• USD 468.56

  • EUR 497.56

  • RUB 7.3

  • CNY 67.18

28 Naýryz, 22:21:59
Almaty
+35°

08 Qańtar, 2019 Oqıǵalar

Jol apatynan qaza bolǵan Baqytnurdyń qaı bankten nesıe alǵany belgili boldy

Úsh adamnyń ajal qushýyna sebepker bolǵan kúdikti Kar Ilıastyń Gelendvagenin týysqandary «Tas kredıtke» usynyp, aqsha almaqshy bolǵandary belgili boldy.

29 jeltoqsan kúni taksıletip júrip o dúnıelik bolǵan Baqytnur Qunapııauly suraýsyz ketpese eken dep jazǵan bolatynbyz. Jalǵyz anasy men baýyrlary Qytaı asyp, marqumnyń jetisine qatysa almaı, bir ýys topyraq tastaı almaǵanyn da tilge tıek ettik. Baýyryndaı bolyp ketken dosy Qanattyń aýzynan marqumnyń basynda bir emes, birneshe nesıe bar ekendigin estip qaldyq. Dostarynyń "jınalyp, nesıesin jaýyp bermekpiz" degen nıetterine rıza boldyq. "Alaıda marqum qandaı bankten nesıe aldy, qaıtys bolǵan adamnyń qaryzy keshirile me?" degen suraqtardyń jaýabyn alǵymyz keldi.

Baqytnur

Belgili bolǵanyndaı, Baqytnur Qunapııauly Kaspı bankten nesıe rásimdegen. Ázirge qaı jyly, jalpy qandaı soma alǵandyǵy belgisiz. Qalǵan somanyń mólsheri – 1 022 962 teńge, qaryzdy birden japqan jaǵdaıdaǵy soma mólsheri – 894 673 teńge. Marqum qańtardyń 25-ne deıin 40 610 teńge tólem jasaýy shart bolǵan.

Baqytnur

Baqytnur

Uzynaǵashtaǵy jıenderiniń aıtýynsha, bul ekinshi nesıesi. Sonymen qatar marqum Baqytnurdyń «Nurbankten» alǵan nesıesi taǵy bar. Alaıda bul aqparattyń ras-ótirine kóz jetkize almadyq. Bank resmı hatty talap etkendikten, dál qazir oqyrmanǵa naqty sıfrlardy usyna almaımyz.

Týǵan naǵashysy Ǵanıdiń sózin negizge alsaq, jalpy 1,5 mıllıondaı bereshegi bolýy kerek. Marqum keler jazda bir basyn ekeý etip, úı salmaqshy bolǵan eken. Alaıda ol armanyna qol jetkize alǵan joq.

Kaspıbankke de qońyraý shaldyq. Olar da ázirge únsiz. «Qamshy» zańger Qaırat Júkelden atalmysh jaǵdaı boıynsha keńes aldy.

-«6 aı kóleminde marqumnyń murageri anyqtalady. Týǵan anasy ne týǵan aǵa-inisi bolsa, «murager ataný» týraly aryz jaza alady. Bul jaǵdaıda ol marqumnyń múlkine ıe bolady. Sonymen qatar qaryzyn da tóleýge mindetteledi. Tolyq somany paıyzben, ne paıyzsyz tóleıtinin bank ózi sheshedi», -  dep túsindirdi Qaırat Júkel.

Marqumnyń qyrqyna da az ýaqyt qaldy. Jetisin, qyrqyn ótkizýdi óz moınyna alǵan naǵashysy Ǵanı "Qytaıda turatyn marqum Baqytnurdyń anasy balasynyń qyrqyna úlgerip kelse eken" dep ýaıymdap otyr. Jańa jyl, Rojdestvo merekelerine baılanysty QR SIM Qytaı tarapyna Baqytnur Qunapııaulynyń qaıtys bolýyna baılanysty týysqandaryn Qazaqstanǵa shaqyryp, anyqtama qaǵazyn jibermepti. Osy bir máseleniń tezirek sheshimin tabýyn marqumnyń týysqandary tilep otyrǵan jaıy bar. «Qamshy» aqparat agenttigi óz kezeginde mınıstrlikke de habarlasyp, mán-jaıdy anyqtaýdy mindet etip aldy.

Sonymen qosa, úsh adamnyń ajal qushýyna sebepker bolǵan kúdikti Kar Ilıastyń "Gelendvagen" kóligin týysqandary «Tas kredıtke» usynyp, aqsha almaqshy bolǵany belgili boldy. Alaıda mashına múldem jaramsyz bolyp qalǵandyqtan mekeme usynysty maquldamaǵan.

♦Marqum týraly estelik: Úıli bolamyn dep taksıletip júrýshi edi

♦"Bala-shaǵasy úshin taksıst bolyp júrgen beıshara júrgizýshiniń januıasyn munda umyt qaldyrǵan"

 

Zhazira Baidaly

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir