«Sıfrlyq Qazaqstan» memlekettik baǵdarlamasy — utymdy joba

Qazaqstan álemdegi ózgeristerden qur alaqan emes. Qazaqstanda zaman talabyna saı, adamnyń ómir sapasyn jaqsartý, jańa tehnologııany, ǵylym, bilimdi ıgerý, ǵylymdaǵy sońǵy ózgeristerden habardar bolý jáne ony qoldanysqa engizý jyldam júretin proses. Mysal retinde qabyldanǵan «Sıfrlyq Qazaqstan» memlekettik baǵdarlamasyn aıryqsha ataýǵa bolady. Elimizde mundaı baǵdarlamanyń qabyldanýy beker emes. Qazir álem boıynsha IT salasy qaryshty qadammen damyp keledi. Soǵan sáıkes, IT mamandaryna degen suranys birden artty. Sebebi, qazir aqparattyń, tehnologııanyń zamany. Álem alǵa jyljyp adam ómirin ońtaılandyrý, qazirgi qarbalas, ýaqyt tapshy zamanda adam ýaqytyna syılastyqpen qarap, ony tıimdi ári paıdaly ótkizip, ýaqytta únemdeý maqsatynda túrli sharalar atqarylyp, halyqqa qyzmet kórsetýdi yńǵaıly etý úshin kóptegen jumystar atqarylyp jatyr. Adam burynǵydaı ýaqytyn uzyn sonar kezekte ótkizbeı jumysyndaǵy jumsaq kreslosynda nemese úıinde shaı iship otyryp-aq biraz sharýany atqara alady. Eýropa, Amerıka halqy bankke, halyqqa qyzmet kórsetý oryndaryna nemese kommýnaldy qyzmet aqysyn, aıyppul tóleý, qujat rásimdeý sekildi osy jáne taǵy da basqa kóptegen jumystardy mekeme tabaldyryǵyn tozdyrmaı-aq bitire alady. Bul eń aldymen adamnyń ýaqytyn únemdep, qaǵazbastylyqtan qutqaryp, esikten, esikke júgirýge ketken altyn ýaqytty odan da paıdalyraq, adamnyń rýhanı, mádenı ómirin jandandyrýǵa múmkindik beredi.

«Sıfrlyq Qazaqstan» memlekettik baǵdarlamasy jylda jetildirilip keledi. Onyń nátıjesi kóp kúttirtpedi. Halyqqa qyzmet kórsetý qyzmeti onlaın júıege aýysyp keledi. Buryndary halyq sabylyp halyqqa qyzmet kórsetý oryndaryna aǵylatyn bolsa, qazir kezekte turmaı-aq úıinde otyryp jumystaryn tyndyra bere alady. Bul halyqqa da tıimdi ári mekeme ákimshiligine de qolaıly. Sebebi halyqqa qyzmet kórsetý sapasy joǵarylaıdy.

Sıfrlyq júıeniń bereri mol ári bolashaǵy zor ekenin uǵynǵan árbir el osy júıege kóshýdi myqtap qolǵa aldy. Sebebi halyq sıfrly júıe týraly saýatyn asha túsken saıyn onyń paıdaly ári qyzyqty aqparatqa qol jetkizý múmkindigi molaıa túsedi. Sonymen birge, aqparatty bilý men qatar ony saqtaý, taratý, jetkizýge jol ashylady.

«Sıfrlyq Qazaqstan» memlekettik baǵdarlamasy aıasynda kóptegen jumystar atqaryldy. Oǵan mysal retinde Egov pen «OTAU TV» tele-radıo habar taratý jelisin aıtsa bolady. Osydan jeti jyl buryn Qazaqstan Respýblıkasy prezıdenti Nursultan Ábishuly Nazarbaevtyń qatysýymen atalmysh jolserik iske qosylǵan bolatyn. Ol ýaqytta ulttyq operator qyzmetin nebári 6300 adam ǵana paıdalandy. Qazir qoldanýshylar sany mıllıonnan asty. Onyń jetpis prosenti aýyl turǵyndary.

Halyq sandyq júıeniń utymdy tustaryn túsingen saıyn sıfrlyq saýattylyǵy artyp keledi. Qazaqstan Respýblıkasynyń prezıdenti Nursultan Ábishuly Nazarbaev sıfrly júıeni mańyzdylyǵyn jaqsy túsine otyryp, onyń Qazaqstanda keń etek jaıý úshin barlyq jaǵdaıdy jasap jatyr. Qazaqstan Respýblıkasynyń prezıdenti Nursultan Ábishuly Nazarbaev óziniń jyl saıynǵy Qazaqstan Respýblıkasy halqyna arnalǵan «Qazaqstannyń Úshinshi jańǵyrýy: jahandyq básekege qabilettilik» atty Joldaýynda sıfrly júıeni aıryqsha atap ótti. Onda IT salasy men sıfrly tehnologııalardy damytýǵa zor kúsh jumsalatyny aıtylady. Onyń dáleli retinde Qazaqstan Respýblıkasy prezıdenti Nursultan Ábishuly Nazarbaevtyń myna sózin keltireıik:

«Biz sıfrly tehnologııany qoldaný arqyly qurylatyn jańa ındýstrııalardy órkendetýge tıispiz. Bul – mańyzdy keshendi mindet. Elde 3D-prıntıng, onlaın-saýda, mobıldi bankıng, sıfrly qyzmet kórsetý sekildi densaýlyq saqtaý, bilim berý isinde qoldanylatyn jáne basqa da perspektıvaly salalardy damytý kerek. Bul ındýstrııalar qazirdiń ózinde damyǵan elderdiń ekonomıkalarynyń qurylymyn ózgertip, dástúrli salalarǵa jańa sapa darytty»,- dedi Qazaqstan Respýblıkasynyń prezıdenti Nursultan Ábishuly Nazarbaev.

«Sıfrlyq Qazaqstan» memlekettik baǵdarlamasy birneshe salany qatar damytady desek artyq aıtpaǵanymyz emes. Sandyq júıe, sıfrlyq Qazaqstan degende IT salasyn damytý jospary oıymyzǵa eriksiz oralýy múmkin. Alaıda «Sıfrlyq Qazaqstan» memlekettik baǵdarlamasy odan bólek kóptegen salanyń qanat jaıýyna múmkindik ashady. Máselen, eńbek naryǵy. Iаǵnı halyqqa jańa jumys oryndary ashylady. Qazaqstan Respýblıkasy azamattary jańa tehnologııamen tanysý múmkindigin alady. «Sıfrlyq Qazaqstan» memlekettik baǵdarlamasy aıasynda IT sektorynyń úlesin eki jyldan keıin, ıaǵnı eki myń jıyrmasynshy jyly bes prosentke jetkizý mindeti tur. Bul maqsatqa qol jetkizý úshin júz elý myń jańa jumys orny ashylady. Sáıkesinshe, júz elý myń adamǵa jańa múmkindik beriledi, júz elý myń adam jumyspen qamtylady. О́ziniń potensıalyn ashyp, álemdegi jaǵymdy ózgeriske bir taban jaqyndap, onyń bir bólshegi bolý múmkindigine ıe bolady. Sarapshylardyń esebi boıynsha, júz elý myń adamǵa jumys ornyn usyný eńbek ónimdiligin otyz jeti prosentke arttyrady. Bul óte jaǵymdy tendensııa bolmaq.

«Sıfrlyq Qazaqstan» memlekettik baǵdarlamasy óte utymdy joba ekenin árkez dáleldep keledi. Sebebi, onyń astarynda halyqtyń áleýmettik hálin jaqsartý, ómir súrý deńgeıin kóterý, qoǵamdy dendegen, qordalanǵan áleýmettik máselelerdiń oń sheshimin tabýyna yqpal etý, halyqtyń turmys deńgeıin jańa satyǵa kóterý maqsaty tur. Bul rette Qazaqstan Respýblıkasy prezıdenti Nursultan Ábishuly Nazarbaevtyń damyǵan, órkenıetti otyz eldiń qataryna ený jospary da bar.

Elbasynyń bergen naqty tapsyrmasy aıasynda birqatar mindet qoıyldy. Olarǵa jeke-jeke toqtalyp ótelik. Qazaqstan Respýblıkasy prezıdenti Nursultan Ábishuly Nazarbaevtyń bekitken tapsyrmasy aıasynda eki myń jıyrmasynshy jylǵa deıin Qazaqstan Respýblıkasynda ınternetti paıdalanýshy halyqtyń paıyzdyq kórsetkishi seksen paıyzdan asyrý mindeti tur.

Bul úshin arnaıy «Sıfrlyq Qazaqstan» memlekettik baǵdarlamasy qabyldandy. Onyń aıasynda kóptegen mindetter tur. Iаǵnı, Qazaqstan Respýblıkasy turǵyndarynyń toqsan bes paıyzyn eki myń jıyrma besinshi jylǵa deıin sıfrly habar taratýmen qamtamasyz etý.

«Sıfrlyq Qazaqstan» memlekettik baǵdarlamasy sheńberinde, eki júz qyryq tórt radıo jáne televızııalyq stansasy iske qosyldy. «Sıfrlyq Qazaqstan» memlekettik baǵdarlamasy aıasynda orta bilim beretin mekemelerde, ıaǵnı mektepterde WI-FI júıesin ornatý josparda bar.

Qazaqstan Respýblıkasy azamattarynyń zaman kóshinen qalmaı, ómirdi birneshe satyǵa kóterýdi kózdeıtin «Sıfrlyq Qazaqstan» memlekettik baǵdarlamasy birneshe baǵyt boıynsha nátıjeli jumys istep jatqanyn atap ótý kerek.

Birinshi baǵyt – aýyl óńirleri turǵyndarynyń  keń jolaqty ınternetke qol jetimdiligin arttyrý.

Ekinshi baǵyt– Qazaqstan Respýblıkasy ekonomıkasynyń, onyń ishinde qarjy júıesindegi salalarǵa sandyq tehnologııany bekitý. Jeke atap óter bolsaq, olar:  kólik jáne logıstıka, densaýlyq saqtaý, bilim berý, aýyl sharýashylyǵy jáne elektrondy saýda.

Úshinshi baǵyt – Qazaqstan Respýblıkasynyń memlekettik organdar jumysyn jaqsartý.

Tórtinshi baǵyt – Qazaqstan Respýblıkasynda IT mamandardy daıarlaý.

Altyngúl О́mirzaqova