• USD 468.56

  • EUR 497.56

  • RUB 7.3

  • CNY 67.18

29 Naýryz, 10:48:09
Almaty
+35°

09 Qańtar, 2019 Aıtty-eı, baýyryń!

Gúljan Erǵalıeva: Aqıqatty aıtqansha jolda adam óltirgen jaqsyraq eken ǵoı...

Sonda aqıqatty aıtqansha jolda adam óltirgen jaqsyraq eken ǵoı...beretinderi az.

Qazaq bıligine jańa jylda jańa tilek

Pavlodarda qarsy betke shyǵyp, 4 adamdy ajal qushtyrǵan (onyń ishinde kishkentaı bala da bar) 51 jastaǵy júk kóliginiń júrgizýshisine qatysty úkim shyǵypty. Sottyń sheshimimen ol endi 5 jyl bas bostandyǵynan aıyrylady. Alaıda otyratyn kolonııasynyń tıpi jeńil. Bul az ba, kóp pe?
Avarııa men avarııanyń aıyrmashylyǵy bar. Sondyqtan da ár oqıǵany zerttep alý maqsat. Keıde jaıaý júrginshi ózi jol-kólik oqıǵasyna sebepker bolyp jatady. Alaıda aýyr júk kóliginiń qarsy betke shyǵyp ketip, jeńil kólikpen betpe-bet kelip, tórt adamdy óltirýin shyn mánisinde jappaı adam óltirý deýimiz qajet. Sol úshin nebári 5 jyl?

Men halyqtyń kózinie bas shaýyp nemese Qytaıdaǵydaı ondaı qylmyskerlerdi atyp tastaıyq demeımin. Degenmen bas bostandyǵynan aıyrý júıesiniń belgili bir tártipke baǵynǵanyn qalaımyn. Sebebi «jalǵan aqparat taratýshy» nelikten  10 jylǵa túrmege jabylady? О́sek taratyp, jalǵan aıyp tapqandar nege 7 jylǵa tentirep ketedi?

Jýrnalıstiń quqyǵyn qorǵaıtyn qanshama uıymdar BAQ-ta nemese áleýmettik jelide bildirgen oı-pikiri úshin parlamenttiń maquldaǵan qylmystyq baptardy dekrımınalızasııalaýǵa (qylmystyq isti ákimshilik iske aýystyrý – red.) baryn salyp jatyr. Biraq jyl saıyn bılik qoǵamdyq pikirge qatysty zańls kúsheıtýmen álek. Ásirese, oı-pikir ózgeshe bolsa, basqa bále bolady. Bálkim, jeter?! «Jalǵan aqparat», «jalǵan aıyp taǵý», «qadir-qasıetine tıisý», «shaǵystyrý» úshin qylmystyq is qozǵaı berýdi doǵaraıyq! Sebebi mundaı jaǵdaılarda kimniń burys, kimniń durys jasaǵanyn, kináli men kinásizdiń arasyn ajyratý qıynnyń qıyny. Sondyqtan qylmystyq isten azamattyq, tipti ákimshilik baǵytqa aýystyrý qısyndyraq.

Maks Boqaevqa taǵaıyndalǵan  5 jyl men rólde otyryp alyp, birneshe adamdy óltire salatyn qylmyskerge kesilgen  5 jyl salystyrýǵa kele me?

Demek Pavlodarlyq presedentke súıensek, tórt adamnyń ólimi túrmedegi 5 jylǵa teń nemese Eskendir Súleımenovti óltirgen Muhıtovanyń 2 jylyna para-par, demek jańa jyldyń qarsańynda 3 adamdy óltirip, bir adamdy aýrýhanyń kereýetine baılaǵan almatylyq bıznesmenniń de alar jazasy 5 jyl. Mundaǵy jeńil tıptegi kolonııadaǵy 5 jyl «qazaqshalap alǵandaǵy eń qatań jaza» bolmaq. Bul zań, oǵan qarsy qalaı kelesiń dersizder. Biraq sol zańdardy bekitip otyrǵan ózimizdiń bılik emes pe? Olar qashan shyndyqtyń kózine týra qaraıdy?!

Kúlkili ǵoı... BAQ-ta nemese feısbýkte oıyńdy bildiresiń de 10 jyl alasyń, al jol erejesin buzyp, jappaı adam óltirseń, alatynyń 5 jyl!

Sonda aqıqatty aıtqansha jolda adam óltirgen jaqsyraq eken ǵoı...beretinderi az.

Gúljan Erǵalıevanyń feısbýk paraqshasynan aýdaryldy

 

Zhazira Baidaly

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir