Álem sulýlaryn janyna jınaǵan Dımash ne dep ázildedi? (vıdeo)

Qańtardyń 12 kúni Qytaıdyń Sıan qalasynda «Bir belbeý – bir jol» strategııasynyń aıasynda halyqaralyq sán aptalyǵy ótkeni belgili. Arnaıy qonaq bolyp shaqyrylǵan bizdiń Dımash Qudaıbergen álem sulýlaryn janyna jınap, qatarynan eki ándi quıqyljyta oryndap shyqty. Ulyqpan Joldasovtyń armany joq shyǵar, sebebi birinshi bolyp shyrqalǵan án qytaı tilinde bolǵanymen, áýenin jazǵan Dımashtyń ókil ákesi Joldasovtyń ózi bolyp shyqty. 10 mınýtqa sozylǵan óner kórsetý barysynda qyz-qyrqynnyń kózi qyzylda emes, Dımashta boldy.

Áleýmettik jelide taralyp ketken fotolarda da Dımashty jep qoıýǵa daıyn turǵan sulýlardy kóremiz. Birinshisi sátti shyrqalyp, qyzdar kúmis kúlkilerin tyıa almaı, máre-sáre bolyp turǵanda kesh júrgizýshileri sahnaǵa shyǵyp, Dımashty kishigirim áńgimege tartty. «Qandaı sezimdesiz?» degen suraqqa «Kez kelgen er adam meniń ornymda bolýyn ishteı armandap otyrǵan shyǵar. О́z basym tolqyǵanym sonshalyq, ánniń sózin umytyp qalamyn ba shoshydym» dep ázildedi. Kez kelgen sıtýasııada óziniń qanshalyqty tárbıeli jáne ustanymy myqty ekendigin dáleldeı biletin Dımashtyń qaljyńyna kórermen rıza bolyp, dý qol shapalaqtady. Sodan soń Dımash aıǵaıǵa basty. Jo-joq, tikeleı maǵynada emes. Ekinshi ániniń ataýy – «Screaming», ıaǵnı qazaqsha aýdarmasy - «Aıqaı».

Zal «Dımashı» dep aıǵaılaǵanymen, bizdiń Dımash mahabbat jaıly asyqpaı-saspaı, ár qadamyn abaılap basyp, álem sulýlaryn shyr aınaldyra bılete otyryp oryndap shyqty. Qyzdar, qalyń kórermen shyn talanttyń daýsy men oryndaý sheberligi, sahnada ózin ustaý mádenıeti men symbatyna tamsanyp, bastary aınalǵanymen, Dımash sabyrly qalpynan taımady. Reseıge arnaıy baryp óner kórsetkende mıkrofony istemeı qalǵanyn jankúıerleri jaqsy biledi.

♦ Dımash Olımpııskııdi aýzyna qaratty (vıdeo)

Sonda da Dımash kesh uıymdastyrýshylary tis jaryp, shaǵym aıtpaǵan bolatyn. Án aıtyp bolǵannan keıin Dımashqa gúl shoqtaryn ákelgen jankúıerler-tyńdarmandaryn «quldarǵa» teńegen reseılik júrgizýshilerge mán bermeı, dears-tarǵa (Dımashtyń jankúıerler toby-red.) sheksiz alǵysyn aıtyp, kúlip qoshtasqan, shyn mánisinde osyndaı uıymdastyrylý deńgeıinen zárazap bolǵan Dımashty Qytaı ádettegideı joǵary deńgeıde qarsy aldy. Talantqa laıyqty qurmet kórsetti. Al, biz júrmiz Dımashqa «Mádenıet qaıratkerin» áli bermeı. Bul biraq basqa áńgimege arqaý bolsyn...

♦Fanattardyń shynaıy oqıǵalary. "Dımash bolmaǵanda, qarańǵy qabirde jatar edim"