRDIŃ TYLSYM SYRLARY (JÝRNALISTIK ZERTTEÝ)

Komada jatqan ákem jylap jiberdi

— Ákem 2,5 jyl boıy qaterli isikpen kúresti. О́miriniń sońynda ákem sóıleýge shamasy kelmedi, tipti kózin asha almady. Men onyń qolyn qysyp ustap, qatty jaqsy kóretinimdi aıttym. Alǵashynda ákem meni estimeıdi dep oılaǵan edim. Alaıda men qalaı jaqsy kóretinimdi aıtqan soń ákem jylap jiberdi. Meni estigenin túsingen soń ákemmen qoshtasyp úlgerdim. 

Jaqsy perzent bola almaǵanym úshin qatty ókinemin

— Anam 2007 jyly o dúnıelik boldy. О́ler aldynda birneshe kún komada jatty. Men onyń qaıta oralmaıtynyn sol kezde sezgen edim. Ol komada jatqan kezde men kúni boıy anammen sóılesetinmin. Oǵan álemdegi eń jaqsy ana bolǵanyn aıta berdim. Sońǵy demi taýsylǵansha anamnyń qasynda boldym. Ol meni estidi dep úmittenemin. Qatty ókinemin... Sebebi men tirisinde qadirin bilmedim, jaqsy perzent bola almadym.

Aýdarǵan: Ásel Bolatqyzy