Karnegıden keńes: Tanymal psıhologtyń boıyńyzdaǵy mazasyzdyqty joıýǵa arnalǵan qaǵıdalary

Apta aıaǵyna jaqyndap qaldy. Kúndelikti kúıbeń tirishiliktiń qamymen júrip demalysqa jetkenshe júıkemizge biraz salmaq túsip, psıhologııalyq turǵydan sharshaýymyz zańdylyq. Sonyń nátıjesinde ashýshańdyq, mazasyzdyq paıda bolyp, eńbek ónimdiligine keri áser etedi. Mundaı jaǵdaıda ne isteý kerek? Qamshy.kz aqparat agenttigi oqyrman nazaryna ataqty amerıkalyq psıholog Deıl Karnegıdiń sabyrly bolyp, syndarly oılaýǵa kómektesetin qaǵıdalaryn usynady.

Otbasylyq ómirdiń qupııasy men ózara til tabysýdyń teorııasyn oılap tapqan psıhologtyń ómiri jaıly derekterdi osyǵan deıin de jazǵan bolatynbyz.

♦Baqytty ómirdi zerttegen tanymal psıhologtyń "baqytsyz" ólimi

Mazasyzdyqty jeńýdiń joly – jaǵdaıdy tolyq saralaý dep túsindirgen Deıl Karnegı boıyńyzdaǵy jaǵymsyz sezimderdi joıyp, ózińizge degen senimdilikti qalyptastyrý úshin tómendegi qaǵıdalardy usynady: 

1. Sizdi mazalaǵan máselege baılanysty faktilerdi jınaqtańyz.
2. Kóńil kúıińizge keri áser etken jaǵdaılar jaıly oılanyp, sheshim qabyldańyz.
3. Ishteı qabyldaǵan sheshimińizden keıin iske kóshińiz.
4. Myna suraqtarǵa jaýap izdep kórińiz:

• Máseleniń negizgi máni nede?
• Máseleniń paıda bolýyna ne áser etti?
• Qandaı sheshimderi bolýy múmkin?
• Siz úshin eń tıimdi sheshim qaısysy?

5. Kez kelgen jaǵdaıǵa mazasyzdana beretin ádetińizden arylyńyz.
6. Árdaıym aınalysatyn isińiz bolsyn. Bos ýaqytyńyz artyq ýaıymnyń paıda bolýyna ákelýi múmkin.
7. Mazasyzdanýǵa, ýaıymdaýǵa turatyn jaıttardy oılanyńyz. Kez kelgen oqıǵa sizdiń júıkeńizge áser etpeýi úshin «psıhologııalyq qalqan» qoıyńyz.
8. О́tkendi oılamaý kerek
9. Sizge sabyr syılaıtyn ádemi estelikter men aldaǵy josparlaryńyz jaıly oılańyz.
10. Kek saqtaýdan aýlaq bolyńyz.
11. Qaıyrymsyzdyqtan kóńilińiz qalǵansha, oǵan árdaıym daıyn júrińiz.
12. О́mirińizdiń kórsetkishi retinde jeńilisterdi emes, jeńisterińizdi qarastyryńyz.
13. Eshkimge eliktemeńiz.
14. Qatelikten sabaq alyp úırenińiz
15. Aınalyńyzdaǵy adamdarǵa baqyt syılaýǵa tyrysyńyz. Ol sizdi de baqytty etedi.

Usynǵan: Baljan Halyq