23 Qańtar, 2019 Ádebıet
Aqyn Rınat Zaıytovqa ókpe: "Dımashty dattaý — laqqanyń"
Búldirip jatsa bir buzyq. Qaıtemiz sonsha tunshyǵyp.
Búldirip jatsa bir buzyq.
Qaıtemiz sonsha tunshyǵyp.
Dımashqa qarsy tas atý,
Qazaqı qońyz tirshilik.
Qytaıdyń kózin sýlatqan.
Aǵylshyn elin dýlatqan.
Úkilep qosqan arǵymaq,
Máskeýdiń tórin shýlatqan.
Ketkeniń qaıtyp kelgendeı.
Urpaqqa urpaq ergendeı,
Parıjde turyp Ámire,
Taǵy da daýysyn kergendeı.
Kóziniń aq pen qarasy.
Kimiń bar taǵy, sanashy?
Dúnıe júzi tań qalǵan,
Kóshpendi eldiń balasy.
Sanaǵa jatyr jetip ún.
Biri emes ánshi ekiniń.
Ol júrgen jolmen júrip kór,
Dımashtyń kı de etigin.
Dombyra onyń qaqqany.
Qazaqy belbeý taqqany.
Qazaq bop shyqqan sahnaǵa,
Dımashty dattaý laqqanyń.
Kúnshildik ósken sanada.
Kúpirlik etken jaǵa ma?
Tulparyń ozsa jarysta,
Taqııań qysyp bara ma?
Aıtylar talaı aqqa syn.
Jaqsyǵa kúıe jaqpasyn.
Tuıaǵy bútin tulpardy,
Til kózden Qudaı saqtasyn.
О́tegen Nurmaǵambetov
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir