Aqtóbelik sharýalar tıimdi jumys isteı bastady

Aqtóbe oblysynda aýyl sharýashylyǵynyń eńbek ónimdiligi bıyl 48%-ǵa, bir jumysshyǵa 705 myń teńgeden 1,2 mln teńgege deıin ósti, dep málimdedi óńir basshysy Berdibek Saparbaev.

• Elbasy tapsyrmasyna sáıkes, óńirde «aqyldy» tehnologııalardy engizý, sýarmaly jáne egistik alańdaryn keńeıtý, jańa ınnovasııalyq jobalardy engizý, ónim óndirý úlesin ulǵaıtý esebinen azyq-túlik qaýipsizdigin qamatmasyz etý jumystary kúsheıtildi,-dedi oblys ákimi.

Atap aıtqanda, óńirde múıizben emdeıtin emhanasy bar Batys Qazaqstandaǵy jalǵyz maral ósirý fermasy, kókónis ósiretin jylyjaı keshenderi, afrıkalyq jaıyn ósiretin sharýashylyq iske qosyldy.

Aýyl sharýashylyǵynyń dástúrli emes salalary da belsendi damyp keledi. Qazirgi tańda qoıan, ara, bódene jáne t.b. ósiretin 600-den asa sharýashylyq bar. «Bolat LTD» JShS-niń tańqýraı egetin alqaptarynan jyl saıyn 150 tonnadan astam jıdek jınalady, jýyrda qulpynaı ósiretin jylyjaı iske qosylady.

Sondaı-aq, bıyl asyl tuqymdy iri qara mal basy 51%-ǵa, 28 myńnan 42,3 myń mal basyna deıin ósti. Sýarmaly jerler alańy oblys boıynsha 41%-ǵa - 30,6 myń gektarǵa deıin, egistik jerler15%-ǵa - 754,1 myń gektarǵa deıin keńeıdi.

• Eýropalyq qaıta qurý jáne damý bankimen birge sýarmaly jerlerdi qaıta qalpyna keltirý jumystary jalǵasyp jatyr. Bul áriptestik 2019 jylǵa qaraı 40 myń gektar sýarmaly jerdi tıimdi aınalymǵa engizýge múmkindik beredi,-dedi B.Saparbaev.